Asebter amenzawi

Attekki n Wegraw Aɣerfan Aɣelnaw deg Usarag wis 3 n yiwamniyen aɛṛaben ɣef yigerdan

LDZAYER TAMANEɣT– Ad yettekki Wegraw Aɣerfan Aɣelnaw deg Usarag wis 3 n yiwamniyen (barlamaniyyin) aɛṛaben ɣef temsal yeqqnen ɣer yigerdan, d asarag ad d-yilin seg wass n ttlata d asawen deg Lqahira (Maṣer), ɣef wakken ay d-yenna welɣu n Wegraw.

D anmazul (na’ib) n uselway n Wegraw Aɣerfan Aɣelnaw, Said Lakhdari, ad yettekkin s yisem n wemni (barlaman) adzayri deg usarag-a yellan ddaw leɛnaya n Temɣunt Taɛṛabt s wemɛawen d Wemni Aɛṛab d Useqqamu Aɣelnaw Aɛṛan n Tgerda d Useqqamu n Wegrud d Tyemmat n Tegduda n Maṣer yellan d taselwayt n tedwilt tis 21 n Tesmilt n Tgerda Taɛṛabt.

Ad d-yili usarag-a deg ukatar n ussefɛel n ṛṛay ay yeddem useqqamu n yineɣlafen aɛṛaben n tɣawsiwin tinmettiyin (iǧtimaɛiyya) deg tedwilt tanumant tis 33 n 2014 d ussefɛel n lewṣaya ay d-yefrurin deg tedwilt tis 21 n Tesmilt (laǧna) n Tgerda Taɛṛabt ay tesselwi Maṣer deg 2016.