Asebter amenzawi

Askasi deg Ɛennaba ɣef wekcaf azikan d webdad i tmuḍinin n ukensir n yedmaren

ƐENNABA– Ass n ussileɣ (takwin) ay d-yellan ass n letniyen deg Wammas n Udawi n Ukensir n Ɛennaba, gan-t i weskasi ɣef wekcaf azikan d webdad asnafsi (nafsani) i tmuḍinin yuḍnen akensir n yedmaren.

Amyager-a aydeg ḥedṛen yimuḍinen d wayt twaculin-nsen, d win aydeg ttekkan yimazzagen (muxtaṣṣin) deg udawi n ukensir d yimesnafsiyen, yernu ḥetteten-d deg-s akken ad ttḥezziben medden yernu ad ssnen azal n wekcaf azikan n ukensir d dduṛ n waya deg udawi n waḍḍan-a, ɣef wakken ay d-tenna Tdukturt Hanane Djeddi, tiɣeft n umeẓlu n udawi n ukensir deg Ɛennaba.

Iswi niḍen n ttiɛad-a ussnan, ɣef leḥsab-nnes, d asḥulfu n yimuḍinen d twaculin-nsen ɣef wazal ay yesɛa udawi n tnefsit n tmuḍinin yesɛan akensir n yedmaren, ladɣa tisednan umi bbin ifef.

Deg tnemsal (waracat) n wembaddel gar yemsujjiyen d yimuḍinen, ssawlen-d aṭas yimuḍinen ɣef temsalt n wekcaf azikan, titwilin (tiqniyyat) n udawi d tudert deffir tukksa n yifef.

Ammas n Udawi n Ukensir n Ɛennaba ttdawin deg-s 2.500 n yimuḍinen, 40% deg-sen d timuḍinin yesɛan akensir n yedmaren.