Asebter amenzawi

Yebda webran n usaru n yigerdan « El Kabch Essahir »

LEZZAYER TAMANEɣT– Yebda webran n usaru aɣezfan n yigerdan « El Kabch Essahi » (Akrar Aḥergan) n yemseḍru (muxriǧ) adzayri Sadek El Kebir ass n ttlata tameddit deg wefrag n yiɣersiwen n Benɛeknun, deg Lezzayer Tamaneɣt.

D aneɣlaf n yedles, Azzedine Mihoubi, ay yefkan lameṛ akken ad yebdu webran n usaru-a s weḥdaṛ n unemhal amatu n Tnegga n Yisalan n Lezzayer, Abdelhamid Kacha, d kra n yisegbaren (mumattilin) d yemseḍra idzayriyen.

Asaru-a ad yeḍḍfen 90 n tedqiqin d win ad d-yeḥkun taḥkayt n tegrawt n yibalmuden ay yerzan ɣef wefrag n yiɣersiwen d snat n tselmadin d yiwen n wemnir (dalil), yernu d asaru ay d-yesskanayen tayri d uḥuddu n yiɣersiwen.

Dduṛ agejdan yurar-it-id yemseḍru s timmad-nnes yernu d netta ay d amnir (dalil) n terzi-a. Amnir-a yellan daɣ d anemhal aqbur n wefrag, yettuɣal d akrar mi ad yebded sdat temrayt. Ma d Amina Karoumi, ay d-yetturaren dduṛ n tbalmudt tuẓwirt deg usaru-a (Khaoula) tettuɣal d adlic (xunfusa’).

Ad ttekkin daɣ, deg usaru-a, azal n 20 n yigerdan seg temnaḍin yemgerraden n tmurt. Tutlayt ayyes ad d-yettwurar usaru-a d taɛṛabt takelsakt.