ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⴳⵔⴰⵡⵜ ⵜⴰⵎⵓⵇⵔⴰⵏⵜ ⵉ ⵜⵄⴻⵙⵙⴰⵙⵜ ⵏ ⵜⴻⴼⵔⴰⵏⵉⵏ: ⴰⵙⴻⵏⴷ ⵓⵙⴻⵏⴼⴰⵔ ⵓⵙⴰⴹⵓⴼ ⴰⵎⴻⵙⴷⵓⵙⴰⵏ ⵢⴻⵜⵜⵡⴰⵇⵇⴱⴻⵍ ⵙⴻⴳ ⵓⵙⴻⵇⵇⴰⵎⵓ ⵉⵏⴻⵖⵍⴰⴼⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵙⴻⵏⴷ ⴰⵙⴻⵏⴼⴰⵔ ⵏ ⵓⵙⴰⴹⵓⴼ ⴰⵎⴻⵙⴷⵓⵙⴰⵏ ⵢⴻⵔⵣⴰⵏ ⵜⴰⴳⵔⴰⵡⵜ ⵜⴰⵎⵓⵇⵇⵔⴰⵏⵜ ⵢⴻⵎⵎⵓⵏⴻⵏ ⵏ ⵜⵄⴻⵙⵙⴰⵙⵜ ⵏ ⵜⴻⴼⵔⴰⵏⵉⵏ ⵢⴻⵜⵜⵡⴰⵇⵇⴱⴻⵍ ⴰⵙⵙ ⵏ ⵜⵜⵍⴰⵜⴰ ⵙⵖⵓⵕ ⴰⵙⴻⵇⵇⴰⵎⵓ ⵉⵏⴻⵖⵍⴰⴼⴻⵏ, ⵢⴻⵙⵙⴻⵍⵡⵉ ⵎⴰⵙ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ.

ⵜⴻⴷⴷⴰ-ⴷ ⴷⴻⴳ ⵓⵎⴰⴳⵔⴰⴷ 194 ⵏ ⵜⵎⴻⵏⴷⴰⵡⵜ ⵢⴻⵜⵜⵓⵄⴰⵡⴷⴻⵏ ⴷⵉ ⴼⵓⵕⴰⵕ ⵢⴻⵣⵔⵉⵏ, ⵜⴰⴳⵔⴰⵡⵜ-ⴰⴳⵉ "ⴰⴷ ⵉⵍⵉⵏ ⴷⴻⴳ-ⵙ 410 ⵉⵎⴻⵙⵍⴰⴹ", ⵉⴷ-ⵉⵡⴻⴽⴽⴻⴷ ⵡⵓⵍⵖⵓ ⵏ ⵜⴰⴳⴳⴰⵔⴰ ⵏ ⵍⴻⵛⵖⴰⵍ ⵓⵙⴻⵇⵇⴰⵎⵓ ⵉⵏⴻⵖⵍⴰⴼⴻⵏ.

ⴰⵣⴳⴻⵏ ⵙⴻⴳ ⵢⵉⵄⴻⴳⴳⴰⵍⴻⵏ-ⴰⴳⵉ "ⴰⴷ ⵉⵍⵉⵏ ⴷ ⵉⵏⴻⵣⵣⵓⵔⴼⴰ ⴷ-ⵢⴻⵜⵜⵓⵇⴻⴷⴷⵎⴻⵏ ⵙⵖⵓⵔ ⴰⵙⴻⵇⵇⴰⵎⵓ ⵓⵏⵏⵉⴳ ⵏ ⵜⴻⵏⵣⵓⵔⴼⴰ ⴰⵣⴳⴻⵏ-ⵏⵏⵉⴹⴻⵏ ⴷ ⵉⵎⵎⵓⵏⴻⵏ ⵢⵓⴼⵔⴰⵔⴻⵏ ⴷⴻⴳ ⵡⴻⴳⵏⵉ ⴰⵏⵎⴻⵜⵜⴰⵏ, ⴷ ⵉⴳⴻⵏⵙⴰⵙⴻⵏ ⴰⴽⴽ ⵏ ⵜⵡⵉⵍⴰⵢⵉⵏ ⴰⴽⴽ ⴷ ⵢⵉⵏⵉⴳ, ⴰⴽⴽ ⴷ ⵢⴰⴽⴽ ⵉⵄⴻⴳⴳⴰⵍⴻⵏ ⵏ ⵜⵎⴻⵜⵜⵉ ⵜⴰⵖⴻⵔⵎⴰⵏⵜ",ⵉⴷ-ⵜⵡⴻⴽⴽⴻⴷ ⵜⴻⵖⴱⴰⵍⵓⵜ-ⴰⴳⵉ.

ⵉ ⵡⴻⵙⵎⴻⴽⵜⵉ, ⴰⵎⴰⴳⵔⴰⴷ 194 ⵏ ⵜⵎⴻⵏⴷⴰⵡⵜ ⵢⴻⵜⵜⵡⴰⵍⵍⵙⴻⵏ ⵢⴻⵇⵇⴰⵕ-ⴷ ⴱⴻⵍⵍⵉ ⵜⴰⴳⵔⴰⵡⵜ ⵜⴰⵎⵓⵇⵇⵕⴰⵏⵜ-ⴰⴳⵉ ⴷⴻⴳ-ⵙ ⴰⵏⴻⵛⵜ-ⴰⵏⴻⵛⵜ : ⵉⵏⴻⵣⵣⵓⵔⴼⴰ ⴷ-ⵢⴻⵜⵜⵓⵇⴻⴷⴷⵎⴻⵏ ⵙⵖⵓⵔ ⴰⵙⴻⵇⵇⴰⵎⵓ ⵓⵏⵏⵉⴳ ⵏ ⵜⵏⴻⵣⵣⵓⵔⴼⴰ, ⴰⴷ ⵜⴻⵏ-ⵉⵙⴻⵎⵎⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴽⴽ ⴷ ⵡⵉⴷ ⴷ-ⵢⵓⴼⵔⴰⵔⴻⵏ ⴷⴻⴳ ⵡⴻⴳⵏⵉ ⴰⵏⵎⴻⵜⵜⴰⵏ ⴰⵔⴰ ⵢⴻⵜⵜⵡⴰⴼⴻⵔⵏⴻⵏ ⴳⴻⵔ ⵉⵄⴻⴳⴳⴰⵍⴻⵏ ⵏ ⵜⵎⴻⵜⵜⵉ ⵜⴰⵖⴻⵔⵎⴰⵏⵜ, ⴰⵔⴰ ⵉⵙⴻⵎⵎⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ.

ⵎⴰ ⵢⴻⵍⵍⴰ ⴷ ⴰⵙⴻⵍⵡⴰⵢ ⵏ ⵜⴻⴳⵔⴰⵡⵜ ⵜⴰⵎⵓⵇⵇⵔⴰⵏⵜ-ⴰⴳⵉ, ⴰⴷ ⵢⴻⵜⵜⵡⴻⵅⵜⴰⵔ ⴰⵍⵎⴻⵏⴷ ⵓⵛⵉⵡⴻⵕ ⴰⴽⴽ ⴷ ⵢⵉⴽⴰⴱⴰⵔⴻⵏ ⵏ ⵜⵙⴻⵔⵜⵉⵜ".