Asebter amenzawi

Yerza-d uneɣlaf amuriṭani n Tɣawsiwin n berra akked umedhel ɣer Lezzayer

LEZZAYER TAMANEɣT – Aneɣlaf n Tɣawsiwin n berra akked umedhel n Tegduda tislamant n Muriṭanya, Isselkou Ould Ahmed Izid Bih, iga-d ass n ttlata yiwet n tirzi ɣer Lezzayer s yisem-is d amazun uzzig i d-yewwin yiwen n yizen i uselway n Tegduda, Abdelaziz Bouteflika, seg ɣur umtili-s amuriṭani Mohamed Ould Abdelaziz.

Deg unafag agraɣlan Houari Boumediene, Isselkou Ould Ahmed Izid Bih yermes-it-id uneɣlaf n Uwanek, aneɣlaf n Tɣawsiwin n berra akked Umedhel agraɣlan, Ramtane Lamamra.

Deg temlilit-nsen, i sin imasayen ad skeyden ‘’assaɣen ucriken akked wallalen akken ad smeɣren amedhel gar Lezzayer akked Muriṭanya almend n temlilit n tɣimit tis 18 n tesqamut tucrikt Tameqqrant ara d-yeḍrun deg taggara n useggas n 2016 deg Lezzayer tamaneɣt.