ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⴱⴷⴰ ⵡⴻⴱⵔⴰⵏ ⵏ ⵓⵙⴰⵔⵓ ⵏ ⵢⵉⴳⴻⵔⴷⴰⵏ « ⴻⵍ ⴽⴰⴱⵛⵀ ⴻⵙⵙⴰⵀⵉⵔ »
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵢⴻⴱⴷⴰ ⵡⴻⴱⵔⴰⵏ ⵏ ⵓⵙⴰⵔⵓ ⴰⵖⴻⵣⴼⴰⵏ ⵏ ⵢⵉⴳⴻⵔⴷⴰⵏ « ⴻⵍ ⴽⴰⴱⵛⵀ ⴻⵙⵙⴰⵀⵉ » (ⴰⴽⵔⴰⵔ ⴰⵃⴻⵔⴳⴰⵏ) ⵏ ⵢⴻⵎⵙⴻⴹⵔⵓ (ⵎⵓⵅⵔⵉⴵ) ⴰⴷⵣⴰⵢⵔⵉ ⵙⴰⴷⴻⴽ ⴻⵍ ⴽⴻⴱⵉⵔ ⴰⵙⵙ ⵏ ⵜⵜⵍⴰⵜⴰ ⵜⴰⵎⴻⴷⴷⵉⵜ ⴷⴻⴳ ⵡⴻⴼⵔⴰⴳ ⵏ ⵢⵉⵖⴻⵔⵙⵉⵡⴻⵏ ⵏ ⴱⴻⵏⵄⴻⴽⵏⵓⵏ, ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.
ⴷ ⴰⵏⴻⵖⵍⴰⴼ ⵏ ⵢⴻⴷⵍⴻⵙ, ⴰⵣⵣⴻⴷⵉⵏⴻ ⵎⵉⵀⵧⵓⴱⵉ, ⴰⵢ ⵢⴻⴼⴽⴰⵏ ⵍⴰⵎⴻⵕ ⴰⴽⴽⴻⵏ ⴰⴷ ⵢⴻⴱⴷⵓ ⵡⴻⴱⵔⴰⵏ ⵏ ⵓⵙⴰⵔⵓ-ⴰ ⵙ ⵡⴻⵃⴷⴰⵕ ⵏ ⵓⵏⴻⵎⵀⴰⵍ ⴰⵎⴰⵜⵓ ⵏ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ, ⴰⴱⴷⴻⵍⵀⴰⵎⵉⴷ ⴽⴰⵛⵀⴰ, ⴷ ⴽⵔⴰ ⵏ ⵢⵉⵙⴻⴳⴱⴰⵔⴻⵏ (ⵎⵓⵎⴰⵜⵜⵉⵍⵉⵏ) ⴷ ⵢⴻⵎⵙⴻⴹⵔⴰ ⵉⴷⵣⴰⵢⵔⵉⵢⴻⵏ.
ⴰⵙⴰⵔⵓ-ⴰ ⴰⴷ ⵢⴻⴹⴹⴼⴻⵏ 90 ⵏ ⵜⴻⴷⵇⵉⵇⵉⵏ ⴷ ⵡⵉⵏ ⴰⴷ ⴷ-ⵢⴻⵃⴽⵓⵏ ⵜⴰⵃⴽⴰⵢⵜ ⵏ ⵜⴻⴳⵔⴰⵡⵜ ⵏ ⵢⵉⴱⴰⵍⵎⵓⴷⴻⵏ ⴰⵢ ⵢⴻⵔⵣⴰⵏ ⵖⴻⴼ ⵡⴻⴼⵔⴰⴳ ⵏ ⵢⵉⵖⴻⵔⵙⵉⵡⴻⵏ ⴷ ⵙⵏⴰⵜ ⵏ ⵜⵙⴻⵍⵎⴰⴷⵉⵏ ⴷ ⵢⵉⵡⴻⵏ ⵏ ⵡⴻⵎⵏⵉⵔ (ⴷⴰⵍⵉⵍ), ⵢⴻⵔⵏⵓ ⴷ ⴰⵙⴰⵔⵓ ⴰⵢ ⴷ-ⵢⴻⵙⵙⴽⴰⵏⴰⵢⴻⵏ ⵜⴰⵢⵔⵉ ⴷ ⵓⵃⵓⴷⴷⵓ ⵏ ⵢⵉⵖⴻⵔⵙⵉⵡⴻⵏ.
ⴷⴷⵓⵕ ⴰⴳⴻⵊⴷⴰⵏ ⵢⵓⵔⴰⵔ-ⵉⵜ-ⵉⴷ ⵢⴻⵎⵙⴻⴹⵔⵓ ⵙ ⵜⵉⵎⵎⴰⴷ-ⵏⵏⴻⵙ ⵢⴻⵔⵏⵓ ⴷ ⵏⴻⵜⵜⴰ ⴰⵢ ⴷ ⴰⵎⵏⵉⵔ (ⴷⴰⵍⵉⵍ) ⵏ ⵜⴻⵔⵣⵉ-ⴰ. ⴰⵎⵏⵉⵔ-ⴰ ⵢⴻⵍⵍⴰⵏ ⴷⴰⵖ ⴷ ⴰⵏⴻⵎⵀⴰⵍ ⴰⵇⴱⵓⵔ ⵏ ⵡⴻⴼⵔⴰⴳ, ⵢⴻⵜⵜⵓⵖⴰⵍ ⴷ ⴰⴽⵔⴰⵔ ⵎⵉ ⴰⴷ ⵢⴻⴱⴷⴻⴷ ⵙⴷⴰⵜ ⵜⴻⵎⵔⴰⵢⵜ. ⵎⴰ ⴷ ⴰⵎⵉⵏⴰ ⴽⴰⵔⵧⵓⵎⵉ, ⴰⵢ ⴷ-ⵢⴻⵜⵜⵓⵔⴰⵔⴻⵏ ⴷⴷⵓⵕ ⵏ ⵜⴱⴰⵍⵎⵓⴷⵜ ⵜⵓⵥⵡⵉⵔⵜ ⴷⴻⴳ ⵓⵙⴰⵔⵓ-ⴰ (ⴽⵀⴰⵧⵓⵍⴰ) ⵜⴻⵜⵜⵓⵖⴰⵍ ⴷ ⴰⴷⵍⵉⵛ (ⵅⵓⵏⴼⵓⵙⴰ’).
ⴰⴷ ⵜⵜⴻⴽⴽⵉⵏ ⴷⴰⵖ, ⴷⴻⴳ ⵓⵙⴰⵔⵓ-ⴰ, ⴰⵣⴰⵍ ⵏ 20 ⵏ ⵢⵉⴳⴻⵔⴷⴰⵏ ⵙⴻⴳ ⵜⴻⵎⵏⴰⴹⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵎⵓⵔⵜ. ⵜⵓⵜⵍⴰⵢⵜ ⴰⵢⵢⴻⵙ ⴰⴷ ⴷ-ⵢⴻⵜⵜⵡⵓⵔⴰⵔ ⵓⵙⴰⵔⵓ-ⴰ ⴷ ⵜⴰⵄⵕⴰⴱⵜ ⵜⴰⴽⴻⵍⵙⴰⴽⵜ.
