Asebter amenzawi

Isenfaren n yebriden ur beddun arma llant-d tezrawin tummidin (aneɣlaf)

MILA– Yenna-d uneɣlaf n yimahilen inagduden (acɣal ɛumumiyya), Abdelkader Ouali, ass n ttlata deg Mila, dakken isenfaren imaynuten n yebriden d tleggiyin (ǧusur) ur d-ttilin arma wejdent-d tezrawin titwilanin tummudin akken ur d-ttilin wuguren ayɣef ur bnin yernu ur d-tettili lexṣara deg yedrimen.

Yeḥdeṛ uneɣlaf, deg Buḥatem, yiwen n uneskin (ɛarḍ) ɣef useyyex n wakal deg Mila, dɣa d aya ay t-yeǧǧan ad d-yecreḍ asseddu n tezrawin titwilanin (dirasat tiqniyya) n wakal deg walug n ccuruḍ n yal asenfar. Yenna-d daɣ dakken aɣlif-nnes la d-yettheyyi tagertilt taɣelnawt n temnaḍin aydeg zemren ad d-ilin yesyaxen, yernu ad d-tḥaz tgertilt-a 18 n twilayin. Ad d-yettwaheyyi daɣ ttawil ayyes ad yettwaḍfer useyyex n wakal, am wakken ad d-yettwaheyyi unagraw n usselɣu i tɛessast n yimukan aydeg d-ttilin yesyaxen.

Aseyyex n yebriden igellu-d, yal aseggas, s lexṣarar timeqranin i yebriden yernu yesqamay-d waya aṭas n yedrimen i lmend n uṣeggem n yebriden ixeṣren.

Deg Tasadab Ḥeddada, yessefqed Mass Ouali imahilen n ussejhed n 58 n yikilumitren n yebriden iɣelnawen n temnaḍt-a. Dɣa yeckeṛ-d, i lmend n waya, assefɛel ummid n wahil aɣlifan n twilayt-a i tallit n 2010-2014, d ahil ay d-yesqamen 19 n yimelyaṛen n yidinaṛen.

Yerza daɣ Mass Ouali ɣef ucanṭi n lebni n tleggit nnig wasif n Lmanaṛ ɣef tlisa gar Mila, Ǧiǧel d Sḍif, d asenfar ay yellan yessefk ad ifak 8 n wayyuren aya, dɣa yefka uneɣlaf amenḍar (aǧal) n dduṛt i teṛmist tawerdanit ay d-yelhan s usenfar-a akken ad d-theyyi aɣawas ayyes ad tfak imahilen ay d-yeqqimen.