ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⴳⴻⵔ-ⴷ ⵎⵉⵀⵧⵓⴱⵉ ⵜⵉⵖⵔⵉ ⵉ ⵓⵄⴰⵡⴻⴷ ⵏ ⵍⴻⴱⵏⵉ ⵏ ⵡⴰⵙⵙⴰⵖ ⴳⴰⵔ ⵡⴰⴳⴳⴰⴳ ⴷ ⵓⵎⴰⴹⴰⵍ ⵏ ⵜⵉⴷⴻⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵢⴻⴷⵍⴻⵙ, ⴰⵣⴻⴷⴷⵉⵏⴻ ⵎⵉⵀⵧⵓⴱⵉ, ⴰⵙⵙ ⵏ ⵍⵃⴻⴷ, ⴷⴻⴳ ⵍⵇⴰⵀⵉⵔⴰ, ⴷⴰⴽⴽⴻⵏ « ⵢⴻⵙⵙⴻⴼⴽ ⴰⴷ ⵉⵄⴰⵡⴻⴷ ⴰⴷ ⴷ-ⵢⴻⵜⵜⵡⴻⴱⵏⵓ ⵡⴰⵙⵙⴰⵖ ⴳⴰⵔ ⵡⴰⴳⴳⴰⴳ (ⵎⵓⵜⴰⵇⵇⴰⴼ) ⴷ ⵓⵎⴰⴹⴰⵍ ⵏ ⵜⵉⴷⴻⵜ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⴽ ⴰⴷ ⴱⴻⴷⴷⵍⴻⵏ ⵜⵜⴰⵡⵉⵍⴰⵜ ⵏ ⵢⵉⵏⴰⵡ (ⵅⵉⵟⴰⴱ) ⴰⴷⴻⵍⵙⴰⵏ ».
ⴷⴻⴳ ⵜⵉⵏⴰⵡⵜ-ⵏⵏⴻⵙ ⴰⵢ ⴷ-ⵢⴻⵏⵏⴰ ⴷⴻⴳ ⵓⴱⴻⴷⴷⵓ ⵏ ⵓⵙⴰⵔⴰⴳ ⴰⴳⵔⴰⵖⵍⴰⵏ ⵏ « ⵓⵙⵙⵉⵏⴻⵡ (ⵜⴰⴵⴷⵉⴷ) ⵏ ⵓⴷⵉⵡⴻⵏⵏⵉ ⴰⴳⴳⴰⴳⴰⵏ ⵙⴷⴰⵜ ⵢⴻⵛⵇⵉⵔⵔⵡⴻⵏ ⴰⵢ ⵢⴻⵜⵜⵇⴰⴱⴰⵍ ⵓⵎⴰⴹⴰⵍ ⴰⵄⵕⴰⴱ » ⴰⵢ ⴷ-ⵉⴳⴰ ⵓⵙⴻⵇⵇⴰⵎⵓ ⴰⵎⴰⵚⵔⵉ ⵓⵏⵏⵉⴳ ⵏ ⵢⴻⴷⵍⴻⵙ, ⵉⵡⴻⴽⴽⴻⴷ-ⴷ ⵎⴰⵙⵙ ⵎⵉⵀⵧⵓⴱⵉ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ « ⵓⵙⵙⵉⵏⴻⵢ ⵏ ⵢⵉⵏⴰⵡ ⴰⴷⴻⵍⵙⴰⵏ ⴷⴻⴳ ⵜⵎⵓⵔⴰ ⵜⴰⵄⵕⴰⴱⵉⵏ ⵉ ⵓⵇⴰⴱⴻⵍ ⵏ ⵢⴻⵛⵇⵉⵔⵔⵡⴻⵏ ⵉⵎⵉⵔⴰⵏⴻⵏ », ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⵉⵖⵔⵉ ⵉ « ⵓⴱⴻⴷⴷⴻⵍ ⴰⵍⵇⴰⵢⴰⵏ ⴷⴻⴳ ⵜⴻⵎⵙⴰⵍⵜ ⵏ ⵜⵓⵜⵍⴰⵢⵜ ⴷ ⵜⵓⴽⵛⵉ ⵏ ⵡⵓⴳⴰⵔ ⵏ ⵡⴰⵣⴰⵍ ⵉ ⵜⴻⵎⵙⴰⵍ ⵏ ⵓⵙⵙⴻⴳⵎⵉ ».
ⴷⴻⴼⴼⵉⵔ ⵎⴰ ⵢⴻⵙⵎⴻⴽⵜⵉ-ⴷ ⵙ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⴰⵢ ⵜⴳⴰ ⵍⴷⵣⴰⵢⴻⵔ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵜⵔⴻⵎⵎⵉⵖⵜ (ⵉⵔⵀⴰⴱ) ⴷ ⵜⵉⴹⴹⵓⵔⴼⴰ, ⵢⴻⴱⴷⴻⵔ-ⴷ ⵎⴰⵙⵙ ⵎⵉⵀⵧⵓⴱⵉ ⴰⵎⴰⴳⵔⴰⴷ ⵏ ⵜⵎⴻⵏⴹⴰⵡⵜ ⵜⴰⴷⵣⴰⵢⵔⵉⵜ ⵜⴰⵎⴰⵢⵏⵓⵜ ⴰⵢ ⵢⴻⴼⴽⴰⵏ ⴰⵣⴰⵍ ⵉ « ⵜⵣⵉⵜⵍⵉⵡⵉⵏ ⵏ ⵜⴻⴷⵖⴻⵔⵜ ⵜⴰⴷⵣⴰⵢⵔⵉⵜ ⵉ ⵍⴻⴱⵏⵉ ⵏ ⵓⵡⴰⵏⴰⴽ ⴰⵖⴰⵔⵉⵎ ».
« ⴰⵣⵔⴻⴼ ⵏ ⵓⵖⴻⵔⵎⴰⵏ (ⵎⵓⵡⴰⵟⵉⵏ) ⵉ ⵢⴻⴷⵍⴻⵙ ⴷ ⵍⵡⴰⵊⴻⴱ ⵢⴻⴳⴳⵓⵏⵉⵏ ⴰⵡⴰⵏⴰⴽ (ⴷⴰⵡⵍⴰ) ⴰⴷⵣⴰⵢⵔⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⴰⵙⴰⵔⴰⴳ-ⴰ ⵏ 3 ⵏ ⵡⵓⵙⵙⴰⵏ ⵉⵙⵡⵉ-ⵏⵏⴻⵙ ⴷ « ⴰⵀⴻⵢⵢⵉ ⵏ ⵢⵉⵏⴰⵡ ⴰⴷⴻⵍⵙⴰⵏ ⴰⵎⴰⵢⵏⵓ ⴰⵢ ⵉⵣⴻⵎⵔⴻⵏ ⴰⴷ ⵉⵇⴰⴱⴻⵍ ⵉⵛⵇⵉⵔⵔⵡⴻⵏ ⴰⵢ ⴷ-ⵜⵜⵎⴰⴳⴰⵔⴻⵏⵜ ⵜⵎⵓⵔⴰ ⵜⴰⵄⵕⴰⴱⵉⵏ ».
130 ⵏ ⵢⴻⵎⵏⴰⴷⵉⵢⴻⵏ, ⴰⴳⴳⴰⴳⴻⵏ ⴷ ⵢⵉⵏⴻⵖⵎⴰⵙⴻⵏ ⴰⵄⵕⴰⴱⴻⵏ ⴷ ⵢⵉⵡⴻⵔⴷⴰⵏⵉⵢⴻⵏ ⴰⴷ ⵢⴻⵜⵜⴻⴽⴽⵉⵏ ⴷⴻⴳ ⵡⴻⵎⵢⴰⴳⴻⵔ-ⴰ ⵢⴻⵔⵏⵓ ⵢⴻⵍⵍⴰ ⴳⴰⵔ-ⴰⵙⴻⵏ ⵓⵎⴰⵔⵓ ⴰⴷⵣⴰⵢⵔⵉ ⵡⴰⵙⵙⵉⵏⵉ ⵍⴰⵔⴻⴷⵊ.
