ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵖⵔⵉ ⴰⴽⴽⴻⵏ ⴰⴷ ⵢⴻⵜⵜⵓⵏⴻⴼⴽ ⵡⴻⵣⵔⴻⴼ ⵉ ⵢⵉⵚⴻⵃⵔⴰⵡⵉⵢⴻⵏ ⴰⴷ ⴷ-ⵙⴼⴰⵢⴷⵉⵏ ⵙⴻⴳ ⵜⴱⵓⵖⴰⵔ-ⵏⵙⴻⵏ ⵜⵉⴳⴰⵎⴰⵏⵉⵏ
ⴱⵔⵓⵅⴻⵍⵍⴻⵙ – ⴳⵔⴻⵏ-ⴷ ⵜⵉⵖⵔⵉ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⴱⵔⵓⵅⴻⵍⵍⴻⵙ, ⵢⴻⵎⵜⵜⴻⴽⴽⵉⵢⴻⵏ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵖⴻⴼ ⵡⴻⴱⵟⴰⵍ ⵏ ⵡⴻⵎⵜⴰⵡⴰ (ⵉⵜⵜⵉⴼⴰⵇ) ⵏ ⵜⴽⴻⵔⵔⴰⵣⵜ ⵏ 2012 ⴳⴰⵔ ⵜⴷⵓⴽⵍⵉ ⵜⵓⵕⵓⴼⵉⵜ ⴷ ⵎⴻⵕⵕⵓⴽ, ⴰⴽⴽⴻⵏ ⴰⴷ ⵢⴻⵃⴱⴻⵙ ⵓⵖⴻⵍⵍⴻⵜ ⵢⴻⴼⴼⵖⴻⵏ ⵉ ⵍⵇⴰⵏⵓⵏ ⵏ ⵜⴻⵖⴱⵓⵍⴰ (ⵎⴰⵡⴰⵔⵉⴷ) ⵉⴳⴰⵎⴰⵏⴻⵏ ⵏ ⵓⵏⴻⵥⵔⵓⴼ ⵓⵜⵔⵉⵎ ⵢⴻⵔⵏⵓ ⵢⴻⵙⵙⴻⴼⴽ ⴷ ⵉⵎⴻⵣⴷⴰⵖⴻⵏ ⵉⵚⴻⵃⵔⴰⵡⵉⵢⴻⵏ ⴰⴷ ⵢⴻⵙⵄⵓⵏ ⵜⵉⵍⴻⵍⵍⵉ ⴰⴽⴽⴻⵏ ⴰⴷ ⵖⴻⵍⵍⵜⴻⵏ ⵜⵉⵖⴱⵓⵍⴰ-ⴰ ⵙ ⵜⵜⴰⵡⵉⵍⴰⵜ-ⵏⵙⴻⵏ.
ⵜⴰⵙⴻⵎⵢⵓⴷⴷⴰⵙⵜ (ⵎⵓⵏⴰⵙⵙⵉⵇⴰ) ⵜⴰⴳⵔⴰⵖⵍⴰⵏⵜ ⵏ ⵓⵥⴻⴹⴹⴰ ⵏ ⵡⴻⵙⵜⴻⵔⵏ ⵙⴰⵀⴰⵔⴰ ⵔⴻⵙⵧⵓⵔⵛⴻ ⵡⴰⵜⵛⵀ (ⵡⵙⵔⵡ), ⵙⴰⵔⴰ ⴻⵢⵛⴽⵎⴰⵏⵙ, ⵜⵡⴻⵜ-ⴷ ⴷⴻⴳ ⵜⵓⴽⴻⵔⴹⴰ ⵏ ⵜⴻⵖⴱⵓⵍⴰ ⵏ ⵓⵏⴻⵥⵔⵓⴼ ⵓⵜⵔⵉⵎ ⵢⴻⵔⵏⵓ ⵜⴻⵏⵏⴰ-ⴷ ⴷⴰⴽⴽⴻⵏ ⴰⵖⴻⵍⵍⴻⵜ ⵏ ⵜⴻⵖⴱⵓⵍⴰ ⵜⵉⵚⴻⵃⵔⴰⵡⵉⵢⵉⵏ « ⵓⵔ ⴷ-ⵙⴼⴰⵢⴷⵉⵏ ⵙⴻⴳ-ⵙ » ⵢⵉⵎⴻⵣⴷⴰⵖⴻⵏ ⵏ ⵜⵎⵓⵔⵜ-ⴰ ⵉⵎⵉ « ⵓⵔ ⵜⵜⵡⴰⵛⴰⵡⵕⴻⵏ » ⴷⴻⴳ ⵡⴻⵙⵜⴻⵏⵢⵉ ⵏ ⵢⴻⵎⵜⴰⵡⴰⵢⴻⵏ ⵉⴳⵔⴰⵖⵍⴰⵏⴻⵏ ⴳⴰⵔ ⵎⴻⵕⵕⵓⴽ ⴷ ⵢⴻⵛⵔⵉⴽⴻⵏ-ⵏⵏⴻⵙ.
ⵜⴰⴳⴻⵏⵙⴰⵙⵜ ⵏ ⵡⵙⵔⵡ ⵜⴳⴻⵔ-ⴷ ⵜⵉⵖⵔⵉ ⵉ ⵓⵖⴰⵏⵣⵓ ⵏ ⵜⴻⵕⵎⵉⵙⵉⵏ ⵢⴻⵜⵜⴻⴽⴽⴰⵏ ⴷⴻⴳ ⵜⵓⴽⴻⵔⴹⴰ ⵏ ⵜⴻⵖⴱⵓⵍⴰ ⵜⵉⴳⴰⵎⴰⵏⵉⵏ ⵏ ⵓⵏⴻⵥⵔⵓⴼ ⵓⵜⵔⵉⵎ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵜⵜⵡⴰⵙⵇⴻⴷⵛⴻⵏⵜ ⵜⵎⴻⵏⵟⴰⴹⵉⵏ (ⵎⵓⵍⵚⴰⵇⴰⵜ) ⴰⴷ ⴷ-ⵢⴻⵙⵙⴻⴽⵏⴻⵏ ⵙⵙⴻⵍⵄⴰ ⵢⴻⵜⵜⵡⴰⵅⴻⴷⵎⴻⵏ ⴷⴻⴳ ⵢⵉⴽⴰⵍⴻⵏ ⵉⵚⴻⵃⵔⴰⵡⵉⵢⴻⵏ ⵢⴻⵜⵜⵡⴰⴹⴹⴼⴻⵏ.
ⵎⴰ ⴷ ⴰⵎⴻⵖⵏⴰⵙ ⴰⵚⴻⵃⵔⴰⵡⵉ ⵎⵧⵀⴰⵎⴻⴷ ⴻⵍ ⴱⴰⵉⴽⴻⵎ, ⵉⴳⴻⵔ-ⴷ ⵜⵉⵖⵔⵉ ⵉ ⵡⴻⵎⵖⵉⵡⴰⵏ (ⵎⵓⴵⵜⴰⵎⴰⵄ) ⴰⴳⵔⴰⵖⵍⴰⵏ ⴰⴽⴽⴻⵏ ⴰⴷ ⵢⴻⴳ ⴰⵢⴻⵏ ⵢⴻⵙⵙⴻⴼⴽⴻⵏ ⵉ ⵡⴻⵃⴱⴰⵙ ⵏ ⵓⵖⴻⵍⵍⴻⵜ ⵢⴻⴼⴼⵖⴻⵏ ⵉ ⵍⵇⴰⵏⵓⵏ ⵏ ⵜⴻⵖⴱⵓⵍⴰ ⵏ ⵓⵏⴻⵥⵔⵓⴼ ⵓⵜⵔⵉⵎ ⴷⴻⴳ ⵡⴰⴽⵓⴷ ⴰⵢⴷⴻⴳ ⵜⴻⵜⵜⵡⴰⵇⵇⴻⵏ ⵜⵉⵟ ⵖⴻⴼ ⵏⵏⴼⴻⵄ ⵏ ⵡⴻⵖⵔⴻⴼ ⴰⵚⴻⵕⵀⴰⵡⵉ.
