ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵔⵥⴻⵎ ⵡⴻⵏⵎⴰⴳⴻⵔ ⵏ ⵢⵉⵡⴻⵥⵍⴰ ⴰⴷⵣⴰⵢⵔⵉ-ⵉⵕⴰⵏⵉ ⵡⵉⵙ ⵙⵉⵏ ⴷⴻⴳ ⵟⴻⵀⵔⴰⵏ
ⵟⴻⵀⵔⴰⵏ– ⵢⴻⵔⵥⴻⵎ ⵡⴻⵏⵎⴰⴳⴻⵔ ⵏ ⵢⵉⵡⴻⵥⵍⴰ ⴰⴷⵣⴰⵢⵔⵉ-ⵉⵕⴰⵏⵉ ⵡⵉⵙ 2 ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵟⴻⵀⵔⴰⵏ ⵙ ⵓⵜⵜⴻⴽⴽⵉ ⵏ ⵡⴻⵎⴹⴰⵏ ⴷ ⴰⵎⴻⵇⵔⴰⵏ ⵏ ⵢⴻⵔⴳⴰⵣⴻⵏ ⵏ ⵢⵉⵡⴻⵥⵍⴰ (ⴰⵄⵎⴰⵍ) ⵉⴷⵣⴰⵢⵔⵉⵢⴻⵏ ⴻⴷ ⵢⵉⵕⴰⵏⵉⵢⴻⵏ.
ⴰⵎⵢⴰⴳⴻⵔ-ⴰ ⴰⵢ ⴷ-ⵢⴻⵍⵍⴰⵏ ⴷⴻⴼⴼⵉⵔ ⵡⵉⵏ ⵏ ⴷⵓⵊⴻⵎⴱⴻⵕ ⵢⴻⵣⵔⵉⵏ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⴰⴷ ⵜ-ⵙⵙⴻⵍⵡⵉⵏ ⵓⵏⴻⵖⵍⴰⴼ ⵏ ⵜⴻⵎⴳⵓⵔⵉ (ⵚⵉⵏⴰⵄⴰ), ⴰⴱⴷⴻⵙⵙⴰⵍⴰⵎ ⴱⵧⵓⵛⵀⵧⵓⴰⵔⴻⴱ, ⴷ ⵡⴻⵏⵎⴰⵣⵓⵍ (ⵏⴰ’ⵉⴱ) ⵏ ⵓⵏⴻⵖⵍⴰⴼ ⵉⵕⴰⵏⵉ ⵏ ⵜⴻⵎⴳⵓⵔⵉ, ⵠⴰⵍⵍⵉⵧⵍⵍⴰⵀ ⴰⴼⴽⵀⴰⵏⵉ.
ⴰⴷ ⵃⴻⴷⵕⴻⵏ ⴷⴻⴳ ⵡⴻⵎⵢⴰⴳⴻⵔ-ⴰ ⵢⵉⴽⴰⵜⴰⵔⴻⵏ (ⵉⵟⴰⵔⴰⵜ) ⵏ ⵡⴻⵖⵍⵉⴼ ⵏ ⵜⴻⵎⴳⵓⵔⵉ ⴻⴷ ⵢⵉⴳⴻⵏⵙⴰⵙⴻⵏ (ⵎⵓⵎⴰⵜⵜⵉⵍⵉⵏ) ⵏ ⵡⵓⴷⵓⵙⴻⵏ ⵉⴷⴰⵎⵙⴰⵏⴻⵏ ⵉⴷⵣⴰⵢⵔⵉⵢⴻⵏ ⴳⴰⵔ-ⴰⵙⴻⵏ ⵜⴰⵅⵅⴰⵎⵜ ⵜⴰⴷⵣⴰⵢⵔⵉⵜ ⵏ ⵜⵏⴻⵣⵣⵓⵜ ⴻⴷ ⵜⴻⵎⴳⵓⵔⵉ ⴻⴷ ⵜⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵜⵏⴻⴼⵍⵉⵜ ⵏ ⵓⵙⵙⴻⴼⵜⵉ.
ⵉⵃⵔⵉⵛⴻⵏ ⵉⴳⴻⵀⴷⴰⵏⴻⵏ ⴰⵢ ⵉⵃⴻⴷⵕⴻⵏ ⴷⴻⴳ ⵡⴻⵏⵎⴰⴳⴻⵔ-ⴰ ⴷ ⵡⵉⴷ ⵏ ⵜⴻⵥⵡⴻⵔⵜ (ⵟⴰⵇⴰ), ⵍⴻⴱⵏⵉ, ⵜⴰⴽⴻⵔⵔⴰⵣⵜ ⴻⴷ ⵜⵓⵞⵞⵉⵜ, ⵛⵛⴰⵛ, ⵜⴰⵎⴳⵓⵔⵉ ⵏ ⵜⵎⴰⵛⵉⵏⵉⵏ ⴻⴷ ⵜⴻⵎⴳⵓⵔⵉ ⵏ ⵢⵉⵙⴰⴼⴰⵔⴻⵏ.
ⴰⴷ ⴷ-ⵉⵍⵉⵏ ⴷⴰⵖ ⵢⴻⵎⵢⴰⴳⵔⴻⵏ ⵏ ⵢⵉⵡⴻⵥⵍⴰ ⵉⵙⵉⵏⴷⵉⵙⴰⵏⴻⵏ ⴳⴰⵔ ⵜⴻⵕⵎⵉⵙⵉⵏ (ⵛⴰⵔⵉⴽⴰⵜ) ⵜⵉⴷⵣⴰⵢⵔⵉⵢⵉⵏ ⴻⴷ ⵜⵉⵕⴰⵏⵉⵢⵉⵏ ⵉ ⵓⵙⵙⵓⴽⴽⵓ ⵏ ⵜⵉⵟ ⵖⴻⴼ ⵜⵍⴻⵎⵎⵉⵥⵉⵏ (ⴼⵓⵔⴰⵚ) ⵏ ⵓⵙⵙⴻⴼⵜⵉ ⴻⴷ ⵜⵉⵛⵛⵓⵔⴽⴰ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ.
