Asebter amenzawi

Yekki Medelci deg usarag agraɣlan ɣef teɣdemt tamenḍawant tamirant

LEZZAYER TAMANEɣT – Aselway n Useqqamu amenḍawan, Mourad Medelci, ad yekki ass n ttlata deg temdint n Saint Petersbourg (Rrus) i yimuhal n usarag agraɣlan ɣef ‘’Teɣdemt tamenḍawant tamirant, acqirrew akked yimal’’ akked unmager agraɣlan ɣef ‘’amyikcem n yigmamen n teɣdemt tamenḍawant akked yigmamen n tedbelt’’, i d-yenna yiwen n ulɣu n Useqqamu.

Snat temliliyin-a ara d-yeḍrun seg wass n 17 ɣer 21 mayu, tessuddes-itent-id Tsenbert tamenḍawant tarusit almend n umulli wis 25 n useɣnew-is, i d-tesseddi teɣbalut-nni.

Deg temlilit-a ideg ara kkint tsenbarin timnaḍanin n ddeqs n tmura, Mass Medelci ad yesissen yiwen n uḍris azwel-is ‘’tarmit tazzayrit deg wayen yerzan taɣdemt tamenḍawant’’ akked ‘’ibeddilen imenḍawanen yettemeḍfaren’’, i d-tesseddi teɣbalut-nni.