ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ : ⴰⵙⵙⵉⵍⴻⵖ ⵏ ⵢⵉⵙⴻⴳⵔⴰⵔⴻⵏ ⴰⴷ ⵢⵓⵔⴰⵔ ⴷⴷⵓⵕ ⴷ ⴰⵎⴻⵇⵔⴰⵏ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵜⴻⵊⵔⵉⵎⵜ
ⵙⵓⵇ ⴰⵀⵕⴰⵙ- ⵢⴻⵏⵏⴰ-ⴷ ⵓⵏⴻⵎⵀⴰⵍ ⵏ ⵢⵉⵖⴻⵔⴱⴰⵣⴻⵏ ⵏ ⵜⴻⵎⵙⵓⵍⵜⴰ (ⵛⵓⵔⵟⴰ) ⴷ ⵓⵙⵙⵉⵍⴻⵖ, ⴳⵀⴰⵍⵉ ⵍⴰⵣⵔⴻⴳ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵙⵓⵇ ⴰⵀⵕⴰⵙ, ⴷⴰⴽⴽⴻⵏ ⴰⵙⵙⵉⵍⴻⵖ ⵏ ⵢⵉⵙⴻⴳⵔⴰⵔⴻⵏ (ⵎⵓ’ⴰⵟⵟⵉⵔⵉⵏ) ⴰⴷ ⵢⵓⵔⴰⵔ ⴷⴷⵓⵕ ⴷ ⴰⴳⴻⵊⴷⴰⵏ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵜⴻⵊⵔⵉⵎⵜ.
ⴷⴻⴳ ⵢⵉⵊⵉⴼⴻⵕ ⵏ ⵜⴼⵓⴳⵍⴰ (ⵃⴰⴼⵍ) ⵏ ⵜⵓⴼⴼⵖⴰ ⵏ ⴷⴷⴻⴼⵄⴰ ⵜⵉⵙ 8 ⵏ ⵢⴻⵎⴻⴳⴳⵉⵢⴻⵏ ⵏ ⵜⴻⵎⵙⵓⵍⵜⴰ ⵏ ⵓⵖⴻⵔⴱⴰⵣ ⵏ ⵙⴻⴷⵕⴰⵜⴰ (ⵙⵓⵇ ⴰⵀⵕⴰⵙ), ⵢⴻⵏⵏⴰ-ⴷ ⵓⴼⴻⵙⵢⴰⵏ-ⴰ ⴷⴰⴽⴽⴻⵏ ⴰⵙⵙⵉⵍⴻⵖ ⴷ « ⵢⵉⵡⴻⵜ ⵙⴻⴳ ⵜⵓⵣⵡⵉⵔⵉⵏ ⵏ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⴰⵢ ⵍⴰ ⵉⵅⴻⴷⴷⵎⴻⵏ ⵖⴻⴼ ⵓⵄⴰⵡⴻⴷ ⵏ ⵓⵙⵙⴻⵣⴳⵉ ⵏ ⵜⴰⵔⵔⴰⵢⵉⵏ ⴷ ⵡⴰⵀⵉⵍⴻⵏ ⵏ ⵓⵙⵙⵉⵍⴻⵖ ⴰⴽⴽⴻⵏ ⴰⴷ ⵡⴰⵜⵉⵏ ⵉⴱⴻⴷⴷⵉⵍⴻⵏ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⴷⴻⴳ ⵢⵉⵏⵓⵔⴰⵔ ⵢⴻⵎⴳⴻⵔⵔⴰⴷⴻⵏ ⵏ ⵜⵖⴻⵍⵍⵉⵙⵜ (ⴰⵎⵏ) ».
ⵜⴰⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⵍⴰ ⵜⴻⵙⵙⴻⵇⴷⴰⵛ, ⵖⴻⴼ ⵍⴻⵃⵙⴰⴱ-ⵏⵏⴻⵙ, ⵜⵉⵙⵏⴰⵜⵡⵉⵍⵉⵏ (ⵜⵉⴽⵏⵓⵍⵓⴵⵉⵢⵢⴰⵜ) ⵜⵉⵎⴰⵢⵏⵓⵜⵉⵏ ⴷⴻⴳ ⵓⵙⵙⵉⵍⴻⵖ (ⵜⴰⴽⵡⵉⵏ) ⵙ ⵜⵜⴰⵡⵉⵍⴰⵜ ⵉⵙⵏⴰⵍⵎⵓⴷⴰⵏⴻⵏ ⴰⵢ ⵉⵣⴻⵎⵔⴻⵏ ⴰⴷ ⴹⴻⵎⵏⴻⵏ ⴰⵙⵙⵉⵍⴻⵖ ⵉⴳⴻⵔⵔⵣⴻⵏ ⵉ ⵍⴼⴰⵢⴷⴰ ⵏ ⵢⴻⵎⵙⵓⵍⵜⴰ.
ⵢⴻⵙⵎⴻⴽⵜⵉ-ⴷ ⵓⵎⴰⵙⴰⵢ-ⴰ (ⵎⴰⵙ’ⵓⵍ) ⴷⴷⵓⵕ ⴰⵢ ⵍⴰ ⵢⴻⵜⵜⵓⵔⴰⵔ ⵡⴰⵎⵎⴰⵙ ⵏ ⵓⵙⵙⵉⵍⴻⵖ ⵏ ⵢⴻⵎⵙⵉⵍⵖⴻⵏ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵉ ⵍⵎⴻⵏⴷ ⵏ ⵡⴰⵢⴰ, ⵜⵜⵡⴰⵙⵜⴻⵏⵢⴰⵏ ⵢⴻⵎⵜⴰⵡⴰⵢⴻⵏ (ⵉⵜⵜⵉⴼⴰⵇⴰⵜ) ⴷ ⵜⴻⵙⴷⴰⵡⵉⵢⵉⵏ ⴷ ⵢⵉⵙⵓⴷⴰ ⵉⵖⴻⵍⵏⴰⵡⴻⵏ, ⴷ ⵜⴻⵙⴷⴰⵡⵉⵢⵉⵏ ⵜⵉⵡⴻⵔⴷⴰⵏⵉⵢⵉⵏ, ⵉ ⵍⵎⴻⵏⴷ ⵏ ⵓⵙⵙⴻⵍⵀⵓ ⵏ ⵜⵖⴰⵔⴰ ⵏ ⵓⵙⵙⵉⵍⴻⵖ.
ⴷⵖⴰ, ⴷⴻⴳ ⵜⴻⵎⵙⴰⵍⵜ-ⴰ, ⵢⴻⵏⵏⴰ-ⴷ ⴷⴰⴽⴽⴻⵏ ⵢⴰⵍ ⴰⵙⴻⴳⴳⴰⵙ ⵜⴻⵜⵜⴻⴼⴼⴻⵖ-ⴷ ⴷⴷⴻⴼⵄⴰ ⵏ ⵢⴻⵎⵙⵉⵍⵖⴻⵏ (ⵎⵓⴽⴰⵡⵡⵉⵏⵉⵏ) ⵙⴻⴳ ⵓⵖⴻⵔⴱⴰⵣ ⵏ ⵛⴻⵔⵛⴰⵍ, ⴰⵎ ⵡⴰⴽⴽⴻⵏ ⴰⵢ ⵍⴰ ⴷ-ⵜⵜⵉⵍⵉⵏⵜ ⴰⵟⴰⵙ ⵏ ⵜⴰⵏⵏⴰⵏⵉⵏ (ⵜⴰⵔⴰⴱⴱⵓⵚⴰⵜ) ⴷⴻⴳ ⵓⵙⵓⴷⵓ ⴰⵖⴻⵍⵏⴰⵡ ⵏ ⵜⴻⵎⵙⵓⵍⵜⴰ ⵜⴰⵊⵔⵉⵎⴰⵏⵜ ⵏ ⵙⵙⵃⴰⵡⵍⴰ (ⴷⴻⴳ ⵜⵡⵉⵍⴰⵢⵜ ⵏ ⵍⴷⵣⴰⵢⴻⵔ).
