Asebter amenzawi

2 n temliliyin tumdilin i Lmuludeyya n Ldzayer d 1 i ES Sḍif

LDZAYER TAMANEɣT – Tenna-d Temɣunt (rabiṭa) n Tcirḍart Tasadurant, deg udeg-nnes unṣib, dakken Lmuludeyya n Ldzayer ad turar snat n temliliyin tumdilin deg usarir-nnes (malɛab) deg tsemhuyt n 2016-2017 (war ma ḥedṛen yemfeṛṛǧen-nnes).

Yella-d uɛaqeb-a ɣef ljal n « ccwal inekren deg tṣeddarin ay yessawḍen ɣer weḥbas n temlilit, asseqdec n yisufa n wawwu d weṛjam yes-sen d weẓdam ɣef wenrar deffir ma tfuk temlilit ». Yella-d waya deg temlilit gar Lmuludeyya n Ldzayer d ES Sḍif (2 ɣer 2) deg usarir n Buluɣin ay uraren ass n ljemɛa deg ukatar n wass wis 30 n telɣuɣa n Ldzayer.

Ma d ES Sḍif tettwaɛaqeb s yiwet n temlilit tumdilt ɣef ljal n « weṛjam s yisufa n wawwu ɣer wenrar ».

Nnig waya, ttwaɛaqbent daɣ snat-a n teɣlamin s lexḍeyya n 200.000 n yidinaṛen i yiwet.

Deg wayen yerzan imariren ay d-yettwassumlen deg tgara n temlilit, Fawzi Chaouchi (Lmuludeyya) d Abderraouf Belhani (ES Sḍif), yebda-d weḥtac fell-asen, ɣef wakken ay d-tenna Temɣunt.

Tasmilt n tugrint (laǧnat at-ta’dib), ay yemlalen ass n letniyen, teḥbes amarir Naamane Adel (ASM Wehṛan) seg wurar deg snat n temliliyin, ma d Fawzi Rahal (Ilemẓiyen Inaddalen n Leqbayel), Hamar Ziri (JS Ṣṣawra) d Abderrahmane Hachoud (Lmuludeyya n Ldzayer) ttwaɛaqben s weḥbas n wurar deg yiwet kan n temlilit.