Asebter amenzawi
Aɣawas aɣelnaw n ussifses n tsekkirin n tedbelt: tefka-d tesmilt n usiggi tacrawt-nnes n 2015
LEZZAYER TAMANEɣT – Iqeddem-d unemhal amatu n Twuri Tanagdudt, Belkacem Bouchemal, s yisem-nnes d aselway n Tesmilt n Usiggi n Ussefɛel n Uɣawas Aɣelnaw n Ussifses n Tsekkirin Tideblanin, tacrawt (ḥaṣila) n tesmilt-a i useggas n 2015, ɣef wakken ay d-yenna yiwen n welɣu (bayan) n weɣlif n tɣawsiwin n daxel.
Tettwaqeddem-d tecrawt-a deg temlilit n yimaslaḍen (aɛḍa’) n Usanay Aɣelnaw n Umeẓlu Anagdud deg Uɣerbaz Aɣelnaw n Tedbelt « Mohamed Moulay Medeghri », ddaw tselwit n ugensas (mumattil) n uneɣlaf n tɣawsiwin n daxel, Fouad Makhlouf, yernu yebder-d uṛabul-a « aṭas n tenqiḍin, gar-asent assebded n yiwet n tesmilt tagraɣlift ed tecrawt n yixeddimen n tesmilt i useggas n 2015 aydeg 1.437 n lecɣal ay yettwammeṛkan, gar-asen 939 n lecɣal ay yefran yernu ayen d-yeqqimen la yetteddu ad yefru ».
Deg tegnit-a, yeckeṛ-d Mass Bouchemal « ṛṛuḥ n wemɛawen ed uxeddim ucrikay d-yellan deg teɣlamt (fariq) ayɣef yella d aselway ».
Yella-d wemyager-a d « tagnit i wembaddel n tmuɣliwin gar yimaslaḍen n snat-a n tsuda (mu’assasat) ed wemsefham ɣef ussugget n wussisen (maǧhudat), n teɣwalt ed ussemyuddes i wawwaḍ ɣer yeswan ay d-ḥudden yiduba inagduden yernu ad as-ddun deg lebɣi i uɣerman s umeẓlu anagdud n tɣara ad yessifessen tikmarin n tbiruqraṭit s umata », ɣef wakken ay d-yenna welɣu-a.
Azwur-a (mubadara) « tudef deg ukatar n ussefɛel n lewṣayat ay d-yefka uneɣlaf amenzu ass n 12 Yebrir 2016 i wemciweṛ ed ussemyuddes (tansiq) gar Udiwan Aɣelnaw n Umeẓlu Anagdud ed Tseqqamut n Usiggi ed Ussefɛel n Uɣawas Aɣelnaw n Ussifses n Tsekkirin Tideblanin ».
