ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵛⵉⵔⴹⴰⵔⵜ : ⵎⴰⵃⵔⴻⵣ ⵜⵓⵖⴰⵍ-ⴰⵙ ⵜⴻⵊⵎⵉⵍⵜ ⵖⴻⴼ ⵡⴻⵙⵡⵉⵔ-ⵉⵙ ⵢⴻⵜⵜⵓⵎⴻⵢⵣⴻⵏ
ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ – ⴰⵍⴻⵎⵎⴰⵙ ⵏ ⵡⴰⵏⵏⴰⵔ ⴰⵣⵣⴰⵢⵔⵉ ⵏ ⵍⴻⵉⵛⴻⵙⵜⴻⵔ ⵛⵉⵜⵢ (ⵜⴰⵎⵖⵓⵏⵜ 1ⵓⵜ ⵜⴰⴳⵍⵉⵣⵉⵜ ⵏ ⵜⵛⵉⵔⴹⴰⵕⵜ) ⵔⵉⵢⴰⴷ ⵎⴰⵀⵔⴻⵣ ⵢⴻⵜⵜⵓⵏⴻⴼⴽ-ⴰⵙ ⴰⵙⵙ ⵏ ⵍⵊⴻⵎⵄⴰ ⴰⵔⵔⴰⵣ ⵖⴻⴼ "ⵡⴻⵙⵡⵉⵔ-ⵉⵏⴻⵙ ⵢⴻⵜⵜⵓⵎⴻⵢⵣⴻⵏ" ⵙⵖⵓⵔ ⴷⵊⴰⵎⴻⵍ ⵧⵓⵍⴷ ⴰⴱⴱⴻⵙ, ⴰⵙⴻⵍⵡⴰⵢ ⵏ ⵜⴷⵓⴽⴽⵍⵉ ⵜⴰⵙⴻⵍⵡⴰⵢⴰⵏⵜ ⵏ ⵓⵎⵓⵙⵙⵓ ⴰⵏⵎⴻⵜⵜⴰⵏ ⴷ ⵙⴻⵙⴷⵓⴽⴽⵍⴰⵏ ⵍⴰⵡⴰⵏ ⵏ ⵢⵉⵡⴻⵜ ⵏ ⵜⵎⴰⵖⵕⴰ ⴷ-ⵢⴻⵍⵍⴰⵏ ⴷⴻⴳ ⵡⴰⵎⵎⴰⵙ ⴰⵙⵏⴰⵜⵡⵉⵍⴰⵏ ⴰⵖⴻⵍⵏⴰⵡ ⵏ ⵜⴼⵉⴷⵉⵔⴰⵍⵉⵜ ⵜⴰⵣⵣⴰⵢⵔⵉⵜ ⵏ ⵜⵛⵉⵕⴹⴰⵔⵜ ⵏ ⵙⵉⴷⵉ ⵎⵧⵓⵙⵙⴰ, ⴷⴷⴰⵡ ⵏ ⵍⴰⵄⵏⴰⵢⴰ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ.
"ⵜⴰⵎⴰⵖⵕⴰ-ⵢⴰⴳⵉ ⵜⴻⵍⵍⴰ-ⴷ ⴷ ⴰⴽⴻⵎⵎⴻⵍ ⵏ ⵢⵉⵣⴻⵏ ⵏ ⵡⴻⵙⵏⴻⵎⵎⴻⵔ ⵙ-ⵢⵓⵣⴻⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉ ⵔⵢⴰⴷ ⵎⴰⵀⵔⴻⵣ ⵢⴻⵔⵣⴰⵏ ⴰⵙⵡⵉⵔ-ⵉⵏⴻⵙ ⵢⴻⵜⵜⵓⵎⴻⵢⵣⴻⵏ ⵢⴻⵅⴷⴻⵎ ⴷⵉ ⵜⴻⵖⵣⵉ ⵏ ⵓⵙⴻⴳⴳⴰⵙ-ⴰⴳⵉ ⴰⵏⴰⴷⴷⴰⵍⴰⵏ, ⴰⵎⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵎⴰⵏ-ⵉⵙ ⴷ ⴰⴼⴻⵔⴷⵉ ⵏⴻⵖ ⴷ ⵜⴰⵔⴱⴰⵄⵜ-ⵉⵙ ⴷ ⴰⵊⴻⵎⵎⴰⵍ ⵙ ⵔⴱⴰⵃ ⵏ ⵜⴻⵍⵖⵓⵖⴰ ⵉⴷ-ⵜⴻⵡⵡⵉ ⵍⴻⵉⵛⴻⵙⵜⴻⵔ. ⴷ ⴰⵎⵢⵓⵔⴰⵔ ⵢⴻⵙⵙⵓⵍⵉⵏ ⵙ ⵉⴳⴻⵏⵏⵉ ⵜⴰⴽⴱⴰⴱⵜ ⵜⴰⵣⵣⴰⵢⵔⵉⵜ ⴷⵉ ⵍⴱⴻⵕⵕⴰⵏⵉ", ⵉⴷ-ⵢⴻⵏⵏⴰ ⵉ ⵜⵏⴻⴳⴳⴰ ⵉⵙⴰⵍⵍⴻⵏ ⵏ ⵍⴻⵣⵣⴰⵢⴻⵔ ⵎⴰⵙ ⵧⵓⵍⴷ ⴰⴱⴱⴻⵙ.
ⵜⴰⵎⴰⵖⵕⴰ-ⵢⴰⴳⵉ ⵉⵃⴻⴹⵕ-ⵉⵜⵜ ⵓⵏⴻⵖⵍⴰⴼ ⵏ ⵢⴻⵍⵎⴻⵥⵢⴻⵏ ⴷ ⵡⴰⴷⴷⴰⵍ ⴻⵍ ⵀⴰⴷⵉ ⵧⵓⵍⴷ ⴰⵍⵉ, ⴷ ⵓⵙⴻⵍⵡⴰⵢ ⵏ ⵜⴼⵉⴷⵉⵕⴰⵍⵉⵜ ⵜⴰⵣⵣⴰⵢⵔⵉⵜ ⵏ ⵜⵛⵉⵔⴹⴰⵕⵜ ⵎⵧⵀⴰⵎⴻⴷ ⵔⴰⵧⵓⵔⴰⵧⵓⴰ, ⴰⴽⴽ ⴷ ⵙⵉⵏ ⵏ ⵢⴻⵎⵢⵓⵔⴰⵔⴻⵏ ⵏ ⵜⴻⵔⴱⴰⵄⵜ ⵏ ⵜⵉⵔⵏⵉ ⵏ ⵡⴻⵙⵍⴻⵍⵍⵉ ⴰⵖⴻⵍⵏⴰⵡ (ⴼⵍⵏ) ⵎⵧⵀⴰⵎⴻⴷ ⵎⴰⵧⵓⵛⵀⴻ ⴷ ⴰⴱⴷⴻⵍⵀⴰⵎⵉⴷ ⵣⵧⵓⴱⴰ.
