Asebter amenzawi

Tagrawt tamuqrant i tɛessast n tefranin: Asend usenfar usaḍuf amesdusan yettwaqqbel seg useqqamu ineɣlafen

LEZZAYER TAMANeɣT – Asend asenfar n usaḍuf amesdusan yerzan tagrawt tamuqqrant yemmunen n tɛessast n tefranin yettwaqqbel ass n ttlata sɣuṛ aseqqamu ineɣlafen, yesselwi Mas Abdelaziz Bouteflika, aselway n Tegduda.

Tedda-d deg umagrad 194 n tmendawt yettuɛawden di fuṛaṛ yezrin, tagrawt-agi "ad ilin deg-s 410 imeslaḍ", id-iwekked wulɣu n taggara n lecɣal useqqamu ineɣlafen.

Azgen seg yiɛeggalen-agi "ad ilin d inezzurfa d-yettuqeddmen sɣur aseqqamu unnig n tenzurfa azgen-nniḍen d immunen yufraren deg wegni anmettan, d igensasen akk n twilayin akk d yinig, akk d yakk iɛeggalen n tmetti taɣermant",id-twekked teɣbalut-agi.

I wesmekti, amagrad 194 n tmendawt yettwallsen yeqqaṛ-d belli tagrawt tamuqqṛant-agi deg-s anect-anect : inezzurfa d-yettuqeddmen sɣur aseqqamu unnig n tnezzurfa, ad ten-isemmi uselway n Tegduda, akk d wid d-yufraren deg wegni anmettan ara yettwafernen ger iɛeggalen n tmetti taɣermant, ara isemmi uselway n Tegduda.

Ma yella d aselway n tegrawt tamuqqrant-agi, ad yettwextar almend uciweṛ akk d yikabaren n tsertit".