Asebter amenzawi

Tacirḍart : Maḥrez tuɣal-as tejmilt ɣef weswir-is yettumeyzen

LEZZAYER TAMANAɣT – Alemmas n wannar azzayri n Leicester City (tamɣunt 1ut taglizit n tcirḍaṛt) Riyad Mahrez yettunefk-as ass n ljemɛa arraz ɣef "weswir-ines yettumeyzen" sɣur Djamel Ould Abbes, aselway n tdukkli taselwayant n umussu anmettan d sesdukklan lawan n yiwet n tmaɣṛa d-yellan deg wammas asnatwilan aɣelnaw n tfidiralit tazzayrit n tciṛḍart n Sidi Moussa, ddaw n laɛnaya n uselway n Tegduda, Abdelaziz Bouteflika.

"Tamaɣṛa-yagi tella-d d akemmel n yizen n wesnemmer s-yuzen uselway n Tegduda i Ryad Mahrez yerzan aswir-ines yettumeyzen yexdem di teɣzi n useggas-agi anaddalan, ama deg wayen yerzan iman-is d aferdi neɣ d tarbaɛt-is d ajemmal s rbaḥ n telɣuɣa id-tewwi Leicester. D amyurar yessulin s igenni takbabt tazzayrit di lbeṛṛani", id-yenna I tnegga isallen n Lezzayer Mas Ould Abbes.

Tamaɣṛa-yagi iḥeḍṛ-itt uneɣlaf n yelmeẓyen d waddal El Hadi Ould Ali, d uselway n tfidiṛalit tazzayrit n tcirḍaṛt Mohamed Raouraoua, akk d sin n yemyuraren n terbaɛt n tirni n weslelli aɣelnaw (FLN) Mohamed Maouche d Abdelhamid Zouba.