Asebter amenzawi

Yerẓem Wenmager n Yiweẓla Adzayri-Iṛani wis sin deg Ṭehran

ṬEHRAN– Yerẓem Wenmager n Yiweẓla Adzayri-Iṛani wis 2 ass n letniyen deg Ṭehran s uttekki n wemḍan d ameqran n yergazen n yiweẓla (aɛmal) idzayriyen ed yiṛaniyen.

Amyager-a ay d-yellan deffir win n Dujembeṛ yezrin deg Ldzayer Tamaneɣt, ad t-sselwin uneɣlaf n temguri (ṣinaɛa), Abdessalam Bouchouareb, d wenmazul (na’ib) n uneɣlaf iṛani n temguri, Valliollah Afkhani.

Ad ḥedṛen deg wemyager-a yikataren (iṭarat) n weɣlif n temguri ed yigensasen (mumattilin) n wudusen idamsanen idzayriyen gar-asen Taxxamt Tadzayrit n Tnezzut ed Temguri ed Tnegga Taɣelnawt n Tneflit n Ussefti.

Iḥricen igehdanen ay iḥedṛen deg wenmager-a d wid n teẓwert (ṭaqa), lebni, takerrazt ed tuččit, ccac, tamguri n tmacinin ed temguri n yisafaren.

Ad d-ilin daɣ yemyagren n yiweẓla isindisanen gar teṛmisin (carikat) tidzayriyin ed tiṛaniyin i ussukku n tiṭ ɣef tlemmiẓin (furaṣ) n ussefti ed ticcurka gar snat-a n tmura.