ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵖⴻⵔⴷⴰⵢⵜ: ⴰⵃⴱⴰⵙ ⵏ 3 ⵏ ⵎⴻⴷⴷⴻⵏ ⴰⵢⴷⴻⴳ ⵛⵉⴽⴽⴻⵏ ⵜⵜⴻⴽⴽⴰⵏ ⴷⴻⴳ ⵓⵏⴻⵄⵔⵓⴹ ⵏ ⵜⵅⴰⵣⵣⴰⴱⵉⵜ ⵏ ⴽⵔⴻⵛⵀⴱⴰ
ⵜⴰƔⴻⵔⴷⴰⵢⵜ – ⴽⵔⴰⴹ-ⵏⵏⵉ ⵏ ⵢⴻⵎⴷⴰⵏⴻⵏ ⴰⵢⴷⴻⴳ ⵢⴻⵍⵍⴰ ⵛⵛⴻⴽ ⵜⵜⴻⴽⴽⴰⵏ ⴷⴻⴳ ⵓⵏⴻⵄⵔⵓⴹ ⵏ ⵜⵅⴰⵣⵣⴰⴱⵉⵜ ⵜⴰⵔⴻⵎⵎⴰⵖⵜ ⵏ ⵎⴻⵖⵔⴻⵙ ⵢⴻⵣⵔⵉⵏ ⴷⴻⴳ ⵍⵍⵓⵣⵉⵏ ⵏ ⵍⴳⴰⵣ ⵏ ⴽⵔⴻⵛⵀⴱⴰ (200 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ ⵡⴻⵏⵥⵓⵍ ⵏ ⵍⴻⵎⵏⵉⵄⴰ), ⵢⴻⵃⴱⴻⵙ-ⵉⵜⴻⵏ ⵢⴻⵎⵡⴻⴽⴽⴻⵍ ⵏ ⵜⴻⴳⴷⵓⴷⴰ ⵏ ⵡⴻⵅⵅⴰⵎ ⵏ ⵛⵛⵕⴻⵄ ⵏ ⵍⴻⵎⵏⵉⵄⴰ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⵅⴻⴱⴱⴻⵔ ⵢⵉⵡⴻⵜ ⵏ ⵜⴻⵖⴱⴰⵍⵓⵜ (ⵎⴰⵚⴷⴰⵔ) ⵏ ⵜⴻⵖⴷⴻⵎⵜ ⴰⵙⵙ ⵏ ⵍⴻⵅⵎⵉⵙ ⵜⴰⵎⴻⴷⴷⵉⵜ.
ⴷⴻⴼⴼⵉⵔ ⵎⴰ ⵙⵍⴰⵏ-ⴰⵙⴻⵏ ⴷⴻⴳ ⵡⴻⵅⵅⴰⵎ ⵏ ⵛⵛⵕⴻⵄ, ⵜⵜⵡⴰⵃⴻⴱⵙⴻⵏ ⴽⵔⴰⴹ-ⴰ ⵏ ⵢⴻⵎⴷⴰⵏⴻⵏ ⵉⵣⴻⴷⵖⴻⵏ ⴷⴻⴳ ⵍⴻⵎⵏⵉⵄⴰ ⵙ ⵜⵜⴻⵀⵎⴰⵜ ⵏ ⵓⵜⵜⴻⴽⴽⵉ ⴷⴻⴳ ⵍⴻⵛⵖⴰⵍ ⵏ ⵜⴻⴳⵔⴰⵡⵜ ⵜⴰⵔⴻⵎⵎⴰⵖⵜ (ⵉⵔⵀⴰⴱⵉⵢⵢⴰ), ⴰⴽⵛⴰⴼ ⵏ ⵜⴻⵍⵖⴰ (ⵎⴰⵄⵍⵓⵎⴰⵜ) ⵖⴻⴼ ⵡⴻⵎⴽⴰⵏ ⴰⵢⴷⴻⴳ ⵅⴻⴷⴷⵎⴻⵏ ⵍⴳⴰⵣ ⴷ ⵜⵓⵚⵚⵔⴰ ⵏ ⵛⵛⵖⴻⵍ ⵏ ⵓⵙⵙⴻⴼⵙⴻⴷ ⵓⵔ ⴷ-ⴽⵛⵉⴼⴻⵏ ⵉ ⵢⵉⵎⴻⵥⵍⴰ ⵏ ⵜⵖⴻⵍⵍⵉⵙⵜ, ⴰⵏⴻⵄⵔⵓⴹ ⵏ ⵜⵎⴻⵏⵖⵉⵡⵜ ⴷ ⵓⵜⵜⴻⴽⴽⵉ ⴷⴻⴳ ⵍⴻⵛⵖⴰⵍ ⵏ ⵓⵙⵙⴻⴼⵙⴻⴷ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⵅⴻⴱⴱⴻⵔ ⵜⴻⵖⴱⴰⵍⵓⵜ-ⴰ.
ⵜⵜⵡⴰⵙⴷⴻⵏⴱⴻⵏ ⴷⴰⵖ ⵢⴻⵎⴷⴰⵏⴻⵏ-ⴰ ⵖⴻⴼ ⵓⵏⴻⵄⵔⵓⴹ ⵏ ⵓⵙⵙⴻⴷⵔⴻⵎ ⵏ ⵡⴰⵢⵍⴰ ⵏ ⵡⵉⵢⴰⴹ, ⴰⵙⵙⴻⵇⴷⴻⵛ ⵏ ⵢⵉⴼⴰⵔⵉⵙⴻⵏ (ⵎⴰⵡⴰⴷ) ⵏ ⵓⵙⵙⴻⴷⵔⴻⵎ ⵢⴻⵜⵜⵡⴰⴳⴻⴷⵍⴻⵏ (ⵎⴰⵎⵏⵓⵄⴰ) ⴷ ⵡⴰⴵⴰⵡ ⴷ ⵓⵙⵙⴻⵇⴷⴻⵛ ⵏ ⵍⴻⵙⵍⴰⵃ ⵏ ⵡⴻⵎⴳⴰⵔⵓ ⵡⴰⵔ ⵜⵜⴻⵙⵔⵉⵃ.
ⵢⴻⵍⵍⴰ ⵛⵛⴻⴽ ⴷⴰⴽⴽⴻⵏ ⵉⵎⴷⴰⵏⴻⵏ-ⴰ ⵇⵇⵏⴻⵏ ⵖⴻⵔ ⵍⴻⵛⵖⴰⵍ ⵉⵔⴻⵎⵎⴰⵖⴻⵏ, ⵍⴰⴷⵖⴰ ⴰⵏⴻⵄⵔⵓⴹ-ⵏⵏⵉ ⵏ ⵜⵅⴰⵣⵣⴰⴱⵉⵜ ⵎⴳⴰⵍ ⵍⵍⵓⵣⵉⵏ ⵏ ⵍⴳⴰⵣ ⴰⵢ ⵍⴰ ⵜⴻⵜⵜⵖⴻⵍⵍⵉⵜ ⵙⵧⵏⴰⵜⵔⴰⵛⵀ ⴷ ⵢⴻⵛⵔⵉⴽⴻⵏ ⵉⵡⴻⵔⴷⴰⵏⵉⵢⴻⵏ (ⴰⴵⴰⵏⵉⴱ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.
ⵍⵍⵓⵣⵉⵏ-ⴰ ⵍⴰ ⵜⵜ-ⵜⴻⵜⵜⵖⴻⵍⵍⵉⵜ ⵙⵧⵏⴰⵜⵔⴰⵛⵀ ⴷ ⵜⴻⵕⵎⵉⵙⵉⵏ ⵏ ⴱⵔⵉⵜⵉⵙⵀ ⵒⴻⵜⵔⵧⵍⴻⵓⵎ ⴷ ⵙⵜⴰⵜⵧⵉⵍ. ⵃⵓⴽⵕⴻⵏ-ⵜⵜ ⵢⵉⵔⴻⵎⵎⴰⵖⴻⵏ ⴰⵙⵙ ⵏ 18 ⵎⴻⵖⵔⴻⵙ ⵢⴻⵣⵔⵉⵏ ⴰⴽⴽⴻⵏ ⴰⴷ ⵜⵜ-ⵙⵟⴻⵔⴹⵇⴻⵏ, ⵎⴰⵛⴰ ⵛⵛⵡⵉ ⵉⵎⵉ ⵓⵔ ⴷ-ⵜⴻⵍⵍⵉ ⵍⴻⵅⵚⴰⵔⴰ ⵍⴰ ⴷⴻⴳ ⵜⵎⴻⴷⴷⵓⵔⵉⵏ ⵡⴰⵍⴰ ⴷⴻⴳ ⵜⵜⴰⵡⵉⵍ.
