ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵎⴰⵍⵉ: ⵛⵎⴰ ⵢⴻⵜⵜⵡⴰⵍⵉ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵜⵉⵍⵉ ⵜⴷⵓⴽⵍⵉ ⴰⴽⴽⴻⵏ ⴰⴷ ⵏⵇⴰⴱⴻⵍ ⵓⴳⵓⵔⴻⵏ ⵏ ⵜⵖⴻⵍⵍⵉⵙⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⵓⵇⵇⵏⴰ ⵏ ⵢⵉⵎⵓⵙⵙⴰ ⵏ ⵓⵣⴰⵡⴰⴷ (ⵛⵎⴰ) ⵜⴻⵏⵏⴰ-ⴷ ⴰⵙⵙ ⵏ ⵜⵜⵍⴰⵜⴰ ‘’ⵜⴻⵜⵜⵡⴰⵇⴻⵏⵏⴻⵄ’’ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵏⴻⵙⵙⴻⴳⵔⴻⵡ ⴰⴽⴽ ⵉⵖⴰⵍⵍⴻⵏ ⵉⵎⴰⵍⵉⵢⴻⵏ ⴰⴽⴽⴻⵏ ⴰⴷ ⴷ-ⵏⴻⵍⵀⵉ ⵙⴻⴳ ⵢⵉⵡⴻⵏ ⵢⵉⴷⵉⵙ ⵙ ⵡⴰⵢⴻⵏ ⵉ ⵢⴻⵃⵡⴰⴵ ⵓⵖⵔⴻⴼ, ⵙⴻⴳ ⵢⵉⴷⵉⵙ ⵏⵏⵉⴹⴻⵏ ⴰⴷ ⵏⵇⴰⴱⴻⵍ ⵓⴳⵓⵔⴻⵏ ⵏ ⵜⵖⴻⵍⵍⵉⵙⵜ ⴰⴽⴽⴻⵏ ⴰⴷ ⵏⴻⵙⵙⴻⵔⴽⴻⴷ ⵓⴳⴰⵔ ⵍⵉⵃⴰⵍⴰ ⴷⴻⴳ ⵜⵎⵓⵔⵜ ⵏ ⵎⴰⵍⵉ.
’ⵏⴻⵜⵜⵡⴰⵍⵉ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵜⵉⵍⵉ ⵜⴷⵓⴽⵍⵉ, ⴰⵛⴽⵓ ⵍⵍⴰⵏ ⵡⵓⴳⵓⵔⴻⵏ ⵉⵛⵓⴷⴷⴻⵏ ⵖⴻⵔ ⵜⵖⴻⵍⵍⵉⵙⵜ ⵉ ⵓⵎⵉ ⵢⴻⵙⵙⴻⴼⴽ ⴰⴷ ⴰⵙ-ⴷ-ⵏⴰⴼ ⵜⵉⴼⵔⴰⵜ ⴰⴽⴽⴻⴷ ⵜⵔⵉⵔⵉⵜ ⵉ ⵡⴰⵢⴻⵏ ⵃⵡⴰⴵⴻⵏ ⵢⴻⵎⴷⴰⵏⴻⵏ ⴷⴻⴳ ⵜⵓⴷⴻⵔⵜ-ⵏⵙⴻⵏ’’, ⵉ ⴷ-ⵢⴻⵏⵏⴰ ⵉ ⵜⵖⴰⵎⵙⴰ ⵓⴳⴻⵏⵙⴰⵙ ⵏ ⵜⵓⵇⵇⵏⴰ ⵏ ⵢⵉⵎⵓⵙⵙⴰ ⵏ ⵓⵣⴰⵡⴰⴷ (ⵛⵎⴰ), ⴱⵉⵍⴰⵍ ⴰⴳ ⵛⵀⴰⵔⵉⴼ, ⴷⴻⴳ ⵜⴰⴳⴳⴰⵔⴰ ⵏ ⵓⵎⵛⵉⵡⴻⵔ ⵉ ⴷ-ⵢⴻⴹⵔⴰⵏ ⴰⴽⴽⴻⴷ ⵓⵏⴻⵖⵍⴰⴼ ⵏ ⵓⵡⴰⵏⴻⴽ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴱⴻⵔⵔⴰ ⴰⴽⴽⴻⴷ ⵓⵎⴻⴷⵀⴻⵍ ⴰⴳⵔⴰⵖⵍⴰⵏ, ⵔⴰⵎⵜⴰⵏⴻ ⵍⴰⵎⴰⵎⵔⴰ.
ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵛⵎⴰ ⵢⵓⴷⴷⴻⵔ-ⴷ ⴰⴽⴽⴻⴷ ⵎⴰⵙⵙ ⵍⴰⵎⴰⵎⵔⴰ ⴰⵎⴻⴽ ⴰⵔⴰ ⴷ-ⵏⴻⵙⵙⴻⵖⵏⴻⵡ ⵉⴱⴻⵔⴷⴰⵏ ⵉⵎⴰⵢⵏⵓⵜⴻⵏ ⴰⴽⴽⴻⵏ ⴰⴷ ⵉⵖⵉⵡⴻⵍ ⵓⵙⴻⴹⵔⵓ ⵏ ⵓⵎⵜⴰⵡⴰ ⵏ ⵜⴻⵍⵡⵉⵜ ⴰⴽⴽⴻⴷ ⵓⵎⵙⵓⵖⴰⵍ ⴷⴻⴳ ⵜⵎⵓⵔⵜ ⵏ ⵎⴰⵍⵉ.
