ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

25.000 ⵏ ⵜⴻⵣⵎⴰⵎⵉⵏ ⵏ ⵢⵉⵛⴰⴽⴻⵏ ⴰⵢ ⴷ-ⵢⴻⵜⵜⵡⴰⵅⴷⴰⵎⴻⵏ ⴷⴻⴳ ⵡⴰⵙⵙ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵢⴻⵏⵏⴰ-ⴷ ⵓⵏⴻⵎⵀⴰⵍ ⵏ ⵓⵙⴻⵏⴼⴰⵔ ⵏ ⵢⵉⵣⴻⵏ ⴰⵔⴳⴻⵏⵏⴰ, ⴰⴱⴷⴻⵔⵔⴻⵣⴰⴽ ⴰⵔⵔⴰⵛⵀⴻ ⴷⴰⴽⴽⴻⵏ ⵜⴰⴷⵓⵎⴻⵀⵍⴰ ⵏ ⵜⵏⴰⵣⴻⵏⵜ ⵏ ⵍⴷⵣⴰⵢⴻⵔ (ⴰⵍⴳⴻⵔⵉⴻ ⵒⵧⵙⵜⴻ) ⵏ ⴱⵉⵔ ⵜⵓⵜⴰ (ⵍⴷⵣⴰⵢⴻⵔ) ⵜⴻⵙⵙⵓⴼⴼⵓⵖ-ⴷ 25.000 ⵏ ⵜⴻⵣⵎⴰⵎⵉⵏ ⵏ ⵢⵉⵛⴰⴽⴻⵏ ⴷⴻⴳ ⵡⴰⵙⵙ ⴰⴽⴽⴻⵏ ⴰⴷ ⴷ-ⵜⵉⵍⵉ ⵉ ⵍⵎⴻⵏⴷ ⵏ ⵡⴰⵢⴻⵏ ⴷ-ⵙⵙⵓⵜⵓⵔⴻⵏ ⵎⴻⴷⴷⴻⵏ.

ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⴰⵢ ⴷ-ⵉⴳⴰ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴷⵣⴰⵢⴻⵔ ⴷⴻⴳ ⵢⵉⵊⵉⴼⴻⵕ ⵏ ⵜⴻⵔⵣⵉ ⵏ ⵓⵙⵙⴻⴼⵇⴻⴷ ⴰⵢ ⴷ-ⵜⴳⴰ ⵢⵉⵡⴻⵜ ⵏ ⵜⴻⵙⵎⵉⵍⵜ ⵜⴰⵡⴰⵎⵏⵉⵜ (ⵉⵎⴰⵙⵍⴰⴹⴻⵏ ⵏ ⵜⴻⵙⵎⵉⵍⵜ ⵏ ⵓⵎⴻⵙⵏⵉ ⴷ ⵜⴻⵖⵡⴰⵍⵜ ⵜⴰⵏⴻⵎⴳⴰⴳⵜ), ⵢⴻⵏⵏⴰ-ⴷ ⵎⴰⵙⵙ ⴰⵔⵔⴰⵛⵀⴻ ⴷⴰⴽⴽⴻⵏ ⴰⵅⴻⴷⴷⵉⵎ ⵏ ⵓⵙⵙⵓⴼⴼⴻⵖ ⵏ ⵜⴼⴰⵜⵓⵕⵉⵏ ⵏ ⵎⵧⴱⵉⵍⵉⵙ ⴷ ⴽⵔⴰ ⵏ ⵜⴱⴰⵏⴽⵉⵡⵉⵏ, ⴷ ⵓⵙⵙⵓⴼⴼⴻⵖ ⵏ ⵜⴻⵣⵎⴰⵎⵉⵏ ⵏ ⵢⵉⵛⴰⴽⴻⵏ ⴷ ⵛⵛⵖⴻⵍ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⴰⴽⴽⴻⵏ ⵉⵡⴰⵜⴰ ⵢⴻⵔⵏⵓ ⵡⴰⵔ ⵓⴳⵓⵔⴻⵏ.

ⵙ ⵡⴰⵢⴰ, ⴰⵖⵙⵓⵔ-ⴰ ⵍⴰ ⴷ-ⵢⴻⵙⵙⵓⴼⴼⵓⵖ ⴰⵣⴰⵍ ⵏ 700.000 ⵏ ⵜⴻⵣⵎⴰⵎⵉⵏ ⵏ ⵢⵉⵛⴰⴽⴻⵏ ⴷⴻⴳ ⵓⵙⴻⴳⴳⴰⵙ ⵉ ⵡⵉⴷ ⵢⴻⵙⵄⴰⵏ ⵉⵎⵉⴹⴰⵏⴻⵏ (ⵃⵉⵙⴰⴱⴰⵜ) ⴷⴻⴳ ⵜⵏⴰⵣⴻⵏⵜ ⵏ ⵍⴷⵣⴰⵢⴻⵔ ⵙⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ.

ⵙ ⵡⴰⵢⴰ, ⵢⴻⵏⵏⴰ-ⴷ ⵎⴰⵙⵙ ⴰⵔⵔⴰⵛⵀⴻ ⴷⴰⴽⴽⴻⵏ ⵓⴳⵓⵔ ⵏ ⵓⵄⴻⴹⴹⴻⵍ ⵏ ⵜⴻⵣⵎⴰⵎⵉⵏ ⵏ ⵢⵉⵛⴰⴽⴻⵏ ⵓⵔ ⵢⴻⵇⵇⵉⵏ ⵖⴻⵔ ⵓⵄⴻⴹⴹⴻⵍ ⴷⴻⴳ ⵓⵙⵙⵓⴼⴼⴻⵖ, ⵡⴰⵏⴰⴳ ⵖⴻⵔ ⵜⵓⵛⵛⴹⴰ ⴷⴻⴳ ⵜⴰⵏⵙⵉⵡⵉⵏ ⴰⵢ ⴷ-ⵜⵜⴰⴽⴼⴻⵏ ⵢⵉⵎⴰⵡⵍⴰⵏ ⵏ ⵜⴻⵣⵎⴰⵎⵉⵏ-ⴰ. ⵏⵏⵉⴳ ⵡⴰⵢⴰ, ⵉⵡⴻⴽⴽⴻⴷ-ⴷ ⵎⴰⵙⵙ ⴰⵔⵔⴰⵛⵀⴻ ⴷⴰⴽⴽⴻⵏ ⴰⵙⵙⵉⵡⴻⴹ ⵏ ⵜⴻⵣⵎⴰⵎⵉⵏ-ⴰ ⵖⴻⵔ ⵢⵉⵎⴰⵡⵍⴰⵏ-ⵏⵙⴻⵏⵜ ⵓⵔ ⴷ ⵛⵛⵖⴻⵍ ⵏ ⵡⴻⵖⵙⵓⵔ-ⴰ, ⵡⴰⵏⴰⴳ ⴷ ⵛⵛⵖⴻⵍ ⵏ ⵜⵏⴰⵔⵉⵢⵉⵏ (ⵎⴰⴽⴰⵜⵉⴱ) ⵏ ⵜⵏⴰⵣⴻⵏⵜ (ⴱⴰⵔⵉⴷ) ⴰⵏⴷⴰ ⴰⵢ ⵣⴻⴷⵖⴻⵏ ⵢⵉⵎⴰⵡⵍⴰⵏ-ⵏⵙⴻⵏⵜ.