Asebter amenzawi
Teckeṛ-d Lezzzayer annerni n wemɛawen gar-as d UNICEF
LEZZAYER TAMANEɣT– Teckeṛ-d Lezzayer annefli (numuw) yettkemmilen n wassaɣen-nnes n wemɛawen d Usenduq n Yeɣlanen Yeddukklen i Tgerda (UNICEF) deg yiwen n wemyager ay d-yellan gar uneɣlaf n yilemẓiyen d waddal, El Hadi Ould Ali, d ugensas (mumattil) n UNICEF deg Lezzayer, Marc Lucet, ɣef wakken ay d-yenna yiwen n welɣu n weɣlif ass n letniyen.
« Yeckeṛ-d uneɣlaf annefli yettkemmilen n wassaɣen n wemɛawen gar snat-a n tsuda (mu’assasat), d amɛawen ay d-yettilin s temhal (ɛamaliyyat) yemgerraden ay yebdan yagi, am uheyyi n tgertal n teɣbula i lfayda n yinubiyen d yilemẓiyen deg Lezzayer ɣef leḥsab n yeḥricen, d ussileɣ n yemsilɣen d yemsifessen deg wezref n uttekki n yilemẓiyen », ɣef wakken ay d-yenna welɣu-a.
Ssawlen daɣ sin-a n yidisan ɣef « tegnatin niḍen ay izemren ad ttwafaṛsent i unewweɛ n lecɣal yerzan, ladɣa, inubiyen d uferru n yiɣeblan-nsen d yimenɣi mgal tiddit ay izemren ad tessiweḍ inubiyen ɣer uxeṣṣar ».
Iɛawed daɣ iwekked-d Mass Ould Ali « awjad ummid n weɣlif-nnes akken ad yessebges isegraren-nnes (mu’aṭṭirin), imukan yellan ddaw leɛnaya-nnes d tiddukliwin n yilemẓiyen i lmend n ussefɛel n wahil ay d-yettwaḥudden ».
