Asebter amenzawi

Tibeskert: assedrem n uẓeḍḍa aɣelnaw yesnuzuyen akal n tkerrazt beṛṛa i lqanun

TIBESKERT – Sdermen yimeẓla (maṣaliḥ) n tɣellist (amn) n twilayt n Tbeskert yiwen n uẓeḍḍa n 8 n yemdanen yettekkan deg lecɣal yemgerraden yeffɣen i lqanun deg ussenzi n wakal n tkerrazt, ɣef wakken ay aɣ-d-ixebber yemkellef n teɣwalt n tɣellist ass n lḥedd.

Yenna-aɣ-d yemkellef-a dakken imdanen-a llan ssumuren-d (yaqtariḥun) lemɛawna i tmesɣiwt n wakal n tkerrazt, maca llan ssuturen seg yemdanen umi ttkellixen ad d-xellṣen 400 000 n yidinaṛen akken ad asen-sɛeddin ikaramen-nsen (milaffat).

Iḥtacen ay tga temsulta (curṭa) taɣedmant (qaḍa’iyya) kecfen-d dakken imdanen-a yettwaḍḍfen sqedcen lekwaɣeḍ ideɣlen yernu ssersen-ten deg yimeẓla ay terza temsalt akken ad steɛṛfen s wakal-nni yenzan amzun yenza s lqanun, ɣef wakken ay aɣ-d-sfehmen.

Imdanen-a, yesɛan gar 27 d 58 n yiseggasen, sqedcen ismawen n tkellax deg lekwaɣeḍ-nni ideɣlen, yernu ssawḍen ad akren 18 n yimelyunen n yidinaṛen seg 42 n yemdanen yettwakellxen.

Gar yemdanen yettekkan deg uẓeḍḍa-a, yella yiwen d axeddam deg wexxam n wakal, yiwen d bab n tneɣlust (maqha) n Internet, ma d yiwen d amenzag (massaḥ), yernu zedɣen deg Tbeskert, Tabatent, Qsenṭina d Um Lebwaqi.