ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⵙⵙⴻⵏⵢⴰ ⵙⴻⵎⵎⵓⵙ ⵏ ⵍⴰⵕⵢⵓⵢ ⵉⵙⴻⵍⵡⴰⵢⴰⵏⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ- ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵢⴻⵙⵙⴻⵏⵢⴰ ⵙⴻⵎⵎⵓⵙ ⵏ ⵍⴰⵕⵢⵓⵢ ⵉⵙⵍⴰⵡⴰⵏⵉⵢⴻⵏ ⵢⴻⵔⵣⴰⵏ ⵉⵎⵜⴰⵡⵉⵢⴻⵏ, ⵉⵎⵙⴻⴼⵀⴰⵎⴻⵏ ⴰⴽⴽ ⴷ ⵉⵏⴻⵇⵇⵉⵙⴻⵏ ⵉⵎⵜⴰⵡⴰⵏⴻⵏ, ⴰⵎ ⵡⴰⴽⴽⴻⵏ ⵢⴻⵍⵍⴰ ⴷⴻ ⵓⵎⴰⴳⵔⴰⴷ 91-9 ⵏ ⵜⵎⴻⵏⴷⴰⵡⵜ, ⵉⴷ-ⵢⴻⴼⴼⴻⵖ ⴷⴻⴳ ⵡⵓⵍⵖⵓ ⵏ ⵜⵙⴻⵍⵡⵉⵜ ⵏ ⵜⴻⴳⴷⵓⴷⴰ.

ⴷ ⴰⵢⴻⵏ ⵢⴻⵔⵣⴰⵏ ⴰⵏⴻⵇⵇⵉⵙ ⵓⵎⵙⴻⴼⵀⴻⵎ ⴳⴻⵔ ⵓⵏⴰⴱⴰⴹ ⴰⵣⵣⴰⵢⵔⵉ ⴰⵎⴰⴳⴷⴰⵢ ⴰⵖⴻⵔⴼⴰⵏ ⴷ ⵜⵙⵓⴷⵓⵜ ⵜⴰⴳⴻⵔⵎⵏⴰⴹⴰⵏⵜ ⵏ ⵡⴰⵖⵍⴰⵏ ⵢⴻⴷⴷⵓⴽⴽⵍⴻⵏ ⵢⴻⵜⵜⵏⴰⴷⵉⵏ ⴷⴻⴳ ⵜⵎⴻⵏⵖⵉⵡⵉⵏ ⴰⴽⴽ ⴷ ⵜⴻⵖⴷⴻⵎⵜ (ⵓⵏⵉⵛⵔⵉ) ⵢⴻⵔⵣⴰⵏ ⵉⵡⴻⵍⵍⵉⵀⴻⵏ ⵏ ⵡⴻⵎⵄⵉⵡⴻⵏ ⴰⵙⴻⵜⵡⵉⵍⴰⵏ ⵉ ⵡⴻⵙⴱⴻⴷⴷⵉ ⴷ ⵓⵙⴻⵍⵃⵓ ⵏ ⵍⴱⵉⵔⵓ ⴰⵎⵏⴰⴹⴰⵏ "ⵜⴰⴼⵕⵉⵇⵜ ⵓⴳⴰⴼⴰ ⴷ ⵙⴰⵃⴻⵍ" ⴰⵎⵎⴰⵙⴻⵏ ⵢⴻⵜⵜⵓⵎⴻⵢⵣⴻⵏ ⵏ ⵜⴷⵓⴽⴽⵍⵉ ⵜⵓⵔⵓⴱⵉⵜ ⵉⵅⴻⴷⴷⵎⴻⵏ ⵖⴻⴼ ⵍⴻⵎⵃⴰⴷⵔⴰ ⵙⴻⴳ ⵜⴽⵉⵎⵢⴰⵡⵉⵜ, ⵢⴻⵔⵣⴰⵏ ⴷⴰⵖⴻⵏ ⵜⴰⵏⵓⴽⵍⵉⵔⵜ (ⵛⴱⵔⵏ), ⵢⴻⵜⵜⵡⴰⵙⴻⵏⵢⴰⵏ ⴷⵉ ⵍⴻⵣⵣⴰⵢⴻⵔ ⴷⵉ 2 ⵛⵜⴰⵎⴱⴻⵔ 2015.

ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉⵙⴻⵏⵢⴰ ⴷⴰⵖⴻⵏ ⴰⵎⵜⴰⵡⵉ ⵏ ⵜⴻⵙⵖⵉⵎⵜ ⴳⴻⵔ ⴰⵏⴰⴱⴰⴹ ⵏ ⵜⴻⴳⴷⵓⴷⴰ ⵜⴰⵣⵣⴰⵢⵔⵉⵜ ⵜⴰⵎⴰⴳⴷⴰⵢⵜ ⵜⴰⵖⴻⵔⴼⴰⵏⵜ ⴷ ⵓⵙⴰⵔⴰⴳ ⵜⴰⵖⴷⵉⵎⴰⵏⵜ ⵜⴰⵎⴻⵏⴷⴰⵡⴰⵏⵜ ⵜⴰⴼⵔⵉⵇⵉⵜ, ⵢⴻⵜⵜⵡⴰⵙⴻⵏⵢⴰⵏ ⴷⵉ ⵍⴻⵣⵣⴰⵢⴻⵔ ⴷⴻⴳ ⵡⴰⵙⵙ ⵏ 27 ⵜⵓⴱⴻⵔ 2015, ⴰⴽⴽ ⴷ ⵓⵎⵜⴰⵡⴰ ⴳⴻⵔ ⵓⵏⴰⴱⴰⴹ ⵏ ⵜⴻⴳⴷⵓⴷⴰ ⵜⴰⵣⵣⴰⵢⵔⵉⵜ ⵜⴰⵎⴰⴳⴷⴰⵢⵜ ⵜⴰⵖⴻⵔⴼⴰⵏⵜ ⴷ ⵓⵏⴰⴱⴰⴹ ⵏ ⵜⴳⴻⵍⴷⴰ ⵢⴻⴷⴷⵓⴽⴽⵍⴻⵏ ⵏ ⵍⴻⴳⵍⵉⵣ ⴷ ⵍⵉⵕⵍⴰⵏⴷ ⵓⴳⴰⴼⴰ, ⵢⴻⵜⵜⵡⴰⵙⴻⵏⵢⴰⵏ ⴷⵉ ⵍⴻⵣⵣⴰⵢⴻⵔ 18 ⴼⵓⵔⴰⵔ 2015.