Asebter amenzawi

Mali: CMA yettwali dakken yessefk ad tili tdukli akken ad nqabel uguren n tɣellist

LEZZAYER TAMANEɣT – Tuqqna n yimussa n Uzawad (CMA) tenna-d ass n ttlata ‘’tettwaqenneɛ’’ dakken yessefk ad nessegrew akk iɣallen imaliyen akken ad d-nelhi seg yiwen yidis s wayen i yeḥwaǧ uɣref, seg yidis nniḍen ad nqabel uguren n tɣellist akken ad nesserked ugar liḥala deg tmurt n Mali.

’Nettwali dakken yessefk ad tili tdukli, acku llan wuguren icudden ɣer tɣellist i umi yessefk ad as-d-naf tifrat akked tririt i wayen ḥwaǧen yemdanen deg tudert-nsen’’, i d-yenna i tɣamsa ugensas n Tuqqna n yimussa n Uzawad (CMA), Bilal Ag Charif, deg taggara n umciwer i d-yeḍran akked uneɣlaf n Uwanek, aneɣlaf n Tɣawsiwin n berra akked Umedhel agraɣlan, Ramtane Lamamra.

Yerna yenna-d dakken CMA yudder-d akked Mass Lamamra amek ara d-nesseɣnew iberdan imaynuten akken ad iɣiwel useḍru n umtawa n telwit akked umsuɣal deg tmurt n Mali.