Asebter amenzawi

Tefka Massa Benghebrit lameṛ n ubeddu n ukayad n welmud alemmas seg twilayt n Wad Suf

WAD SUF – Tefka Massa Benghebrit lameṛ n ubeddu n yikayaden n ugerdas n welmud alemmas n useggas n 2015-2016 seg twilayt n Wad Suf.

Tawilayt-a tesɛa 14.655 n yinelmaden ad yesɛeddin akayad-a deg 63 n yiɣerbazen ay d-yusan deg 30 n tɣiwanin.

3.498 n yiɛessasen ay d-yettwasbegsen akken ad ɛassen ikayaden welmud alemmas deg tɣiwant-a, gar-asen ula d imanayen (muraqibin) d yimesnafsiyen.

Deg tmurt, s umata, 559.926 n yinelmaden ad yesɛeddin akayad n welmud alemmas n 2016 deg 2.192 n yiɣerbazen, yernu ad ten-ɛassen 98.500 n yiɛessasen, gar-asen yiselmaden, inemhalen (mudara’) d yimaswaḍen (mufatticin).