Asebter amenzawi

Suq Ahṛas: 8 n yimeɛdaṛ ay iqublen iɛewwiqen akken ad sɛeddin lbak

SUQ AHṚAS– 8 n yimeɛdaṛ (6 xuṣṣen iẓri, 2 d imeɛdaṛ n tfekka) ay iɣetsen ad qablen iɛewwiqen akken ad sɛeddin lbak ass n lḥedd deg twilayt n Suq Ahṛas.

Inelmaden-nni ay ixuṣṣen iẓri zerwen (darasu) deg uɣerbaz n yiderɣalen n Um Lebwaqi yernu qublen iɛewwiqen armi ay wwḍen ɣer lbak.

Deg twilayt-a ay d-yusan ɣef tlisa n tmurt, yettunefk lameṛ unṣib i ubeddu lbak, i tikkelt tamezwarut, deg tesnawit n Mekideche Ammar, deg tɣiwant n Um Leɛḍayem (70 n yikilumitren deg utaram n Suq Ahṛas). Tawilayt-a tesɛa 9.281 n yimazwaren (muraccaḥin) n lbak, gar-asen 2.900 n yimazwaren ilelliyen d 8 n yimeɛdaṛ ay d-yusan ad sɛeddin ikayaden-nsen taṣebḥit, deg wakud.

Deg wammas n yikayaden n « Djilali-Liabes » n Suq Ahṛas, yenna-d yilemẓi Foudil Bouderballa (18 n yiseggasen, ixuṣṣ iẓri) dakken iɛewwel ad d-yawi lbak yernu ad yeddu ɣer tesdawit.

Foudil yeɣran deg ufurk n tsekla d tfelsuft, yesɛedda akayad n tṣebḥit deg yiwet n tneɣrit (qism) ay as-d-yettwaheyyan i netta kan, yernu sin n yixeddamen ay t-iɛussen akken ad as-d-ɣren tuttruwin yernu ad t-ɛawnen ad yaru tiririyin.

D iɣef n wammas n ukayad, Mass Mohamed Nasser Chadli, ay yemmugren Foudil, taṣebḥit zik, ɣef tis 8 d wezgen, s ussebɣes d tukksa n wugur.

Ilemẓi Abdelhai Touahriya (yellan daɣ seg wid ixuṣṣen iẓri) yella seg gar yinelmaden ay d-yefrurin deg uɣerbaz-nnes yernu yusa-d ad yesɛeddi lbak deg uɣerbaz n Abdelhamid Benbadis.

Ilemẓi-a n 21 n yiseggasen yenna-d dakken yettwali yezmer ad d-yawi lbak yernu yessaram ad yadef ɣer tesdawit.

Yenna-d daɣ dakken yessaram ad yeddem weɣlif n ussegmi tarrayt (manhaǧ) aydeg ixeddamen n ussegmi ad ttɛawanen ugar imeɛdaṛ akken ad lemden, ladɣa deg weswir alemmas.

Imeɛdaṛ ay d-yusan ad sɛeddin ikayaden-nsen n lbak deg Suq Ahṛas, Tawra, Sedṛata, Leḥdada d Mdawṛec, fkan-d tugna n uɛewwel d tebɣest akken ad rnun akk iɛewwiqen yellan deg webrid n rrbeḥ.