ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⵓⵇ ⴰⵀⵕⴰⵙ: 8 ⵏ ⵢⵉⵎⴻⵄⴷⴰⵕ ⴰⵢ ⵉⵇⵓⴱⵍⴻⵏ ⵉⵄⴻⵡⵡⵉⵇⴻⵏ ⴰⴽⴽⴻⵏ ⴰⴷ ⵙⵄⴻⴷⴷⵉⵏ ⵍⴱⴰⴽ

ⵙⵓⵇ ⴰⵀⵕⴰⵙ– 8 ⵏ ⵢⵉⵎⴻⵄⴷⴰⵕ (6 ⵅⵓⵚⵚⴻⵏ ⵉⵥⵔⵉ, 2 ⴷ ⵉⵎⴻⵄⴷⴰⵕ ⵏ ⵜⴼⴻⴽⴽⴰ) ⴰⵢ ⵉⵖⴻⵜⵙⴻⵏ ⴰⴷ ⵇⴰⴱⵍⴻⵏ ⵉⵄⴻⵡⵡⵉⵇⴻⵏ ⴰⴽⴽⴻⵏ ⴰⴷ ⵙⵄⴻⴷⴷⵉⵏ ⵍⴱⴰⴽ ⴰⵙⵙ ⵏ ⵍⵃⴻⴷⴷ ⴷⴻⴳ ⵜⵡⵉⵍⴰⵢⵜ ⵏ ⵙⵓⵇ ⴰⵀⵕⴰⵙ.

ⵉⵏⴻⵍⵎⴰⴷⴻⵏ-ⵏⵏⵉ ⴰⵢ ⵉⵅⵓⵚⵚⴻⵏ ⵉⵥⵔⵉ ⵣⴻⵔⵡⴻⵏ (ⴷⴰⵔⴰⵙⵓ) ⴷⴻⴳ ⵓⵖⴻⵔⴱⴰⵣ ⵏ ⵢⵉⴷⴻⵔⵖⴰⵍⴻⵏ ⵏ ⵓⵎ ⵍⴻⴱⵡⴰⵇⵉ ⵢⴻⵔⵏⵓ ⵇⵓⴱⵍⴻⵏ ⵉⵄⴻⵡⵡⵉⵇⴻⵏ ⴰⵔⵎⵉ ⴰⵢ ⵡⵡⴹⴻⵏ ⵖⴻⵔ ⵍⴱⴰⴽ.

ⴷⴻⴳ ⵜⵡⵉⵍⴰⵢⵜ-ⴰ ⴰⵢ ⴷ-ⵢⵓⵙⴰⵏ ⵖⴻⴼ ⵜⵍⵉⵙⴰ ⵏ ⵜⵎⵓⵔⵜ, ⵢⴻⵜⵜⵓⵏⴻⴼⴽ ⵍⴰⵎⴻⵕ ⵓⵏⵚⵉⴱ ⵉ ⵓⴱⴻⴷⴷⵓ ⵍⴱⴰⴽ, ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ, ⴷⴻⴳ ⵜⴻⵙⵏⴰⵡⵉⵜ ⵏ ⵎⴻⴽⵉⴷⴻⵛⵀⴻ ⴰⵎⵎⴰⵔ, ⴷⴻⴳ ⵜⵖⵉⵡⴰⵏⵜ ⵏ ⵓⵎ ⵍⴻⵄⴹⴰⵢⴻⵎ (70 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ ⵓⵜⴰⵔⴰⵎ ⵏ ⵙⵓⵇ ⴰⵀⵕⴰⵙ). ⵜⴰⵡⵉⵍⴰⵢⵜ-ⴰ ⵜⴻⵙⵄⴰ 9.281 ⵏ ⵢⵉⵎⴰⵣⵡⴰⵔⴻⵏ (ⵎⵓⵔⴰⵛⵛⴰⵃⵉⵏ) ⵏ ⵍⴱⴰⴽ, ⴳⴰⵔ-ⴰⵙⴻⵏ 2.900 ⵏ ⵢⵉⵎⴰⵣⵡⴰⵔⴻⵏ ⵉⵍⴻⵍⵍⵉⵢⴻⵏ ⴷ 8 ⵏ ⵢⵉⵎⴻⵄⴷⴰⵕ ⴰⵢ ⴷ-ⵢⵓⵙⴰⵏ ⴰⴷ ⵙⵄⴻⴷⴷⵉⵏ ⵉⴽⴰⵢⴰⴷⴻⵏ-ⵏⵙⴻⵏ ⵜⴰⵚⴻⴱⵃⵉⵜ, ⴷⴻⴳ ⵡⴰⴽⵓⴷ.

ⴷⴻⴳ ⵡⴰⵎⵎⴰⵙ ⵏ ⵢⵉⴽⴰⵢⴰⴷⴻⵏ ⵏ « ⴷⵊⵉⵍⴰⵍⵉ-ⵍⵉⴰⴱⴻⵙ » ⵏ ⵙⵓⵇ ⴰⵀⵕⴰⵙ, ⵢⴻⵏⵏⴰ-ⴷ ⵢⵉⵍⴻⵎⵥⵉ ⴼⵧⵓⴷⵉⵍ ⴱⵧⵓⴷⴻⵔⴱⴰⵍⵍⴰ (18 ⵏ ⵢⵉⵙⴻⴳⴳⴰⵙⴻⵏ, ⵉⵅⵓⵚⵚ ⵉⵥⵔⵉ) ⴷⴰⴽⴽⴻⵏ ⵉⵄⴻⵡⵡⴻⵍ ⴰⴷ ⴷ-ⵢⴰⵡⵉ ⵍⴱⴰⴽ ⵢⴻⵔⵏⵓ ⴰⴷ ⵢⴻⴷⴷⵓ ⵖⴻⵔ ⵜⴻⵙⴷⴰⵡⵉⵜ.

ⴼⵧⵓⴷⵉⵍ ⵢⴻⵖⵔⴰⵏ ⴷⴻⴳ ⵓⴼⵓⵔⴽ ⵏ ⵜⵙⴻⴽⵍⴰ ⴷ ⵜⴼⴻⵍⵙⵓⴼⵜ, ⵢⴻⵙⵄⴻⴷⴷⴰ ⴰⴽⴰⵢⴰⴷ ⵏ ⵜⵚⴻⴱⵃⵉⵜ ⴷⴻⴳ ⵢⵉⵡⴻⵜ ⵏ ⵜⵏⴻⵖⵔⵉⵜ (ⵇⵉⵙⵎ) ⴰⵢ ⴰⵙ-ⴷ-ⵢⴻⵜⵜⵡⴰⵀⴻⵢⵢⴰⵏ ⵉ ⵏⴻⵜⵜⴰ ⴽⴰⵏ, ⵢⴻⵔⵏⵓ ⵙⵉⵏ ⵏ ⵢⵉⵅⴻⴷⴷⴰⵎⴻⵏ ⴰⵢ ⵜ-ⵉⵄⵓⵙⵙⴻⵏ ⴰⴽⴽⴻⵏ ⴰⴷ ⴰⵙ-ⴷ-ⵖⵔⴻⵏ ⵜⵓⵜⵜⵔⵓⵡⵉⵏ ⵢⴻⵔⵏⵓ ⴰⴷ ⵜ-ⵄⴰⵡⵏⴻⵏ ⴰⴷ ⵢⴰⵔⵓ ⵜⵉⵔⵉⵔⵉⵢⵉⵏ.

ⴷ ⵉⵖⴻⴼ ⵏ ⵡⴰⵎⵎⴰⵙ ⵏ ⵓⴽⴰⵢⴰⴷ, ⵎⴰⵙⵙ ⵎⵧⵀⴰⵎⴻⴷ ⵏⴰⵙⵙⴻⵔ ⵛⵀⴰⴷⵍⵉ, ⴰⵢ ⵢⴻⵎⵎⵓⴳⵔⴻⵏ ⴼⵧⵓⴷⵉⵍ, ⵜⴰⵚⴻⴱⵃⵉⵜ ⵣⵉⴽ, ⵖⴻⴼ ⵜⵉⵙ 8 ⴷ ⵡⴻⵣⴳⴻⵏ, ⵙ ⵓⵙⵙⴻⴱⵖⴻⵙ ⴷ ⵜⵓⴽⴽⵙⴰ ⵏ ⵡⵓⴳⵓⵔ.

ⵉⵍⴻⵎⵥⵉ ⴰⴱⴷⴻⵍⵀⴰⵉ ⵜⵧⵓⴰⵀⵔⵉⵢⴰ (ⵢⴻⵍⵍⴰⵏ ⴷⴰⵖ ⵙⴻⴳ ⵡⵉⴷ ⵉⵅⵓⵚⵚⴻⵏ ⵉⵥⵔⵉ) ⵢⴻⵍⵍⴰ ⵙⴻⴳ ⴳⴰⵔ ⵢⵉⵏⴻⵍⵎⴰⴷⴻⵏ ⴰⵢ ⴷ-ⵢⴻⴼⵔⵓⵔⵉⵏ ⴷⴻⴳ ⵓⵖⴻⵔⴱⴰⵣ-ⵏⵏⴻⵙ ⵢⴻⵔⵏⵓ ⵢⵓⵙⴰ-ⴷ ⴰⴷ ⵢⴻⵙⵄⴻⴷⴷⵉ ⵍⴱⴰⴽ ⴷⴻⴳ ⵓⵖⴻⵔⴱⴰⵣ ⵏ ⴰⴱⴷⴻⵍⵀⴰⵎⵉⴷ ⴱⴻⵏⴱⴰⴷⵉⵙ.

ⵉⵍⴻⵎⵥⵉ-ⴰ ⵏ 21 ⵏ ⵢⵉⵙⴻⴳⴳⴰⵙⴻⵏ ⵢⴻⵏⵏⴰ-ⴷ ⴷⴰⴽⴽⴻⵏ ⵢⴻⵜⵜⵡⴰⵍⵉ ⵢⴻⵣⵎⴻⵔ ⴰⴷ ⴷ-ⵢⴰⵡⵉ ⵍⴱⴰⴽ ⵢⴻⵔⵏⵓ ⵢⴻⵙⵙⴰⵔⴰⵎ ⴰⴷ ⵢⴰⴷⴻⴼ ⵖⴻⵔ ⵜⴻⵙⴷⴰⵡⵉⵜ.

ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⵢⴻⵙⵙⴰⵔⴰⵎ ⴰⴷ ⵢⴻⴷⴷⴻⵎ ⵡⴻⵖⵍⵉⴼ ⵏ ⵓⵙⵙⴻⴳⵎⵉ ⵜⴰⵔⵔⴰⵢⵜ (ⵎⴰⵏⵀⴰⴵ) ⴰⵢⴷⴻⴳ ⵉⵅⴻⴷⴷⴰⵎⴻⵏ ⵏ ⵓⵙⵙⴻⴳⵎⵉ ⴰⴷ ⵜⵜⵄⴰⵡⴰⵏⴻⵏ ⵓⴳⴰⵔ ⵉⵎⴻⵄⴷⴰⵕ ⴰⴽⴽⴻⵏ ⴰⴷ ⵍⴻⵎⴷⴻⵏ, ⵍⴰⴷⵖⴰ ⴷⴻⴳ ⵡⴻⵙⵡⵉⵔ ⴰⵍⴻⵎⵎⴰⵙ.

ⵉⵎⴻⵄⴷⴰⵕ ⴰⵢ ⴷ-ⵢⵓⵙⴰⵏ ⴰⴷ ⵙⵄⴻⴷⴷⵉⵏ ⵉⴽⴰⵢⴰⴷⴻⵏ-ⵏⵙⴻⵏ ⵏ ⵍⴱⴰⴽ ⴷⴻⴳ ⵙⵓⵇ ⴰⵀⵕⴰⵙ, ⵜⴰⵡⵔⴰ, ⵙⴻⴷⵕⴰⵜⴰ, ⵍⴻⵃⴷⴰⴷⴰ ⴷ ⵎⴷⴰⵡⵕⴻⵛ, ⴼⴽⴰⵏ-ⴷ ⵜⵓⴳⵏⴰ ⵏ ⵓⵄⴻⵡⵡⴻⵍ ⴷ ⵜⴻⴱⵖⴻⵙⵜ ⴰⴽⴽⴻⵏ ⴰⴷ ⵔⵏⵓⵏ ⴰⴽⴽ ⵉⵄⴻⵡⵡⵉⵇⴻⵏ ⵢⴻⵍⵍⴰⵏ ⴷⴻⴳ ⵡⴻⴱⵔⵉⴷ ⵏ ⵔⵔⴱⴻⵃ.