Asebter amenzawi

Anabaḍ n Sellal « yeddukkel » yernu ixeddem s weḍfar n webrid ay d-yenjeṛ uselway Bouteflika

TIZI WEZZU– Yenna-d uneɣlaf amenzu, Abdelmalek Sellal, ass n lḥedd deg Tizi Wezzu, dakken anabaḍ (ḥukuma) « teddukkel » yernu la txeddem s weḍfar n webrid ay d-yenjeṛ uselway n tegduda, Abdelaziz Bouteflika.

« Ula ma yella-d kra n wennfal, ttwekkideɣ-d dakken anabaḍ yeddukkel yernu la ixeddem am yiwen n wergaz deg webrid ay d-yenjeṛ uselway n tegduda, Abdelaziz Bouteflika », ɣef wakken ay d-yenna Mass Sellal mi ifuk wemyager-nnes d yemseftiyen n twilayt n Tizi Wezzu.

Yenna-d daɣ uneɣlaf amenzu dakken « yettzuxxu » s twelha n ddin taɣelnawt, am wakken ay d-iwekked dakken « aɣref adzayri yeddukkel yernu tettḥuddu-t tredsa (ǧayc) ijehden. Ulayɣer ma nuɣal ɣer yiseggasen n 90 ».

Deg tgara, yenna-d Mass Sellal dakken yessefk ad beddlent lɛeqleyyat yernu, i lmend n waya, yefka-d amedya n ukemmel n werẓam n tesdawiyin d temkarḍiyin arma d tameddit maḍi.