Asebter amenzawi

Iḥettet-d uneɣlaf n yimahilen inagduden ɣef uqader n wakud n yisenfaren

QSENṬINA – Iḥettet-d uneɣlaf n yimahilen inagduden (acɣal ɛumumiyya), Abdelkader Ouali, ass n letniyen tameddit deg Qsenṭina, ɣef wazal n uqader n wakud n yisenfaren deg lebni n teɣsar (maḥaṭṭat) n uxelleṣ n Webrid Amazzal Agmuḍ-Ataram n Ɛin Ssmaṛa (Qsenṭina), d asenfar ay yettwawekklen i yiwet n tegrawt taṭalyanit.

Mi iwala dakken tirawin (dirasat) n wakal n usenfar-a ɛeḍḍlent, ur as-yeɛjib lḥal i uneɣlaf yernu yecreḍ-d ɣef teṛmist (carika) ay d-yelhan s usenfar-a ad tesɛu ahil n umahil, am wakken ay iweṣṣa myal n usenfar (Tadzayrit n Ussefrek n Yebriden Imazzalen) ad tesseɛjel anya n usenfar.

«Awanak (dawla) yessebges akk ttawilat akken ad yeǧǧ asenfar-a ad d-yewjed deg wakud ay as-d-yettwaḥudden », ɣef wakken ay d-iwekked usenfar, am wakken ay d-yerna dakken asenfar-a iɛeḍḍel ɣef lǧal n Tdzayrit n Ussefrek n Yebriden Imazzalen imi ur la tesseḥṛas akken ad d-wejdent tezrawin yernu ad ifak umahil.

Yenna-d Mass Ouali dakken aɣlif-nnes « la yettḍafar s lqerb akk icanṭiyen n Webrid Amazzal Agmuḍ-Ataram », yernu yenna-d dakken yessefk ad d-yettwaqḍeɛ wayen ifuten yernu yessefk akk icanṭiyen ad ddun s yiwen n wenya (watira).

Ma d imasayen (mas’ulin) n tnariyin (makatib) n tezrawt tiwerdaniyin nnan-d dakken ssebba n uɛeḍḍel-a d lexṣaṣ n tedrimt d wuguren itwilanen.