Asebter amenzawi

Aɛqal n kraḍ iremmaɣen-nni i tenɣa ass n letniyen Tredsa taɣelnawt taɣerfant deg Tubiret

LEZZAYER TAMANEɣT – Kraḍ (3) iremmaɣen i tenɣa ass ass n letniyen yiwet n tsensirt n Tredsa taɣelnawt taɣerfant (ANP) deg temzelt n unadi i gan deg teẓgi n Erric, tawilayt n Tubiret, ɛeqlen-ten, i d-yenna ass n ttlata yiwen n ulɣu n uɣlif n Temḥaddit taɣelnawt (MDN).

‘’Deg ukatar n umennuɣ mgal iremmaɣen, tamzelt n uɛqal n kraḍ (3) iremmaɣen-nni i tenɣa, iḍelli ass n 23 mayu 2016, yiwet n tsensirt n Tredsa taɣelnawt taɣerfant (ANP) deg teẓgi i umi ttinin Erric, taɣiwant n Ɛin Ṭṭerk, tawilayt n Tubiret (Tamnaḍt taserdasant tamezwarut), tessaweḍ ad teɛqel d acu-ten yiremmaɣen-nni, ismawen-nsen d wi : ‘’J. Mohamed’’, i umi ttinin ’’Abdellah’’, i ikecmen idefriren n yiremmaɣen deg useggas n 1993, ‘’Ch. Djilali’’ i umi ttinin ‘’Abou Sara’’, i ikecmen, ula d netta, idefriren n yiremmaɣen deg useggas n 1994 akked wis kraḍ, ‘’L. Abdelghan’’i umi ttinin ‘’Hichem’’’’, i d-tesseddi teɣbalut-nni.

Seg yidis nniḍen, deg Txencelt (Tamnaḍt taserdasant tis 5), yuɣal-d s abrid yiwen n uremmaɣ, ṭṭfen daɣen yiferdisen n Temsetla taɣelnawt sin (2) iferdisen yettɛawanen idefriren n yiremmaɣen. Rnant tsensirin huddent, deg Txencelt akked Ǧiǧel (Tamnaḍt taserdasant tis 5), Tizi Uzzu akked Ɛin Defla (Tamnaḍt taserdasant tamezwarut), ṭam (7) n tnaffarin n yiremmaɣen, yiwen (1) n lmedfeɛ akked (3) lbumbat yettwaxeddmen s ufus’’.