Asebter amenzawi
Yessefk ad tili temsalt taṣeḥrawit d tuzwirt deg Yeɣlanen Yeddukklen (aneɣlaf anguli)
OSLO – Yenna-d uneɣlaf anguli n tɣawsiwin n wezɣar, Georges Chikoti, dakken tamsalt taṣeḥrawit yessefk ad tili d tuzwirt ɣer Tuddsa n Yeɣlanen Yeddukklen, yernu iger-d tiɣri i ufaki n ukala (masar) n tukksa n ussehres deg tmurt taneggarut ay d-yeqqimen tettwassehres deg Tefriqt.
« Yessefk ad tesseɛjel Tuddsa n Yeɣlanen Yeddukklen akala n tukksa n ussehres deg tehrest (mustaɛmara) taneggarut akk deg Tefriqt yernu ad tessuddes tasefrant n ugguccelman (taqrir maṣir) », ɣef wakken ay d-yenna Mass Chikoti deffir yiwen n udiwenni d uneɣlaf adzayri n tɣawsiwin n wezɣar, Ramtane Lamamra.
« Tamsalt taṣeḥrawit d tamsalt taxatart (hamma) i Tefriqt », ɣef wakken ay d-yenna uneɣlaf anguli n tɣawsiwin n wezɣar, ay d-iwekkden dakken « tifrat tawḥidt d assefɛel n tneɣtusin (qararat) n Tuddsa n Yeɣlanen Yeddukklen imi d aya ad yeǧǧen aɣref aṣeḥrawi ad iɣellet azref-nnes ur yettwenkaṛen n ugguccelman yernu ad t-id-yuɣal uzarug-nnes ».
Massaw Lamamra d Chikoti ttekkan deg temlilit gar yineɣlafen ifriqiyen n tɣawsiwin n wezɣar d wid n 5 n tmura tigafanin (Skandinavya) ay yebdan ass n lexmis tameddit deg Oslo (Nuṛwij).
