ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵡⴻⵀⵕⴰⵏ: ⵢⴻⴱⴷⴰ ⵛⵛⵖⴻⵍ ⴷ ⴰⵎⴻⵇⵔⴰⵏ ⵏ ⵓⵙⵙⵉⵣⴷⴻⴳ
ⵡⴻⵀⵕⴰⵏ – ⵢⴻⴱⴷⴰ, ⴰⵙⵙ ⵏ ⵙⵙⴻⴱⵜ ⴷⴻⴳ ⵜⵡⵉⵍⴰⵢⵜ ⵏ ⵡⴻⵀⵕⴰⵏ, ⵢⵉⵡⴻⵏ ⵏ ⵛⵛⵖⴻⵍ ⴷ ⴰⵎⵇⵔⴰⵏ ⵏ ⵓⵙⵙⵉⵣⴷⴻⴳ ⵉ ⵓⵙⵙⴻⵡⵊⴻⴷ ⵉ ⵜⴰⵍⵍⵉⵜ ⵏ ⵢⵉⵎⵓⵔⴰⵙ ⵏ ⵓⵏⴻⴱⴷⵓ ⴷ ⵡⴰⵢⵢⵓⵔ ⵏ ⵔⴻⵎⴹⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵡⴰⵍⵉ ⴰⵙⵙ ⵏ ⵍⴻⵅⵎⵉⵙ ⵜⴰⵎⴻⴷⴷⵉⵜ.
ⴷⴻⴳ ⵢⵉⵡⴻⵏ ⵏ ⵡⴻⵎⵢⴰⴳⴻⵔ ⴷ ⵡⵓⴼⵔⵉⵏⴻⵏ, ⵉⵎⴰⵙⴰⵢⴻⵏ (ⵎⴰⵙ’ⵓⵍⵉⵏ) ⵏ ⵜⴷⴻⴱⵍⵉⵏ ⵢⴻⵎⴳⴻⵔⵔⴰⴷⴻⵏ ⴷ ⵢⵉⵎⴰⵙⵍⴰⴹⴻⵏ ⵏ ⵓⵙⴻⵇⵇⴰⵎⵓ ⴰⵙⵍⴻⴽⵎⴰⵏ ⵏ ⵜⵡⵉⵍⴰⵢⵜ, ⵢⴻⵏⵏⴰ-ⴷ ⵎⴰⵙⵙ ⴰⴱⴷⴻⵍⴳⵀⴰⵏⵉ ⵣⴰⴰⵍⴰⵏⴻ ⴷⴰⴽⴽⴻⵏ ⵛⵛⵖⴻⵍ-ⴰ ⵢⴻⵔⵣⴰⵏ ⴰⴽⴽ ⵜⵉⵖⵉⵡⴰⵏⵉⵏ ⵏ ⵜⵡⵉⵍⴰⵢⵜ, ⵉⵙⵡⵉ-ⵏⵏⴻⵙ ⴷ ⵜⵓⴽⴽⵙⴰ ⵏ ⵢⵉⵄⴻⵡⵡⵉⵇⴻⵏ ⵉⵎⴻⵇⵔⴰⵏⴻⵏ ⵙⴻⴳ ⵡⴰⴽⴽ ⵉⵎⵓⴽⴰⵏ ⴰⵢⴷⴻⴳ ⵍⵍⴰⵏ, ⴰⵚⴻⴳⴳⴻⵎ ⵏ ⵢⴻⴱⵔⵉⴷⴻⵏ ⵏ ⵜⵖⵉⵡⴰⵏⵉⵏ ⴷ ⵓⵙⵙⴻⵍⵀⵓ ⵏ ⵜⴰⴼⴰⵜ ⵏ ⵢⴻⴱⵔⵉⴷⴻⵏ.
ⵢⴻⵙⵎⴻⴽⵜⵉ-ⴷ ⵓⵡⴰⵍⵉ ⴷⴰⴽⴽⴻⵏ ⵡⴻⵀⵕⴰⵏ ⵜⴻⵜⵜⵎⴰⴳⴰⵔ, ⵢⴰⵍ ⴰⵏⴻⴱⴷⵓ, ⴰⵎⴹⴰⵏ (ⵄⴰⴷⴰⴷ) ⴷ ⴰⵎⴻⵇⵔⴰⵏ ⵏ ⵢⵉⵏⴻⵔⵣⴰⴼⴻⵏ, ⵢⴻⵔⵏⵓ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⴰⵙⵙⴻⵍⵀⵓ ⵏ ⵍⴻⵛⵖⴰⵍ ⵏ ⵓⵙⵙⵉⵣⴷⴻⴳ ⴷ ⵓⵚⴻⴳⴳⴻⵎ ⵏ ⵢⴻⴱⵔⵉⴷⴻⵏ ⴷ ⵜⴰⴼⴰⵜ ⴷ ⴰⵢⴻⵏ ⵢⴻⵙⵄⴰⵏ ⴰⵣⴰⵍ.
ⵛⵛⵖⴻⵍ-ⴰ ⴰⴷ ⴷ-ⵉⵃⴰⵣ ⴷⴰⵖ ⵉⵎⵓⴽⴰⵏ ⵉⵎⴰⵢⵏⵓⵜⴻⵏ ⵏ ⵜⵏⴻⵣⴷⵓⵖⵜ ⵡⵓⵖⵓⵔ ⴷ-ⴳⵓⴵⴵⴻⵏ ⵢⵉⴳⵉⵎⴰⵏ (ⴰⵍⴰⴼ) ⵏ ⵜⵡⴰⵛⵓⵍⵉⵏ, ⵍⴰⴷⵖⴰ ⵜⴰⵎⴷⵉⵏⵜ ⵏ ⴱⴻⵍⴳⴰⵉⴷ.
ⵙ ⵡⴰⵢⴰ, ⵙⴻⴳ ⵡⴰⵙⵙ ⵏ ⵙⵙⴻⴱⵜ ⴷ ⴰⵙⴰⵡⴻⵏ, ⴰⴷ ⵜⴻⴱⴷⵓ ⵜⵓⴽⴽⵙⴰ ⵏ ⵢⵉⵀⵓⴷⴷⴰⵏ ⴷ ⵜⵓⵔⵙⴰⴹ ⵙⴻⴳ ⵢⵉⵎⵓⴽⴰⵏ-ⴰ, ⴰⵎ ⵡⴰⴽⴽⴻⵏ ⴰⴷ ⵜⵜⵡⴰⵚⴻⴳⴳⵎⴻⵏⵜ ⵜⵏⴻⴷⴷⴰ (ⴰⵔⵚⵉⴼⴰ) ⵢⴻⵔⵏⵓ ⴰⴷ ⵙⵙⵓⵏ ⵢⴻⴱⵔⵉⴷⴻⵏ ⵏ ⵢⵉⵎⵓⴽⴰⵏ-ⴰ.
ⵉ ⵓⵙⵙⴻⵔⴱⴻⵃ ⵏ ⵛⵛⵖⴻⵍ-ⴰ, ⵉⴳⴻⵔ-ⴷ ⵓⵡⴰⵍⵉ ⵜⵉⵖⵔⵉ ⴰⴽⴽⴻⵏ ⴰⴷ ⴷ-ⵜⵜⴻⴽⴽⵉⵏⵜ ⴰⴽⴽ ⵜⵖⵉⵡⴰⵏⵉⵏ ⵙ ⵢⵉⵅⴻⴷⴷⴰⵎⴻⵏ ⴷ ⵜⵜⴰⵡⵉⵍⴰⵜ ⵢⴻⵙⵙⴻⴼⴽⴻⵏ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⴰⴷ ⵜⴻⵥⵥⵓ ⵜⴻⵕⵎⵉⵙⵜ (ⵛⴰⵔⵉⴽⴰ) ⵏ « ⵧⵔⴰⵏ-ⵠⴻⵔⵜ » ⵉⵙⴻⴽⵍⴰ (ⴰⵛⴵⴰⵔ) ⵙ ⵡⴻⵎⵄⴰⵡⴻⵏ ⴷ ⵜⵙⵓⴷⵓⵜ ⵏ ⵡⴻⵃⵔⴰⵣ ⵏ ⵜⵥⴻⴳⵡⴰ ⵏ « ⵍⴻⵣⵣⴰⵢⴻⵔ ⵜⴰⵎⴻⵍⵍⴰⵍⵜ ».
