ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⴳⴻⵏⵏⴰⵔⵉ ⵏ ⵜ4 ⵏ ⵍⴽⴻⵏⵜⵓⵔ ⴰⴷ ⵢⴻⵔⵥⴻⵎ ⴰⵙⵙ ⵏ 15 ⵢⵓⵍⵢⵓ (ⴰⵏⴻⵖⵍⴰⴼ)
ⵇⵙⴻⵏⵟⵉⵏⴰ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ (ⴰⵛⵖⴰⵍ ⵄⵓⵎⵓⵎⵉⵢⵢⴰ) ⴰⵙⵙ ⵏ ⵜⵜⵍⴰⵜⴰ ⵜⴰⵎⴻⴷⴷⵉⵜ ⴷⴰⴽⴽⴻⵏ ⴰⵊⴻⵄⴱⵓⴱ ⵓⵙⵔⵉⴷ ⵏ ⵓⴳⴻⵏⵏⴰⵔⵉ ⵜ4 ⵏ ⵍⴽⴻⵏⵜⵉⵔ ⴰⵢ ⵢⴻⵇⵇⵏⴻⵏ ⵇⵙⴻⵏⵟⵉⵏⴰ ⵖⴻⵔ ⵙⴽⵉⴽⴷⴰ (ⴷ ⴰⵃⵔⵉⵛ ⵙⴻⴳ ⵡⴻⴱⵔⵉⴷ ⴰⵎⴰⵣⵣⴰⵍ ⵏ ⵡⴻⴳⵎⵓⴹ-ⴰⵜⴰⵔⴰⵎ) ⴰⴷ ⵢⴻⵔⵥⴻⵎ ⴰⵙⵙ ⵏ 15 ⵢⵓⵍⵢⵓ.
ⵎⵉ ⵢⴻⵔⵣⴰ ⵖⴻⴼ ⵓⵛⴰⵏⵟⵉ ⵏ ⵓⴳⴻⵏⵏⴰⵔⵉ ⵜ4 ⴷⴻⴳ ⵓⴽⴰⵜⴰⵔ ⵏ ⵜⴻⵔⵣⵉ-ⵏⵏⴻⵙ ⵖⴻⴼ ⵜⵡⵉⵍⴰⵢⵜ-ⴰ, ⵉⵡⴻⵚⵚⴰ ⵓⵏⴻⵖⵍⴰⴼ ⵜⴰⵕⵎⵉⵙⵜ-ⵏⵏⵉ (ⵛⴰⵔⵉⴽⴰ) ⵜⴰⵍⵎⴰⵏⵉⵜ ⴷ-ⵢⴻⵍⵀⴰⵏ ⵙ ⵓⵙⴻⵏⴼⴰⵔ-ⴰ ⴰⴽⴽⴻⵏ ⴰⴷ ⵜⴻⵙⵙⴻⵄⵊⴻⵍ ⴰⵎⴰⵀⵉⵍ ⵢⴻⵔⵏⵓ ⴰⴷ ⵜⴼⴰⴽ ⴰⵜⴻⵡⵡⴻⵍ ⵏ ⵓⴳⴻⵏⵏⴰⵔⵉ-ⴰ.
ⵖⴻⴼ ⵍⴻⵃⵙⴰⴱ ⵏ ⵡⴰⴽⴽⴻⵏ ⴰⵢ ⴰⵙ-ⴷ-ⵙⴼⴻⵀⵎⴻⵏ, ⴰⵏⵢⴰ (ⵡⴰⵜⵉⵔⴰ) ⵏ ⵜⵉⴷⴷⵉⵜ ⵏ ⵢⵉⵎⴰⵀⵉⵍⴻⵏ ⴷⴻⴳ ⵓⴳⴻⵏⵏⴰⵔⵉ ⵜ4 ⵜⴻⵡⵡⴻⴹ ⵖⴻⵔ 75% ⵢⴻⵔⵏⵓ ⵙⵉⵏ ⵏ ⵢⵉⵎⵓⵔⴻⵏ ⵖⴻⴼ 3 ⵙⴻⴳ ⵜⵜⴰⵡⵉⵍⴰⵜ ⵏ ⵡⴻⵙⴱⵓⵃⵔⵉ ⵔⵙⴻⵏ ⵢⴰⴳⵉ ⴷⴻⴳ ⵓⴳⴻⵏⵏⴰⵔⵉ-ⴰ.
ⵎⵉ ⵢⴻⵔⵣⴰ ⵖⴻⴼ ⵓⴱⴻⴷⴷⴰⵍ ⵏ ⵡⴻⴱⵔⵉⴷ ⵏ ⵓⵖⴰⵔⴰⵎ (ⵃⴰⵢⵢ) ⵏ ⵣⵣⵢⴰⴷⴰ, ⵏⵏⴰⵏ-ⴰⵙ ⴷⴰⴽⴽⴻⵏ ⴰⴱⴻⴷⴷⴰⵍ-ⴰ ⴰⴷ ⵢⴻⵔⵥⴻⵎ ⴷⴻⴳ ⵜⴳⴰⵔⴰ ⵏ ⵢⵓⵏⵢⵓ, ⵎⴰ ⴷ ⵜⵉⵎⵔⵓⵣⵉⵏ (ⵎⴰⵍⴰⵃⵉⵇ) ⵏ ⵓⴱⴻⴷⴷⴰⵍ-ⴰ ⴰⴷ ⵜⵜⵡⴰⵔⴻⵥⵎⴻⵏⵜ ⴷⴻⴳ ⵢⵓⵍⵢⵓ, ⵉⵎⵉ ⴰⵢ ⵎⴰⵣⴰⵍ ⵍⵍⴰⵏ ⴽⵔⴰ ⵏ ⵡⵓⴳⵓⵔⴻⵏ ⵉⵜⵡⵉⵍⴰⵏⴻⵏ ⴷⴻⴳ ⵍⴻⴱⵏⵉ-ⵏⵙⴻⵏⵜ.
ⵢⴻⵔⵣⴰ ⴷⴰⵖ ⵎⴰⵙⵙ ⵧⵓⴰⵍⵉ ⵖⴻⴼ ⵓⵛⴰⵏⵟⵉ ⵏ ⵓⵙⵙⴻⵊⵀⴻⴷ ⵏ ⵜⵍⴻⴳⴳⵉⵜ (ⴵⵉⵙⵔ) ⵏ ⵙⵉⴷⵉ ⵕⴰⵛⴻⴷ, ⵢⴻⵔⵏⵓ ⵉⵀⴻⵏⵏⴰ ⵜⴰⵕⵎⵉⵙⵜ ⵏ ⵙⴰⵒⵜⴰ (ⵜⴰⵕⵎⵉⵙⵜ ⵜⴰⴷⵣⴰⵢⵔⵉⵜ ⵏ ⵜⵍⴻⴳⴳⵉⵢⵉⵏ ⴷ ⵢⵉⵎⴰⵀⵉⵍⴻⵏ ⵏ ⵜⵥⵓⵔⵉ) ⵖⴻⴼ ⵓⵎⴰⵀⵉⵍ ⴰⵢ ⵜⴳⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ ⴷⴰⴽⴽⴻⵏ ⵜⵉⵍⴻⴳⴳⵉⵜ-ⴰ ⵜⴰⵇⴱⵓⵔⵜ ⵏ ⵜⴻⵎⴷⵉⵏⵜ ⵏ ⵙⵉⵔⵜⴰ ⴰⴷ ⵜⵄⴰⵡⴻⴷ ⴰⴷ ⵜⴻⵜⵜⵡⴰⵔⵥⴻⵎ ⴷⴻⴳ ⵜⴳⴰⵔⴰ ⵏ ⵢⵓⵏⵢⵓ.
