Asebter amenzawi

Yerẓem wammas amaynu i webdad i yilufanen d tyemmatin deg Tɣerdayt

TAɣERDAYT – Yerẓem yiwen n umeẓlu (maṣlaḥa) amaynu i webdad i yilufanen ed tyemmatin deg wesbiṭar yemmuzzgen deg tesnajya n tyemmat ed wegrud « Gueddi-Bakir » ay d-yusan deg tlemmast n temdint n Tɣerdayt, ɣef wakken ay d-nwala.

Tigget-a n webdad i yilufanen ed tyemmatin tettwarẓem deffir ma ifuk uxeddim n uṣeggem ed ussemɣer n wemkan aydeg llan ttdawin ilufanen yenḍerren, yernu yesqam-d ccɣel-a 7 n yimelyunen n yidinaṛen, ɣef wakken ay d-yessefhem unemhal n tdawsa (mudir aṣ-ṣiḥḥa) ed yimezdaɣen n Tɣerdayt, Bachir Bahaz.

Yella-d uxeddim d ameqran deg wesbiṭar n Tɣerdayt i lebni n tigget-a i udawi n yilufanen imaynuten s uqader n tegna (maɛayir) tigraɣlanin ed weswir n udawi n tɣara, ɣef wakken ay d-yenna unemhal-a.

Tigget-a tamaynut ad d-tefk imeẓla n tɣara i tsednan ad d-yerbun deg laman, am wakken ad tettekki deg ussenqes n wefmiḍi n tmettant n tyemmatin ed yilufanen, ladɣa imi wa d yiwen seg yeswan igejdanen n umagim (alfiyya) i tneflit (tanmiya), ɣef wakken ay d-yenna.

Ameẓlu-a yemmuzzgen deg-s 24 n wusuten yernu yesɛa ttawil d amaynu n tsuta taneggarut ay d-yesqamen 25 n yimelyunen n yidinaṛen, d win aydeg llant 8 n tmezdalin, tiduba n ussudder, timezdalin yesɛan ttawilat am usellaḍ n wuksijin ed wegdil ad yeǧǧen alufan ay d-ilulen uqbel wakud ad yeqqim deg tegnewt iwatan, am wakken ay llan daɣ yegdilen n tɛessast n yemsektayen n tudert ed ledwaḥ.