ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵏⴰⴱⴰⴹ ⵏ ⵙⴻⵍⵍⴰⵍ « ⵢⴻⴷⴷⵓⴽⴽⴻⵍ » ⵢⴻⵔⵏⵓ ⵉⵅⴻⴷⴷⴻⵎ ⵙ ⵡⴻⴹⴼⴰⵔ ⵏ ⵡⴻⴱⵔⵉⴷ ⴰⵢ ⴷ-ⵢⴻⵏⵊⴻⵕ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ

ⵜⵉⵣⵉ ⵡⴻⵣⵣⵓ– ⵢⴻⵏⵏⴰ-ⴷ ⵓⵏⴻⵖⵍⴰⴼ ⴰⵎⴻⵏⵣⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⴰⵙⵙ ⵏ ⵍⵃⴻⴷⴷ ⴷⴻⴳ ⵜⵉⵣⵉ ⵡⴻⵣⵣⵓ, ⴷⴰⴽⴽⴻⵏ ⴰⵏⴰⴱⴰⴹ (ⵃⵓⴽⵓⵎⴰ) « ⵜⴻⴷⴷⵓⴽⴽⴻⵍ » ⵢⴻⵔⵏⵓ ⵍⴰ ⵜⵅⴻⴷⴷⴻⵎ ⵙ ⵡⴻⴹⴼⴰⵔ ⵏ ⵡⴻⴱⵔⵉⴷ ⴰⵢ ⴷ-ⵢⴻⵏⵊⴻⵕ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ.

« ⵓⵍⴰ ⵎⴰ ⵢⴻⵍⵍⴰ-ⴷ ⴽⵔⴰ ⵏ ⵡⴻⵏⵏⴼⴰⵍ, ⵜⵜⵡⴻⴽⴽⵉⴷⴻⵖ-ⴷ ⴷⴰⴽⴽⴻⵏ ⴰⵏⴰⴱⴰⴹ ⵢⴻⴷⴷⵓⴽⴽⴻⵍ ⵢⴻⵔⵏⵓ ⵍⴰ ⵉⵅⴻⴷⴷⴻⵎ ⴰⵎ ⵢⵉⵡⴻⵏ ⵏ ⵡⴻⵔⴳⴰⵣ ⴷⴻⴳ ⵡⴻⴱⵔⵉⴷ ⴰⵢ ⴷ-ⵢⴻⵏⵊⴻⵕ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵙⴻⵍⵍⴰⵍ ⵎⵉ ⵉⴼⵓⴽ ⵡⴻⵎⵢⴰⴳⴻⵔ-ⵏⵏⴻⵙ ⴷ ⵢⴻⵎⵙⴻⴼⵜⵉⵢⴻⵏ ⵏ ⵜⵡⵉⵍⴰⵢⵜ ⵏ ⵜⵉⵣⵉ ⵡⴻⵣⵣⵓ.

ⵢⴻⵏⵏⴰ-ⴷ ⴷⴰⵖ ⵓⵏⴻⵖⵍⴰⴼ ⴰⵎⴻⵏⵣⵓ ⴷⴰⴽⴽⴻⵏ « ⵢⴻⵜⵜⵣⵓⵅⵅⵓ » ⵙ ⵜⵡⴻⵍⵀⴰ ⵏ ⴷⴷⵉⵏ ⵜⴰⵖⴻⵍⵏⴰⵡⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷⴰⴽⴽⴻⵏ « ⴰⵖⵔⴻⴼ ⴰⴷⵣⴰⵢⵔⵉ ⵢⴻⴷⴷⵓⴽⴽⴻⵍ ⵢⴻⵔⵏⵓ ⵜⴻⵜⵜⵃⵓⴷⴷⵓ-ⵜ ⵜⵔⴻⴷⵙⴰ (ⴵⴰⵢⵛ) ⵉⵊⴻⵀⴷⴻⵏ. ⵓⵍⴰⵢⵖⴻⵔ ⵎⴰ ⵏⵓⵖⴰⵍ ⵖⴻⵔ ⵢⵉⵙⴻⴳⴳⴰⵙⴻⵏ ⵏ 90 ».

ⴷⴻⴳ ⵜⴳⴰⵔⴰ, ⵢⴻⵏⵏⴰ-ⴷ ⵎⴰⵙⵙ ⵙⴻⵍⵍⴰⵍ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴱⴻⴷⴷⵍⴻⵏⵜ ⵍⵄⴻⵇⵍⴻⵢⵢⴰⵜ ⵢⴻⵔⵏⵓ, ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⴼⴽⴰ-ⴷ ⴰⵎⴻⴷⵢⴰ ⵏ ⵓⴽⴻⵎⵎⴻⵍ ⵏ ⵡⴻⵔⵥⴰⵎ ⵏ ⵜⴻⵙⴷⴰⵡⵉⵢⵉⵏ ⴷ ⵜⴻⵎⴽⴰⵔⴹⵉⵢⵉⵏ ⴰⵔⵎⴰ ⴷ ⵜⴰⵎⴻⴷⴷⵉⵜ ⵎⴰⴹⵉ.