ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵛⵉⵔⴹⴰⵔⵜ: ⵢⴻⵜⵜⵡⴰⴼⵔⴻⵏ ⵀⴰⵏⵏⵉ ⴷ ⴰⵎⴰⵔⵉⵔ ⵉⵎⵅⴻⵢⵢⴻⵔ ⴷⴻⴳ ⴱⵉⵍⵊⵉⴽ ⵉ ⵜⵙⴻⵎⵀⵓⵢⵜ ⵏ 2015-2016

ⴱⵔⵓⵅⴻⵍⵍⴻⵙ – ⵢⴻⵜⵜⵡⴰⴼⵔⴻⵏ ⵓⵎⴰⵔⵉⵔ ⴰⴳⵔⴰⵖⵍⴰⵏ ⵙⵧⴼⵉⴰⵏⴻ ⵀⴰⵏⵏⵉ ⴷ ⴰⵎⴰⵔⵉⵔ ⵉⵎⵅⴻⵢⵢⴻⵔ ⵏ ⵜⵛⵉⵔⴹⴰⵔⵜ ⴷⴻⴳ ⴱⵉⵍⵊⵉⴽ ⵉ ⵜⵙⴻⵎⵀⵓⵢⵜ (ⵎⴰⵡⵙⵉⵎ) ⵏ 2015-2016 ⴷⴻⴳ ⵢⵉⵡⴻⵜ ⵏ ⵜⴼⵓⴳⵍⴰ (ⵃⴰⴼⵍ) ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵍⴻⵜⵏⵉⵢⴻⵏ ⵜⴰⵎⴻⴷⴷⵉⵜ ⴷⴻⴳ ⴱⵔⵓⵅⴻⵍⵍⴻⵙ.

ⵀⴰⵏⵏⵉ ⴰⵢ ⵉⵄⴻⴷⴷⴰⵏ, ⵙⴻⴳ ⵎⴻⵍⵎⵉ ⴽⴰⵏ ⵙⴻⴳ ⵜⴻⵖⵍⴰⵎⵜ ⵏ ⵎⴰⵉⵏⴻⵙ ⵖⴻⵔ ⵜⵉⵏ ⵏ ⴰⵏⴷⴻⵔⵍⴻⵛⵀⵜ (ⵙⵏⴰⵜ ⵙⴻⴳ ⵜⴻⵖⵍⴰⵎⵉⵏ ⵜⵉⵎⵅⴻⵢⵢⵔⵉⵏ ⵏ ⴱⵉⵍⵊⵉⴽ) ⵢⴻⵜⵜⵡⴰⴼⵔⴻⵏ-ⴷ ⵙⴻⴳ ⵜⴻⴳⵔⴰⵡⵜ ⴰⵢⴷⴻⴳ ⵜⵜⴻⴽⴽⴰⵏ ⴷⴰⵖ ⵢⵉⵎⴰⵔⵉⵔⴻⵏ ⵙⵠⴻⵏ ⴽⵓⵎⵙ (ⵢⴻⵜⵜⵓⵔⴰⵔⴻⵏ ⴷⴻⴳ ⴳⴰⵏⴷ) ⴷ ⵍⵉⵧⵔ ⵔⴻⴼⴰⴻⵍⵧⵠ (ⵢⴻⵜⵜⵓⵔⴰⵔⴻⵏ ⴷⴻⴳ ⴱⵔⵓⴳⴻⵙ).

ⴷ ⵜⴰ ⴰⵢ ⴷ ⵛⵛⵉⵄⴰ ⵜⵓⴷⵎⴰⵡⴰⵏⵜ ⵜⵉⵙ 4 ⴰⴷ ⵢⴰⵡⵉ ⵓⵎⴰⵔⵉⵔ-ⴰ, ⴷⴻⴼⴼⵉⵔ ⵎⴰ ⵢⴻⵡⵡⵉ ⴰⵔⵔⴰⵣ ⵏ ⵓⵎⴰⵔⵉⵔ ⴰⵄⵕⴰⴱ ⵉⵎⵅⴻⵢⵢⴻⵔ ⵢⴻⵜⵜⵓⵔⴰⵔⴻⵏ ⴷⴻⴳ ⴱⵉⵍⵊⵉⴽ, ⴰⵔⵔⴰⵣ ⵏ ⵓⵎⴰⵔⵉⵔ ⴰⴼⵔⵉⵇⵉ ⵉⵎⵅⴻⵢⵢⴻⵔ ⴷⴻⴳ ⴱⵉⵍⵊⵉⴽ ⴷ ⵡⴰⵔⵔⴰⵣ ⵏ ⵢⴻⵎⵙⵉⵙⵡⵉ (ⵀⴰⴷⴷⴰⴼ) ⵉⵎⵅⴻⵢⵢⴻⵔ ⵏ ⵜⴻⵍⵖⵓⵖⴰ ⵜⴰⴱⵉⵍⵊⵉⴽⵉⵜ ⵙ 17 ⵏ ⵢⴻⵙⵡⴰⵏ.

ⴰⵎⴰⵔⵉⵔ-ⴰ ⵏ 25 ⵏ ⵢⵉⵙⴻⴳⴳⴰⵙⴻⵏ ⵜⴻⴼⴽⴰ-ⴰⵙ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⴹⴰⵔⵜ ⵜⵜⴻⵙⵔⵉⵃ ⴰⴽⴽⴻⵏ ⴰⴷ ⵉⵡⴻⵅⵅⴻⵔ ⴰⵜⵜⴻⴽⴽⵉ-ⵏⵏⴻⵙ ⴷⴻⴳ ⵜⴰⵏⵏⴰⵏⵜ (ⵜⴰⵔⴰⴱⴱⵓⵚ) ⵏ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⴰⴽⴽⴻⵏ ⴰⴷ ⵢⴻⵜⵜⴻⴽⴽⵉ ⴷⴻⴳ ⵜⴼⵓⴳⵍⴰ ⵏ ⵜⵓⴽⵛⵉ ⵏ ⵡⴰⵔⵔⴰⵣ ⵏ ⵓⵎⴰⵔⵉⵔ ⵉⵎⵅⴻⵢⵢⴻⵔ ⴷⴻⴳ ⴱⵉⵍⵊⵉⴽ.

ⴰⵍⴻⵎⵎⴰⵙ-ⴰ ⴰⵎⴻⵏⵟⴰⴳ (ⵎⵓⵀⴰⴵⵉⵎ) ⵢⴻⵍⵍⴰ ⵢⴻⵙⵙⴻⴼⴽ ⴰⴷ ⵢⴻⴱⴷⵓ ⵜⴰⵏⵏⴰⵏⵜ ⴷ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⵏ ⵍⴷⵣⴰⵢⴻⵔ ⴰⴽⴽⴻⵏ ⴰⴷ ⵙⵡⴻⵊⴷⴻⵏ ⵉⵎⴰⵏ-ⵏⵙⴻⵏ ⵉ ⵜⴻⵎⵍⵉⵍⵉⵜ ⵎⴳⴰⵍ ⵙⴻⵢⵛⵀⴻⵍⵍⴻⵙ ⴰⴷ ⴷ-ⵢⵉⵍⵉⵏ ⴰⵙⵙ ⵏ 2 ⵢⵓⵏⵢⵓ ⴷⴻⴳ ⵓⴽⴰⵜⴰⵔ ⵏ ⵡⴰⵙⵙ ⵡⵉⵙ 5 ⵏ ⵜⴻⵎⵍⵉⵍⵉⵢⵉⵏ ⵏ ⵡⴰⴼⴼⴰⵙ (ⵜⴰⵚⴼⵉⵢⴰⵜ) ⵏ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⴻⵖⵍⴰⵏⴻⵏ (2017) ⴰⴷ ⴷ-ⵢⵉⵍⵉⵏ ⴷⴻⴳ ⴳⴰⴱⵓⵏ.

ⴷ ⵜⵉⴽⴽⴻⵍⵜ ⵜⵉⵙ ⵙⵏⴰⵜ ⴰⵢⴷⴻⴳ ⴰⴷ ⴰⵙ-ⴷ-ⵜⵖⴻⵔ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⴷⴻⴼⴼⵉⵔ ⵎⴰ ⵢⴻⵜⵜⴻⴽⴽⴰ ⴷ ⵜⴻⵖⵍⴰⵎⵜ-ⴰ ⴷⴻⴳ ⵎⴻⵖⵔⴻⵙ ⵢⴻⵣⵔⵉⵏ ⴷⴻⴳ ⵜⴻⵎⵍⵉⵍⵉⵜ ⴰⵢⴷⴻⴳ ⵜⵓⵔⴰⵔ ⵍⴷⵣⴰⵢⴻⵔ ⵎⴳⴰⵍ ⵉⵜⵢⵓⵒⵢⴰ.