Asebter amenzawi

Tiɣri akken ad yettunefk wezref i Yiṣeḥrawiyen ad d-sfaydin seg tbuɣar-nsen tigamanin

BRUXELLES – Gren-d tiɣri, ass n ttlata deg Bruxelles, yemttekkiyen deg yiwen n usarag ɣef webṭal n wemtawa (ittifaq) n tkerrazt n 2012 gar Tdukli Tuṛufit d Meṛṛuk, akken ad yeḥbes uɣellet yeffɣen i lqanun n teɣbula (mawarid) igamanen n Uneẓruf Utrim yernu yessefk d imezdaɣen iṣeḥrawiyen ad yesɛun tilelli akken ad ɣellten tiɣbula-a s ttawilat-nsen.

Tasemyuddast (munassiqa) tagraɣlant n uẓeḍḍa n Western Sahara Resource Watch (WSRW), Sara Eyckmans, twet-d deg tukerḍa n teɣbula n Uneẓruf Utrim yernu tenna-d dakken aɣellet n teɣbula tiṣeḥrawiyin « ur d-sfaydin seg-s » yimezdaɣen n tmurt-a imi « ur ttwacawṛen » deg westenyi n yemtawayen igraɣlanen gar Meṛṛuk d yecriken-nnes.

Tagensast n WSRW tger-d tiɣri i uɣanzu n teṛmisin yettekkan deg tukerḍa n teɣbula tigamanin n Uneẓruf Utrim, am wakken ay d-tenna dakken yessefk ad ttwasqedcent tmenṭaḍin (mulṣaqat) ad d-yesseknen sselɛa yettwaxedmen deg yikalen iṣeḥrawiyen yettwaḍḍfen.

Ma d ameɣnas aṣeḥrawi Mohamed El Baikem, iger-d tiɣri i wemɣiwan (muǧtamaɛ) agraɣlan akken ad yeg ayen yessefken i weḥbas n uɣellet yeffɣen i lqanun n teɣbula n Uneẓruf Utrim deg wakud aydeg tettwaqqen tiṭ ɣef nnfeɛ n weɣref aṣeṛhawi.