ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵛⴽⴻⵕ-ⴷ ⵡⴻⵏⵎⴰⵀⴰⵍ ⴰⴽⴰⵎⵔⵓⵏⵉ ⴷⴷⵓⵕ ⵏ ⵍⴻⵣⵣⴰⵢⴻⵔ ⴷⴻⴳ ⵍⴻⴱⵏⵉ ⵏ ⵜⴰⵍⵡⵉⵜ ⴷⴻⴳ ⵜⴻⴼⵔⵉⵇⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵢⴻⵛⴽⴻⵕ-ⴷ ⵡⴻⵏⵎⴰⵀⴰⵍ (ⵙⴰⴼⵉⵔ) ⴰⴽⴰⵎⵔⵓⵏⵉ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵛⵍⴰⵓⴷⴻ ⵊⵧⵙⴻⵒⵀ ⵎ’ⴱⴰⴼⵧⵓ, ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴷⴷⵓⵕ ⵏ ⵍⴷⵣⴰⵢⴻⵔ ⴷⴻⴳ ⵍⴻⴱⵏⵉ ⵏ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ (ⴰⵎⵏ) ⴷⴻⴳ ⵜⴻⴼⵔⵉⵇⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷⴰⴽⴽⴻⵏ ⵉⴷⵓⴱⴰ ⵏ ⵍⴻⵣⵣⴰⵢⴻⵔ ⵙⴻⵎⵎⴰⵏ-ⴷ ⵛⵛⴻⵕ ⵙ ⵢⵉⵙⴻⵎ-ⵏⵏⴻⵙ ⵢⴻⵔⵏⵓ ⵡⵜⴻⵏ-ⴷ ⴷⴻⴳ-ⵙ.

« ⴰⵜⵜⴻⴽⴽⵉ ⵏ ⵍⴻⵣⵣⴰⵢⴻⵔ ⴷⴻⴳ ⵍⴻⴱⵏⵉ ⵏ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⴷⴻⴳ ⵜⴻⴼⵔⵉⵇⵜ ⴷ ⵉⵙⴻⵖ ⵉ ⵜⵎⵓⵔⵜ-ⴰ ⵍⴰⴷⵖⴰ ⵉⵎⵉ ⵍⴻⵣⵣⴰⵢⴻⵔ ⵓⵔ ⵜⵛⵓⵃⵃ ⵉ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⴰⴽⴽⴻⵏ ⴰⴷ ⵜⴻⴹⵎⴻⵏ ⴰⵔⴽⴰⴷ ⴷⴻⴳ ⵜⵎⵓⵔⴰ ⴰⵢ ⴷ-ⵢⴻⵣⵣⵉⵏ ⴼⴻⵍⵍ-ⴰⵙ ⴷ ⵜⴻⴼⵔⵉⵇⵜ ⵙ ⵓⵎⴰⵜⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵎ’ⴱⴰⴼⵧⵓ ⴷⴻⴳ ⵢⵉⵡⴻⵜ ⵏ ⵜⵉⵏⴰⵡⵜ ⵉ ⵍⵎⴻⵏⴷ ⵏ ⵡⴻⵙⴼⵓⴳⴻⵍ (ⵉⵃⵜⵉⴼⴰⵍ) ⵙ ⵡⴰⵙⵙ ⵏ ⵜⴻⴼⵔⵉⵇⵜ ⴷⴻⴳ ⵍⴻⵣⵣⴰⵢⴻⵔ ⵙ ⵡⴻⵃⴷⴰⵕ ⵏ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ, ⵔⴰⵎⵜⴰⵏⴻ ⵍⴰⵎⴰⵎⵔⴰ.

« ⵛⵛⵡⵉ ⵉⵎⵉ ⴰⵢ ⵜⴻⵙⵙⴰⵡⴻⴹ ⵍⴻⵣⵣⴰⵢⴻⵔ ⴰⴷ ⵜⴻⵙⵔⵉⵃ, ⴰⴷ ⴷ-ⵜⵙⴻⵎⵎⵉ ⵢⴻⵔⵏⵓ ⴰⴷ ⴷ-ⵜⴻⴽⵛⴻⴼ ⵛⵛⴻⵕ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵎⵖⴰⵔ ⵏ ⵢⵉⴷⵉⵒⵍⵓⵎⴰⵜⵉⵢⴻⵏ ⵉⴼⵔⵉⵇⵉⵢⴻⵏ ⴰⵢ ⴷ-ⵉⵛⴻⴽⵕⴻⵏ ⴷⴰⵖ « ⴰⵄⴻⵡⵡⴻⵍ ⵏ ⵢⵉⵖⴼⴰⵡⴻⵏ ⵏ ⵢⵉⵡⴰⵏⴰⴽⴻⵏ ⴷ ⵢⵉⵏⴰⴱⴰⴹⴻⵏ ⵉⴼⵔⵉⵇⵉⵢⴻⵏ » ⵉⵎⵉ ⴰⵢ ⴼⴽⴰⵏ ⴰⵣⴰⵍ ⵉ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ, ⵍⴰⴷⵖⴰ ⵉⵣⴻⵔⴼⴰⵏ ⵏ ⵜⵎⴻⵟⵟⵓⵜ.

« ⴰⵙⵙ-ⴰ, ⵜⴻⵣⵎⴻⵔ ⴰⴷ ⵜⵣⵓⵅⵅ ⵜⴷⵓⴽⵍⵉ ⵜⴰⴼⵔⵉⵇⵉⵜ ⵙ ⵓⵙⵙⴻⵊⵀⴻⴷ ⵏ ⵓⴷⴰⴱⵓ-ⵏⵏⴻⵙ ⴰⵎⴰ ⴷⴻⴳ ⵡⴻⵏⵔⴰⵔ ⴰⴼⵔⵉⵇⵉ, ⵎⴻⵃⵙⵓⴱ ⵙⴷⴰⵜ ⵜⵙⵓⴷⴰ ⵜⵉⴼⵔⵉⵇⵉⵢⵉⵏ ⵏⵉⴹⴻⵏ, ⴰⵎⴰ ⴷⴻⴳ ⵡⴻⵏⵔⴰⵔ ⴰⴳⵔⴰⵖⵍⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴰⵙⴼⵓⴳⴻⵍ ⵏ ⵡⴰⵙⵙ ⵏ ⵜⴻⴼⵔⵉⵇⵜ ⵢⴻⵖⵍⵉ-ⴷ ⴷ ⵓⵎⵓⵍⵍⵉ ⵡⵉⵙ 53 ⵏ ⵡⴻⵙⵜⴻⵏⵢⵉ, ⴷⴻⴳ 25 ⵎⴰⵢⵓ 1963, ⵏ ⵢⴻⵎⵜⴰⵡⴰⵢⴻⵏ (ⵉⵜⵜⵉⴼⴰⵇⴰⵜ) ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⵢⴻⵔⵏⵓ ⴷⴷⵓⵕ ⵏ ⵡⴻⵙⴼⵓⴳⴻⵍ-ⴰ ⴷ « ⴰⵎⵇⴰⵔⴰⴱ ⴳⴰⵔ ⵢⵉⵖⴻⵔⴼⴰⵏ ⵉⴼⵔⵉⵇⵉⵢⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⵡⴻⵏⵎⴰⵀⴰⵍ ⴰⴽⴰⵎⵔⵓⵏⵉ.