Asebter amenzawi

Tilɣuɣiyin n Tuṛuft: Slimani d agellid n yemsiswiyen ifriqiyen deg 2015-2016

LQAHIRA – D amenṭag agraɣlan adzayri n Sporting Lisbun, Islam Slimani, ay d amezwaru deg yemsiswiyen (haddafin) ifriqiyen ay la yetturaren deg 12 n telɣuɣiyin timxeyyrin n Tuṛuft i tsemhuyt (mawsim) n 2015-2016, ɣef wakken ay d-tenna, ass n laṛebɛa, Tkunfidiṛalit Tafriqit n Tcirḍart.

Amarir-a adzayri ay yessadfen 27 n yeswan yezwar, s waya, amarir agabuni Pierre-Emerick Aubameyang (25 n yeswan) d Ukamruni Samuel Eto’o (20 n yeswan) deg wumuɣ n 20 n yemsiswiyen imxeyyren ay d-theyya ṛṛadyu tafṛensist n RFI.

Sin n yimariren igraɣlanen idzayriyen niḍen ay d-yeddan deg wumuɣ n 10 n yimariren ifriqiyen imxeyyren n Tuṛuft: Sofiane Hani (yetturaren deg Malines) d Riyad Mahrez (yetturaren deg Leicester), yernu yal yiwen seg-sen yessadef 17 n yeswan.

Umuɣ n 10 imezwura:

1- Islam Slimani Sporting Puṛtugal/Lezzayer 27 n yeswan 2- Pierre-Emerick Aubameyang Borussia Dortmund/Gabun 25 n yeswan 3- Samuel Eto'o Antalyaspor/Kamrun 20 n yeswan 4- Mbaye Leye Zulte Waregem/Sinigal 20 n yeswan 5- Hakim Ziyech Twente/Meṛṛuk 17 n yeswan 6- Wissam Ben Yedder Toulouse/Fṛansa-Tunes 17 n yeswan 7- Sofiane Hanni Malines/Ldzayer 17 n yeswan 8- Riyad Mahrez Leicester/Ldzayer 17 n yeswan 9- Abdoulay Diaby Cercle Bruges/Mali 16 n yeswan 10- Youssef El Arabi Granada CF/Meṛṛuk 16 n yeswan

Asettef-a iger-d kan deg leḥsab:

1) Imariren la yetturaren deg 12 n telɣuɣiyin timxeyyrin n Tuṛuft (ɣef leḥsab n umatar n UEFA 2015-2016)

2) Wid d-yettwafernen neɣ zemren ad d-ttwafernen deg teɣlamt taɣelnawt tafriqit

Dɣa ɣef waya ay d-ddan deg-s yimariren isinɣelnawen.