ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵜⵜⴻⴽⴽⵉ ⵏ ⵡⴻⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ ⴷⴻⴳ ⵓⵙⴰⵔⴰⴳ ⵡⵉⵙ 3 ⵏ ⵢⵉⵡⴰⵎⵏⵉⵢⴻⵏ ⴰⵄⵕⴰⴱⴻⵏ ⵖⴻⴼ ⵢⵉⴳⴻⵔⴷⴰⵏ

ⵍⴷⵣⴰⵢⴻⵔ ⵜⴰⵎⴰⵏⴻⵖⵜ– ⴰⴷ ⵢⴻⵜⵜⴻⴽⴽⵉ ⵡⴻⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ ⴷⴻⴳ ⵓⵙⴰⵔⴰⴳ ⵡⵉⵙ 3 ⵏ ⵢⵉⵡⴰⵎⵏⵉⵢⴻⵏ (ⴱⴰⵔⵍⴰⵎⴰⵏⵉⵢⵢⵉⵏ) ⴰⵄⵕⴰⴱⴻⵏ ⵖⴻⴼ ⵜⴻⵎⵙⴰⵍ ⵢⴻⵇⵇⵏⴻⵏ ⵖⴻⵔ ⵢⵉⴳⴻⵔⴷⴰⵏ, ⴷ ⴰⵙⴰⵔⴰⴳ ⴰⴷ ⴷ-ⵢⵉⵍⵉⵏ ⵙⴻⴳ ⵡⴰⵙⵙ ⵏ ⵜⵜⵍⴰⵜⴰ ⴷ ⴰⵙⴰⵡⴻⵏ ⴷⴻⴳ ⵍⵇⴰⵀⵉⵔⴰ (ⵎⴰⵚⴻⵔ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ ⵏ ⵡⴻⴳⵔⴰⵡ.

ⴷ ⴰⵏⵎⴰⵣⵓⵍ (ⵏⴰ’ⵉⴱ) ⵏ ⵓⵙⴻⵍⵡⴰⵢ ⵏ ⵡⴻⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ, ⵙⴰⵉⴷ ⵍⴰⴽⵀⴷⴰⵔⵉ, ⴰⴷ ⵢⴻⵜⵜⴻⴽⴽⵉⵏ ⵙ ⵢⵉⵙⴻⵎ ⵏ ⵡⴻⵎⵏⵉ (ⴱⴰⵔⵍⴰⵎⴰⵏ) ⴰⴷⵣⴰⵢⵔⵉ ⴷⴻⴳ ⵓⵙⴰⵔⴰⴳ-ⴰ ⵢⴻⵍⵍⴰⵏ ⴷⴷⴰⵡ ⵍⴻⵄⵏⴰⵢⴰ ⵏ ⵜⴻⵎⵖⵓⵏⵜ ⵜⴰⵄⵕⴰⴱⵜ ⵙ ⵡⴻⵎⵄⴰⵡⴻⵏ ⴷ ⵡⴻⵎⵏⵉ ⴰⵄⵕⴰⴱ ⴷ ⵓⵙⴻⵇⵇⴰⵎⵓ ⴰⵖⴻⵍⵏⴰⵡ ⴰⵄⵕⴰⵏ ⵏ ⵜⴳⴻⵔⴷⴰ ⴷ ⵓⵙⴻⵇⵇⴰⵎⵓ ⵏ ⵡⴻⴳⵔⵓⴷ ⴷ ⵜⵢⴻⵎⵎⴰⵜ ⵏ ⵜⴻⴳⴷⵓⴷⴰ ⵏ ⵎⴰⵚⴻⵔ ⵢⴻⵍⵍⴰⵏ ⴷ ⵜⴰⵙⴻⵍⵡⴰⵢⵜ ⵏ ⵜⴻⴷⵡⵉⵍⵜ ⵜⵉⵙ 21 ⵏ ⵜⴻⵙⵎⵉⵍⵜ ⵏ ⵜⴳⴻⵔⴷⴰ ⵜⴰⵄⵕⴰⴱⵜ.

ⴰⴷ ⴷ-ⵢⵉⵍⵉ ⵓⵙⴰⵔⴰⴳ-ⴰ ⴷⴻⴳ ⵓⴽⴰⵜⴰⵔ ⵏ ⵓⵙⵙⴻⴼⵄⴻⵍ ⵏ ⵕⵕⴰⵢ ⴰⵢ ⵢⴻⴷⴷⴻⵎ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⴰⵄⵕⴰⴱⴻⵏ ⵏ ⵜⵖⴰⵡⵙⵉⵡⵉⵏ ⵜⵉⵏⵎⴻⵜⵜⵉⵢⵉⵏ (ⵉⴵⵜⵉⵎⴰⵄⵉⵢⵢⴰ) ⴷⴻⴳ ⵜⴻⴷⵡⵉⵍⵜ ⵜⴰⵏⵓⵎⴰⵏⵜ ⵜⵉⵙ 33 ⵏ 2014 ⴷ ⵓⵙⵙⴻⴼⵄⴻⵍ ⵏ ⵍⴻⵡⵚⴰⵢⴰ ⴰⵢ ⴷ-ⵢⴻⴼⵔⵓⵔⵉⵏ ⴷⴻⴳ ⵜⴻⴷⵡⵉⵍⵜ ⵜⵉⵙ 21 ⵏ ⵜⴻⵙⵎⵉⵍⵜ (ⵍⴰⴵⵏⴰ) ⵏ ⵜⴳⴻⵔⴷⴰ ⵜⴰⵄⵕⴰⴱⵜ ⴰⵢ ⵜⴻⵙⵙⴻⵍⵡⵉ ⵎⴰⵚⴻⵔ ⴷⴻⴳ 2016.