ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴻⵛⴽⴻⵕ-ⴷ ⵍⴻⵣⵣⵣⴰⵢⴻⵔ ⴰⵏⵏⴻⵔⵏⵉ ⵏ ⵡⴻⵎⵄⴰⵡⴻⵏ ⴳⴰⵔ-ⴰⵙ ⴷ ⵓⵏⵉⵛⴻⴼ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵜⴻⵛⴽⴻⵕ-ⴷ ⵍⴻⵣⵣⴰⵢⴻⵔ ⴰⵏⵏⴻⴼⵍⵉ (ⵏⵓⵎⵓⵡ) ⵢⴻⵜⵜⴽⴻⵎⵎⵉⵍⴻⵏ ⵏ ⵡⴰⵙⵙⴰⵖⴻⵏ-ⵏⵏⴻⵙ ⵏ ⵡⴻⵎⵄⴰⵡⴻⵏ ⴷ ⵓⵙⴻⵏⴷⵓⵇ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵜⴳⴻⵔⴷⴰ (ⵓⵏⵉⵛⴻⴼ) ⴷⴻⴳ ⵢⵉⵡⴻⵏ ⵏ ⵡⴻⵎⵢⴰⴳⴻⵔ ⴰⵢ ⴷ-ⵢⴻⵍⵍⴰⵏ ⴳⴰⵔ ⵓⵏⴻⵖⵍⴰⴼ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ, ⴻⵍ ⵀⴰⴷⵉ ⵧⵓⵍⴷ ⴰⵍⵉ, ⴷ ⵓⴳⴻⵏⵙⴰⵙ (ⵎⵓⵎⴰⵜⵜⵉⵍ) ⵏ ⵓⵏⵉⵛⴻⴼ ⴷⴻⴳ ⵍⴻⵣⵣⴰⵢⴻⵔ, ⵎⴰⵔⵛ ⵍⵓⵛⴻⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵡⴻⵍⵖⵓ ⵏ ⵡⴻⵖⵍⵉⴼ ⴰⵙⵙ ⵏ ⵍⴻⵜⵏⵉⵢⴻⵏ.
« ⵢⴻⵛⴽⴻⵕ-ⴷ ⵓⵏⴻⵖⵍⴰⴼ ⴰⵏⵏⴻⴼⵍⵉ ⵢⴻⵜⵜⴽⴻⵎⵎⵉⵍⴻⵏ ⵏ ⵡⴰⵙⵙⴰⵖⴻⵏ ⵏ ⵡⴻⵎⵄⴰⵡⴻⵏ ⴳⴰⵔ ⵙⵏⴰⵜ-ⴰ ⵏ ⵜⵙⵓⴷⴰ (ⵎⵓ’ⴰⵙⵙⴰⵙⴰⵜ), ⴷ ⴰⵎⵄⴰⵡⴻⵏ ⴰⵢ ⴷ-ⵢⴻⵜⵜⵉⵍⵉⵏ ⵙ ⵜⴻⵎⵀⴰⵍ (ⵄⴰⵎⴰⵍⵉⵢⵢⴰⵜ) ⵢⴻⵎⴳⴻⵔⵔⴰⴷⴻⵏ ⴰⵢ ⵢⴻⴱⴷⴰⵏ ⵢⴰⴳⵉ, ⴰⵎ ⵓⵀⴻⵢⵢⵉ ⵏ ⵜⴳⴻⵔⵜⴰⵍ ⵏ ⵜⴻⵖⴱⵓⵍⴰ ⵉ ⵍⴼⴰⵢⴷⴰ ⵏ ⵢⵉⵏⵓⴱⵉⵢⴻⵏ ⴷ ⵢⵉⵍⴻⵎⵥⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵖⴻⴼ ⵍⴻⵃⵙⴰⴱ ⵏ ⵢⴻⵃⵔⵉⵛⴻⵏ, ⴷ ⵓⵙⵙⵉⵍⴻⵖ ⵏ ⵢⴻⵎⵙⵉⵍⵖⴻⵏ ⴷ ⵢⴻⵎⵙⵉⴼⴻⵙⵙⴻⵏ ⴷⴻⴳ ⵡⴻⵣⵔⴻⴼ ⵏ ⵓⵜⵜⴻⴽⴽⵉ ⵏ ⵢⵉⵍⴻⵎⵥⵉⵢⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ-ⴰ.
ⵙⵙⴰⵡⵍⴻⵏ ⴷⴰⵖ ⵙⵉⵏ-ⴰ ⵏ ⵢⵉⴷⵉⵙⴰⵏ ⵖⴻⴼ « ⵜⴻⴳⵏⴰⵜⵉⵏ ⵏⵉⴹⴻⵏ ⴰⵢ ⵉⵣⴻⵎⵔⴻⵏ ⴰⴷ ⵜⵜⵡⴰⴼⴰⵕⵙⴻⵏⵜ ⵉ ⵓⵏⴻⵡⵡⴻⵄ ⵏ ⵍⴻⵛⵖⴰⵍ ⵢⴻⵔⵣⴰⵏ, ⵍⴰⴷⵖⴰ, ⵉⵏⵓⴱⵉⵢⴻⵏ ⴷ ⵓⴼⴻⵔⵔⵓ ⵏ ⵢⵉⵖⴻⴱⵍⴰⵏ-ⵏⵙⴻⵏ ⴷ ⵢⵉⵎⴻⵏⵖⵉ ⵎⴳⴰⵍ ⵜⵉⴷⴷⵉⵜ ⴰⵢ ⵉⵣⴻⵎⵔⴻⵏ ⴰⴷ ⵜⴻⵙⵙⵉⵡⴻⴹ ⵉⵏⵓⴱⵉⵢⴻⵏ ⵖⴻⵔ ⵓⵅⴻⵚⵚⴰⵔ ».
ⵉⵄⴰⵡⴻⴷ ⴷⴰⵖ ⵉⵡⴻⴽⴽⴻⴷ-ⴷ ⵎⴰⵙⵙ ⵧⵓⵍⴷ ⴰⵍⵉ « ⴰⵡⵊⴰⴷ ⵓⵎⵎⵉⴷ ⵏ ⵡⴻⵖⵍⵉⴼ-ⵏⵏⴻⵙ ⴰⴽⴽⴻⵏ ⴰⴷ ⵢⴻⵙⵙⴻⴱⴳⴻⵙ ⵉⵙⴻⴳⵔⴰⵔⴻⵏ-ⵏⵏⴻⵙ (ⵎⵓ’ⴰⵟⵟⵉⵔⵉⵏ), ⵉⵎⵓⴽⴰⵏ ⵢⴻⵍⵍⴰⵏ ⴷⴷⴰⵡ ⵍⴻⵄⵏⴰⵢⴰ-ⵏⵏⴻⵙ ⴷ ⵜⵉⴷⴷⵓⴽⵍⵉⵡⵉⵏ ⵏ ⵢⵉⵍⴻⵎⵥⵉⵢⴻⵏ ⵉ ⵍⵎⴻⵏⴷ ⵏ ⵓⵙⵙⴻⴼⵄⴻⵍ ⵏ ⵡⴰⵀⵉⵍ ⴰⵢ ⴷ-ⵢⴻⵜⵜⵡⴰⵃⵓⴷⴷⴻⵏ ».
