Asebter amenzawi

Tamettant n uselway aṣeḥṛawi : Aseqqamu n yineɣlafen iga yiwet n Timikt n Tsusmi

LEZZAYER TAMANEɣT- Aselway n tagduda, Abdelaziz Bouteflika, yeṛzem Aseqqamu n yineɣlafen i yesselwi ass n Tlata deg Lezzayer tmaneɣt, s tigin n yiwet n Timikt (tadqiqt) n tsusmi, akked d tɣuri n Lfatiḥa, i lmend n tmettant n uselway aṣeḥrawi, Amaray amatu n Tirni n Polisario, Mohamed Abdelaziz.

« S deffir tmettant n uselway Mohamed Abdelaziz, Amaray amatu n Tirni n Polisario, Aselway n Tegduda Taɛrabt Taṣeḥrawit Tamagdayt, Mass Abdelaziz Bouteflika, Aselway n Tagduda ; yeṛzem tiɣimit n useqqamu n yineɣlafen i yesselwi ass-a, s tigin n timikt n tsusmi d tɣuri n Lfatiḥa, ɣef yiman n umerḥum », ɣef wakken d-yenna yiwen n wulɣu seg Tselwit n Tagduda.

« Aselway n tagduda yumeṛ-d daɣ s tilin n wakud n Leḥzen aɣelnaw n 8 wussan deg yakk timnaḍin n tmurt , ilmend n usmekti s umalway (leader) aṣeḥrawi », ɣef leḥsab n teɣbalut-a.

Aɣella n uwanak yuzen daɣ yiwen n yizen n uɛezzi i uselway n umni (lbaṛlaman) aṣeḥrawi, ara yeṭṭfen imedzi (intérim) n tselwit, ɣef akken d-iwekked wulɣu-ayi.