Asebter amenzawi

ɣilizan: amtawa n ticcurka gar texxamin n tnezzut d temguri, n tkerrazt d tenḍi

ɣILIZAN– Yettwastenya wemtawa (ittifaq) n ticcurka, ass n letniyen deg ɣilizan, gar texxamin n tnezzut d temguri (ṣinaɛa), n tkerrazt, n tenḍi d texxamt tucrikt tagerwilayt n ṣṣyada d tkessawt n yiselman i usselhu n tɣellat deg yeḥricen-a idamsanen.

Amtawa-a n sin n yiseggasen ad yettwaɛawad yernu stenyan-t yinemhalen n 4-a n texxamin n twilayt n ɣilizan deg yijifeṛ n yiwen n wass n wesḥulfu ɣef tnezzut (tiǧara).

Amtawa-a n wemɛawen, n ussemyuddes (tansiq) d wemciweṛ gar 4-a n texxamin d ayen ad tent-yeǧǧen ad ttembaddalent tilɣa (maɛlumat) d ttejṛibat, ad ssuddusent tidwilin n ussileɣ i lfayda n yixeddamen deg yeḥricen-a d tedyanin tucrikin, ɣef wakken ay aɣ-d-yenna unemhal n texxamt n tnezzut d temguri n twilayt n ɣilizan, Abdelkader Samer.

Iswi n wemtawa-a, daɣ, d assifses n uɣellet n tḥuna d ttawilat n uxeddim deg yeḥricen-a i lmend n ufares (intaǧ), assenzi, imeẓla (xadamat), afraq d wayen niḍen yeqqnen ɣer waya, ɣef wakken ay d-yenna.

Fuṛsen wid yettekkan deg wemyager-a akken ad d-sfehmen dduṛ n teftart (watiqa) n wemsewwaq amsenzi ad yuɣalen ad yettwasseqdac deg wemkan n tfatuṛt deg yeḥricen n tkerrazt, ṣṣyada n yiselman d tenḍi (ṣinaɛa taqlidiyya). Lkaɣeḍ-a ur yettɛeḍḍil ad yuɣal ad yettwasseqdac s wudem unṣib.

Ass-a n wesḥulfu, ay d-tessuddes texxamt n tnezzut d temguri n « Mina » n ɣilizan, ttekkan deg-s yikataren (iṭarat) d yemsaduren seg yeḥricen n tkerrazt, n temguri, n tnezzut, n ṣṣyada n yiselman, n tewsi (ḍara’ib) d ttawilat n wedhal n ussemres.