ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵡⴻⵀⵕⴰⵏ: ⴰⴱⴻⴷⴷⵓ ⵏ ⵜⴻⵥⵔⵉⴳⵜ ⵜⵉⵙ 15 ⵏ ⵡⵓⵔⴰⵔⴻⵏ ⴰⴷⴷⴰⵍⴰⵏⴻⵏ ⵉⵙⴷⴰⵡⴰⵏⴻⵏ

ⵡⴻⵀⵕⴰⵏ – ⵜⴻⴱⴷⴰ ⵜⴻⵥⵔⵉⴳⵜ ⵜⵉⵙ 15 ⵏ ⵡⵓⵔⴰⵔⴻⵏ ⴰⴷⴷⴰⵍⴰⵏⴻⵏ ⵉⵙⴷⴰⵡⴰⵏⴻⵏ ⵉⵖⴻⵍⵏⴰⵡⴻⵏ ⴰⵙⵙ ⵏ ⵍⵃⴻⴷⴷ ⵜⴰⵎⴻⴷⴷⵉⵜ ⴷⴻⴳ ⵜⵏⴻⵣⴷⵓⵖⵜ ⵜⴰⵙⴷⴰⵡⴰⵏⵜ ⴱⴻⵍⴳⴰⵉⴷ (ⵜⴰⵖⵉⵡⴰⵏⵜ ⵏ ⴱⵉⵔ ⵍⴵⵉⵔ), ⴷⴻⴳ ⵡⴻⴳⵎⵓⴹ ⵏ ⵡⴻⵀⵕⴰⵏ, ⵙ ⵡⴻⵃⴷⴰⵕ ⵏ ⵓⵡⴰⵍⵉ ⴻⴷ ⵢⵉⴳⴻⵏⵙⴰⵙⴻⵏ (ⵎⵓⵎⴰⵜⵜⵉⵍⵉⵏ) ⵏ ⵜⴻⵙⴷⴰⵡⵉⵜ ⵏ ⵎⵧⵀⴰⵎⴻⴷ-ⴱⴻⵏⴰⵀⵎⴻⴷ, ⵜⴰⵙⴷⴰⵡⵉⵜ ⵏ ⵜⵓⵙⵙⵏⵉⵡⵉⵏ ⴻⴷ ⵜⴻⵙⵏⴰⵜⵡⵉⵍⵜ « ⵎⵧⵀⴰⵎⴻⴷ-ⴱⵧⵓⴷⵉⴰⴼ », ⵜⴰⵙⴷⴰⵡⵉⵜ ⵏ ⵙⵙⴰⵏⵢⴰ ⴻⴷ ⵓⴷⵉⵡⴰⵏ ⵏ ⵢⵉⵅⴻⴷⴷⵉⵎⴻⵏ ⵉⵙⴷⴰⵡⴰⵏⴻⵏ.

1.400 ⵏ ⵢⵉⵏⴰⴷⴷⴰⵍⴻⵏ, ⴷ ⵉⵇⵛⵉⵛⴻⵏ ⴻⴷ ⵜⴻⵇⵛⵉⵛⵉⵏ ⵙⴻⴳ ⵜⵡⵉⵍⴰⵢⵉⵏ ⵏ ⵜⴱⴻⵙⴽⴻⵔⵜ, ⵍⴻⵖⵡⴰⵟ, ⵎⵙⵉⵍⴰ, ⵡⴰⴷ ⵙⵓⴼ, ⵙⵉⴷⵉ ⴱⴻⵍⵄⴻⴱⴱⴰⵙ, ⵎⵄⴻⵙⴽⴻⵕ, ⵜⵍⴻⵎⵙⴰⵏ, ⵄⵉⵏ ⵜⵉⵎⵓⵛⴻⵏⵜ, ⵜⵉⵀⴻⵔⵜ, ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵜⵉⵣⵉ ⵡⴻⵣⵣⵓ, ⴱⵓⵎⴻⵔⴷⴰⵙ, ⵍⴻⴱⵍⵉⴷⴰ, ⴱⴳⴰⵢⴻⵜ, ⵇⵙⴻⵏⵟⵉⵏⴰ, ⵄⴻⵏⵏⴰⴱⴰ, ⵙⴹⵉⴼ, ⵍⴱⵓⵕⵊ ⴱⵓⵄⵕⵉⵕⵉⵊ ⴻⴷ ⴵⵉⴵⴻⵍ, ⴰⴷ ⵢⴻⵜⵜⴻⴽⴽⵉⵏ ⴷⴻⴳ ⵜⴻⵥⵔⵉⴳⵜ-ⴰ ⴰⵢ ⴷ-ⵢⴻⵖⵍⵉⵏ ⴷⴻⴳ ⵓⵎⵓⵍⵍⵉ ⵡⵉⵙ 60 ⵏ ⵜⵎⴻⵖⵔⴰ ⵏ ⵓⵏⴻⵍⵎⴰⴷ.

ⴷⴻⴳ ⵜⵉⵏⴰⵡⵜ ⵏ ⵡⴻⵔⵥⴰⵎ, ⵢⴻⵏⵏⴰ-ⴷ ⵓⵙⴻⵎⵢⵓⴷⴷⴰⵙ (ⵎⵓⵏⴰⵙⵙⵉⵇ) ⵏ ⵡⵓⵔⴰⵔⴻⵏ ⵉⵙⴷⴰⵡⴰⵏⴻⵏ ⵢⴻⵍⵍⴰⵏ ⴷⴰⵖ ⴷ ⴰⵏⴻⵎⵀⴰⵍ ⵏ ⵓⵖⴻⵔⴱⴰⵣ ⴰⵖⴻⵍⵏⴰⵡ ⴰⴳⵜⴰⵜⵡⵉⵍⴰⵏ ⵏ ⵡⴻⵀⵕⴰⵏ (ⴻⵏⵒⵧ), ⴰⴱⴷⴻⵍⴱⴰⴽⵉ ⴱⴻⵏⵣⵉⴰⵏⴻ, ⵢⴻⵏⵏⴰ-ⴷ ⴷⴰⴽⴽⴻⵏ ⴰⴷⴷⴰⵍⴻⵏ ⵉⵙⴷⴰⵡⴰⵏⴻⵏ ⵙⵄⴰⵏ ⴰⵣⴰⵍ ⵢⴻⵔⵏⵓ ⵙⴻⴳ ⵣⵉⴽ ⴰⵢ ⵍⵍⴰⵏ ⴷ « ⵍⵄⵓⵍⴰ » ⴰⵢⵙⴻⴳ ⴷ-ⵜⵜⵡⴰⴳⴰⵎⴻⵏ ⵢⵉⵏⴰⴷⴷⴰⵍⴻⵏ ⵏ ⵜⴻⵖⵍⴰⵎⵉⵏ ⵜⵉⵖⴻⵍⵏⴰⵡⵉⵏ ⵏ ⵡⴰⴷⴷⴰⵍⴻⵏ ⵢⴻⵎⴳⴻⵔⵔⴰⴷⴻⵏ.

ⴰⵟⴰⵙ ⵏ ⵢⴻⵎⵙⵉⵣⴻⵡⵔⴻⵏ ⴰⴷ ⴷ-ⵢⵉⵍⵉⵏ ⴷⴻⴳ ⵜⴻⵥⵔⵉⴳⵜ-ⴰ, ⴳⴰⵔ-ⴰⵙⴻⵏ ⵡⵉⴷ ⵏ ⵜⵛⵉⵔⴼⵓⴳⵜ, ⵜⴰⵛⵉⵔⴼⵓⵙⵜ, ⴰⵊⵓⴷⵧ, ⵜⴰⵛⵉⵔⵇⴻⵛⵡⴰⵍⵜ ⴻⴷ ⵜⴰⵜⵍⵉⵜⵉⵜ. ⵓⵔⴰⵔⴻⵏ-ⴰ ⴰⴷ ⴱⴷⵓⵏ ⴷⴻⴳ ⵜⵏⴻⵣⴷⵓⵖⵜ ⵜⴰⵙⴷⴰⵡⴰⵏⵜ ⵏ ⴱⴻⵍⴳⴰⵉⴷ, ⵎⴰ ⴷ ⵜⴰⵏⴻⴳⴳⴰⵔⵓⵜ ⵏ ⵜⵛⵉⵔⵜ ⵏ ⵓⴹⴰⵔ ⵏ ⵜⴻⵇⵛⵉⵛⵉⵏ ⴰⴷ ⴷ-ⵜⵉⵍⵉ ⴰⵙⵙ ⵏ 19 ⵎⴰⵢⵓ ⴷⴻⴳ ⵜⴻⵙⴷⴰⵡⵉⵜ ⵏ ⵎⵧⵀⴰⵎⴻⴷ-ⴱⵧⵓⴷⵉⴰⴼ ⴰⵏⴷⴰ ⴰⴷ ⴷ-ⵜⵉⵍⵉ ⴷⴰⵖ ⵜⴼⵓⴳⵍⴰ ⵏ ⵜⵓⴽⵛⵉ ⵏ ⵜⵣⴰⵍⵖⵉⵡⵉⵏ ⴻⴷ ⵡⴰⵔⵔⴰⵣⴻⵏ.