ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

3 ⵏ ⵢⴻⵙⴱⵉⵟⴰⵔⴻⵏ ⵉⵎⴰⵢⵏⵓⵜⴻⵏ ⵉ ⵓⵙⵙⴻⵊⵀⴻⴷ ⵏ ⵡⴻⵃⵔⵉⵛ ⵏ ⵜⴷⴰⵡⵙⴰ ⴷⴻⴳ ⵜⴱⴰⵜⴻⵏⵜ

ⵜⴰⴱⴰⵜⴻⵏⵜ– ⵓⵔ ⵜⵜⵄⴻⴹⴹⵉⵍⴻⵏ ⴰⴷ ⴷ-ⵡⴻⵊⴷⴻⵏ 3 ⵏ ⵢⴻⵙⴱⵉⵟⴰⵔⴻⵏ ⴷⴻⴳ ⵜⵡⵉⵍⴰⵢⵜ ⵏ ⵜⴱⴰⵜⴻⵏⵜ ⵉ ⵓⵙⵙⴻⵊⵀⴻⴷ ⵏ ⵡⴻⵃⵔⵉⵛ ⵏ ⵜⴷⴰⵡⵙⴰ (ⵚⵉⵃⵃⴰ) ⵙ 300 ⵏ ⵡⵓⵙⵓⵜⴻⵏ ⵉⵎⴰⵢⵏⵓⵜⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵙⵙ ⵏ ⵍⴻⵜⵏⵉⵢⴻⵏ, ⵓⵏⴻⵎⵀⴰⵍ ⵏ ⵜⴷⴰⵡⵙⴰ, ⴷⵔⵉⵙⵙ ⴽⵀⵧⵓⴷⵊⴰ ⴻⵍ ⵀⴰⴷⵊ.

ⵉⵙⴱⵉⵟⴰⵔⴻⵏ-ⴰ ⴷ ⴰⵃⵔⵉⵛ ⵙⴻⴳ ⵡⴰⵀⵉⵍ ⵏ ⵡⴻⵙⵙⵎⴰⴷ ⵏ 2014. ⴰⵎⴻⵣⵡⴰⵔⵓ ⴷⴻⴳ-ⵙⴻⵏ ⵢⵓⵙⴰ-ⴷ ⴷⴻⴳ ⵜⵖⵉⵡⴰⵏⵉⵏ ⵏ ⵕⴰⵙ ⵍⴻⵄⵢⵓⵏ (120 ⵏ ⵡⵓⵙⵓⵜⴻⵏ), ⴷⴻⴳ ⵡⴻⵏⵥⵓⵍ-ⵓⵜⵔⵉⵎ ⵏ ⵜⴻⵎⴷⵉⵏⵜ ⵏ ⵜⴱⴰⵜⴻⵏⵜ, ⵡⵉⵙ ⵙⵉⵏ ⴷⴻⴳ ⵜⵖⵉⵡⴰⵏⵜ ⵏ ⵜⴽⵓⴽⵜ (60 ⵏ ⵡⵓⵙⵓⵜⴻⵏ), ⵎⴰ ⴷ ⵡⵉⵙ 3 ⴷⴻⴳ ⵜⵖⵉⵡⴰⵏⵜ ⵏ ⵜⵏⴻⵢⵢⴻⵜ ⵍⵄⴰⴱⴻⴷ (120 ⵏ ⵡⵓⵙⵓⵜⴻⵏ).

ⵉⵙⴱⵉⵟⴰⵔⴻⵏ-ⴰ ⴷ ⵡⵉⴷ ⴰⴷ ⴷ-ⵢⴻⵙⵏⴻⵇⵙⴻⵏ ⵍⴻⵄⵜⴰⴱ ⵉ ⵢⵉⵎⴻⵣⴷⴰⵖⴻⵏ ⵏ ⵜⴻⵎⵏⴰⴹⵉⵏ-ⴰ ⵏ ⵢⴻⴷⵔⴰⵔⴻⵏ ⵉⵎⵉ ⵓⵔ ⵜⴻⵏ-ⵜⴻⵜⵜⴰⵔⵔⴰ ⵜⵎⴰⵔⴰ ⴰⴷ ⴷ-ⴰⵙⴻⵏ ⴰⵔⵎⴰ ⴷ ⵜⴰⵎⴷⵉⵏⵜ ⵏ ⵜⴱⴰⵜⴻⵏⵜ ⴰⴽⴽⴻⵏ ⴰⴷ ⴷⴰⵡⵉⵏ, ⴰⵎ ⵡⴰⴽⴽⴻⵏ ⴰⴷ ⵙⵄⵓⵏ ⵢⴻⵙⴱⵉⵟⴰⵔⴻⵏ-ⴰ ⵉⵎⴻⵥⵍⴰ-ⵏⵙⴻⵏ (ⵎⴰⵚⴰⵍⵉⵃ) ⵏ ⵜⵓⵄⵊⵉⵍⵉⵏ, ⵏ ⵓⵛⴻⵍⵍⴻⵃ, ⵏ ⵜⴻⵙⵏⴰⵊⵢⴰ ⵏ ⵢⵉⴳⴻⵔⴷⴰⵏ, ⵏ ⵜⴰⵔⵔⴰⵡⵜ, ⵏ ⵕⵕⴰⴷⵢⵓ ⴷ ⵢⵉⵏⴻⴳⵎⵉⵢⴻⵏ-ⵏⵙⴻⵏ (ⵎⴰⵅⴰⴱⵉⵔ) ⵏ ⵜⴻⵙⵍⴰⴹ ⵜⵉⵙⵏⴰⵊⵢⴰⵏⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ ⵏ ⵜⴷⴰⵡⵙⴰ.

ⵢⴻⵜⵜⵡⴰⵙⵙⴻⵄⵊⴻⵍ ⵓⵅⴻⴷⴷⵉⵎ ⵉ ⵓⵙⵙⴻⵡⵊⴻⴷ ⵏ ⴽⵔⴰⴹ-ⴰ ⵏ ⵢⴻⵙⴱⵉⵟⴰⵔⴻⵏ ⵙ ⵡⴰⴽⴽ ⵜⵜⴰⵡⵉⵍⴰⵜ-ⵏⵙⴻⵏ, ⵢⴻⵔⵏⵓ ⵍⴻⴱⵏⵉ-ⵏⵙⴻⵏ ⵓⵔ ⴷ-ⵢⴻⵍⵍⵉ ⴼⴻⵙⵙⵓⵙ ⵖⴻⴼ ⵍⴵⴰⵍ ⵏ ⵡⴰⴽⴰⵍ ⴰⵡⴻⵄⵕⴰⵏ ⵏ ⵡⴻⴷⵔⴰⵔ ⴷ ⵜⴻⴳⵏⵉⵜ ⵏ ⵜⴻⴳⵏⴻⵡⵜ ⴰⵢ ⴷ-ⵢⴻⵍⵍⴰⵏ ⵜⴻⵡⵄⴻⵕ ⵖⴻⴼ ⵢⵉⵅⴻⴷⴷⴰⵎⴻⵏ ⵏ ⵍⴻⴱⵏⵉ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵏⵏⴰ-ⴷ ⵓⵏⴻⵎⵀⴰⵍ ⵏ ⵜⴷⴰⵡⵙⴰ ⴷⴰⴽⴽⴻⵏ ⵏⵏⵉⴳ ⵍⴻⴱⵏⵉ ⵏ ⵢⴻⵙⴱⵉⵟⴰⵔⴻⵏ-ⴰ, ⵎⴰⵣⴰⵍ ⵍⴰ ⵢⴻⵜⵜⴽⴻⵎⵎⵉⵍ ⵛⵛⵖⴻⵍ ⵏ ⵜⵎⴻⵙⵖⵉⵡⵜ ⵏ ⵜⵜⴰⵡⵉⵍⴰⵜ ⴰⴷ ⵃⵡⵉⵊⴻⵏ ⵙ ⵓⵇⴰⴷⴻⵔ ⵏ ⵡⴰⵀⵉⵍ ⴰⵢ ⴷ-ⵢⴻⵜⵜⵡⴰⵀⴻⵢⵢⴰⵏ ⵉ ⵡⴰⵢⴰ.