Asebter amenzawi

Assemɣer n tzemmar n yemwekklen-imqeyymen ad d-yesqam ugar n yedrimen i uwanak (Louh)

LDZAYER TAMANEɣT– Yenna-d uneɣlaf n teɣdemt, Tayeb Louh, ass n letniyen deg Ldzayer Tamaneɣt, dakken asenfar n lqanun n ussuddes (tanḍim) n ṣṣenɛa n yemwekkel-imqeyyem yesban-d izerfan d tzemmar n yixeddamen-a yernu yenna-d dakken assemɣer n tzemmar-nsen akken ad d-ḥazent inurar niḍen d ayen ad d-yesqamen ugar n yedrimen i uwanak (dawla).

S waya, yenna-d Mass Louh, deg tririt-nnes i yimazanen (nuwwab) deg weskasi ɣef usenfar-a n lqanun, dakken llan yeḥricen niḍen, am tedwant, ay yesɛan tizemmar ad ssenzent ayla n uwanak s wurmi (muzayada), yernu yenna-d dakken « lemmer ad yettunefk ccɣel-a i yemwekklen-imqeyymen, ad d-yesqam waya idrimen d imeqranen i uwanak ».

Yenna-d uneɣlaf dakken anawar anagdud (muwaḍḍaf ɛumumi) neɣ adwani yetteg ccɣel-a deg ukatar n uxeddim-nnes n menwala, yernu maci akka ay yella lḥal d yemwekkel-imqeyyem, am wakken ay d-yerna dakken iḥezziben ay yessefra usenfar-a n lqanun d win yefkan tazmert i tedwant d yimeẓla (maṣaliḥ) niḍen ad ssutren lemɛawna n yemwekkel-imqeyyem.

Deg wayen yerzan assumer (iqtiraḥ) n uɛawed n tmuɣli deg wefraq n yemwekklen-imqeyymen deg temnaḍin yemgerraden n tmurt, yenna-d Mass Louh dakken ugur-a ur yerzi kan imwekklen-imqeyymen (ay ixeddmen akken ad ɛawnen aḥric n teɣdemt), wanag yerza daɣ ilusiyen d yizemmamen, am wakken ay d-yenna dakken ixeddamen-a xuṣṣen deg temnaḍin n wenẓul (ǧanub) imi ur llint temsizzlin i waya.

I lmend n waya, yenna-d uneɣlaf dakken yebda-d uxemmem i lmend n ussuddes n ṣṣenf-a n temsizzlin d unadi n tifratin i wugur n ussileɣ (takwin), am wakken ay d-yebder dakken yezmer lḥal ad d-ilin yemtawayen (ittifaqat) d tesdawiyin akken ad reẓment timezzugin timaynutin deg weḥric-a yernu ad d-ssilɣent ixeddamen deg yeḥricen-a deffir temsizzelt.