ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵃⴻⵜⵜⴻⵜ-ⴷ ⵓⵏⴻⵖⵍⴰⴼ ⵏ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ ⵖⴻⴼ ⵓⵇⴰⴷⴻⵔ ⵏ ⵡⴰⴽⵓⴷ ⵏ ⵢⵉⵙⴻⵏⴼⴰⵔⴻⵏ
ⵇⵙⴻⵏⵟⵉⵏⴰ – ⵉⵃⴻⵜⵜⴻⵜ-ⴷ ⵓⵏⴻⵖⵍⴰⴼ ⵏ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ (ⴰⵛⵖⴰⵍ ⵄⵓⵎⵓⵎⵉⵢⵢⴰ), ⴰⴱⴷⴻⵍⴽⴰⴷⴻⵔ ⵧⵓⴰⵍⵉ, ⴰⵙⵙ ⵏ ⵍⴻⵜⵏⵉⵢⴻⵏ ⵜⴰⵎⴻⴷⴷⵉⵜ ⴷⴻⴳ ⵇⵙⴻⵏⵟⵉⵏⴰ, ⵖⴻⴼ ⵡⴰⵣⴰⵍ ⵏ ⵓⵇⴰⴷⴻⵔ ⵏ ⵡⴰⴽⵓⴷ ⵏ ⵢⵉⵙⴻⵏⴼⴰⵔⴻⵏ ⴷⴻⴳ ⵍⴻⴱⵏⵉ ⵏ ⵜⴻⵖⵙⴰⵔ (ⵎⴰⵃⴰⵟⵟⴰⵜ) ⵏ ⵓⵅⴻⵍⵍⴻⵚ ⵏ ⵡⴻⴱⵔⵉⴷ ⴰⵎⴰⵣⵣⴰⵍ ⴰⴳⵎⵓⴹ-ⴰⵜⴰⵔⴰⵎ ⵏ ⵄⵉⵏ ⵙⵙⵎⴰⵕⴰ (ⵇⵙⴻⵏⵟⵉⵏⴰ), ⴷ ⴰⵙⴻⵏⴼⴰⵔ ⴰⵢ ⵢⴻⵜⵜⵡⴰⵡⴻⴽⴽⵍⴻⵏ ⵉ ⵢⵉⵡⴻⵜ ⵏ ⵜⴻⴳⵔⴰⵡⵜ ⵜⴰⵟⴰⵍⵢⴰⵏⵉⵜ.
ⵎⵉ ⵉⵡⴰⵍⴰ ⴷⴰⴽⴽⴻⵏ ⵜⵉⵔⴰⵡⵉⵏ (ⴷⵉⵔⴰⵙⴰⵜ) ⵏ ⵡⴰⴽⴰⵍ ⵏ ⵓⵙⴻⵏⴼⴰⵔ-ⴰ ⵄⴻⴹⴹⵍⴻⵏⵜ, ⵓⵔ ⴰⵙ-ⵢⴻⵄⵊⵉⴱ ⵍⵃⴰⵍ ⵉ ⵓⵏⴻⵖⵍⴰⴼ ⵢⴻⵔⵏⵓ ⵢⴻⵛⵔⴻⴹ-ⴷ ⵖⴻⴼ ⵜⴻⵕⵎⵉⵙⵜ (ⵛⴰⵔⵉⴽⴰ) ⴰⵢ ⴷ-ⵢⴻⵍⵀⴰⵏ ⵙ ⵓⵙⴻⵏⴼⴰⵔ-ⴰ ⴰⴷ ⵜⴻⵙⵄⵓ ⴰⵀⵉⵍ ⵏ ⵓⵎⴰⵀⵉⵍ, ⴰⵎ ⵡⴰⴽⴽⴻⵏ ⴰⵢ ⵉⵡⴻⵚⵚⴰ ⵎⵢⴰⵍ ⵏ ⵓⵙⴻⵏⴼⴰⵔ (ⵜⴰⴷⵣⴰⵢⵔⵉⵜ ⵏ ⵓⵙⵙⴻⴼⵔⴻⴽ ⵏ ⵢⴻⴱⵔⵉⴷⴻⵏ ⵉⵎⴰⵣⵣⴰⵍⴻⵏ) ⴰⴷ ⵜⴻⵙⵙⴻⵄⵊⴻⵍ ⴰⵏⵢⴰ ⵏ ⵓⵙⴻⵏⴼⴰⵔ.
«ⴰⵡⴰⵏⴰⴽ (ⴷⴰⵡⵍⴰ) ⵢⴻⵙⵙⴻⴱⴳⴻⵙ ⴰⴽⴽ ⵜⵜⴰⵡⵉⵍⴰⵜ ⴰⴽⴽⴻⵏ ⴰⴷ ⵢⴻⴵⴵ ⴰⵙⴻⵏⴼⴰⵔ-ⴰ ⴰⴷ ⴷ-ⵢⴻⵡⵊⴻⴷ ⴷⴻⴳ ⵡⴰⴽⵓⴷ ⴰⵢ ⴰⵙ-ⴷ-ⵢⴻⵜⵜⵡⴰⵃⵓⴷⴷⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵙⴻⵏⴼⴰⵔ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⴰⵙⴻⵏⴼⴰⵔ-ⴰ ⵉⵄⴻⴹⴹⴻⵍ ⵖⴻⴼ ⵍⴵⴰⵍ ⵏ ⵜⴷⵣⴰⵢⵔⵉⵜ ⵏ ⵓⵙⵙⴻⴼⵔⴻⴽ ⵏ ⵢⴻⴱⵔⵉⴷⴻⵏ ⵉⵎⴰⵣⵣⴰⵍⴻⵏ ⵉⵎⵉ ⵓⵔ ⵍⴰ ⵜⴻⵙⵙⴻⵃⵕⴰⵙ ⴰⴽⴽⴻⵏ ⴰⴷ ⴷ-ⵡⴻⵊⴷⴻⵏⵜ ⵜⴻⵣⵔⴰⵡⵉⵏ ⵢⴻⵔⵏⵓ ⴰⴷ ⵉⴼⴰⴽ ⵓⵎⴰⵀⵉⵍ.
ⵢⴻⵏⵏⴰ-ⴷ ⵎⴰⵙⵙ ⵧⵓⴰⵍⵉ ⴷⴰⴽⴽⴻⵏ ⴰⵖⵍⵉⴼ-ⵏⵏⴻⵙ « ⵍⴰ ⵢⴻⵜⵜⴹⴰⴼⴰⵔ ⵙ ⵍⵇⴻⵔⴱ ⴰⴽⴽ ⵉⵛⴰⵏⵟⵉⵢⴻⵏ ⵏ ⵡⴻⴱⵔⵉⴷ ⴰⵎⴰⵣⵣⴰⵍ ⴰⴳⵎⵓⴹ-ⴰⵜⴰⵔⴰⵎ », ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⴻⵜⵜⵡⴰⵇⴹⴻⵄ ⵡⴰⵢⴻⵏ ⵉⴼⵓⵜⴻⵏ ⵢⴻⵔⵏⵓ ⵢⴻⵙⵙⴻⴼⴽ ⴰⴽⴽ ⵉⵛⴰⵏⵟⵉⵢⴻⵏ ⴰⴷ ⴷⴷⵓⵏ ⵙ ⵢⵉⵡⴻⵏ ⵏ ⵡⴻⵏⵢⴰ (ⵡⴰⵜⵉⵔⴰ).
ⵎⴰ ⴷ ⵉⵎⴰⵙⴰⵢⴻⵏ (ⵎⴰⵙ’ⵓⵍⵉⵏ) ⵏ ⵜⵏⴰⵔⵉⵢⵉⵏ (ⵎⴰⴽⴰⵜⵉⴱ) ⵏ ⵜⴻⵣⵔⴰⵡⵜ ⵜⵉⵡⴻⵔⴷⴰⵏⵉⵢⵉⵏ ⵏⵏⴰⵏ-ⴷ ⴷⴰⴽⴽⴻⵏ ⵙⵙⴻⴱⴱⴰ ⵏ ⵓⵄⴻⴹⴹⴻⵍ-ⴰ ⴷ ⵍⴻⵅⵚⴰⵚ ⵏ ⵜⴻⴷⵔⵉⵎⵜ ⴷ ⵡⵓⴳⵓⵔⴻⵏ ⵉⵜⵡⵉⵍⴰⵏⴻⵏ.
