ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵀⴻⵔⵜ: ⴰⴱⴻⴷⴷⵓ ⵏ ⵓⵙⴻⵏⴼⴰⵔ ⵏ ⵍⵍⵓⵣⵉⵏ ⵏ ⵜⴽⴻⵕⵕⵓⵙⵉⵏ ⵏ ⵙⴰⵉⵒⴰ ⴷⴻⴳ 2016

ⵜⵉⵀⴻⵔⵜ– ⵢⴻⵏⵏⴰ-ⴷ ⵓⵏⴻⵎⵀⴰⵍ ⵏ ⵜⴻⵎⴳⵓⵔⵉ (ⵚⵉⵏⴰⵄⴰ) ⴷ ⵍⵎⵉⵏⴰⵜ ⴷⴰⴽⴽⴻⵏ ⵍⴻⴱⵏⵉ ⵏ ⵍⵍⵓⵣⵉⵏ ⵏ ⵓⵕⴻⴽⴽⴻⴱ ⵏ ⵜⴽⴻⵕⵕⵓⵙⵉⵏ ⵜⵉⵕⴰⵏⵉⵢⵉⵏ ⵏ ⵙⴰⵉⵒⴰ ⴰⴷ ⵢⴻⴱⴷⵓ ⵓⵇⴱⴻⵍ ⵜⴳⴰⵔⴰ ⵏ ⵓⵙⴻⴳⴳⴰⵙ-ⴰ ⵢⴻⵔⵏⵓ ⴷ ⵜⴰⴳⵔⴰⵡⵜ ⵏ ⵜⴰⵀⴽⵧⵓⵜ (ⵛⵉⵎⴰ ⵎⵧⵜⵧⵔⵙ) ⴰⴷ ⵜ-ⵉⵖⴻⵍⵍⵜⴻⵏ.

ⴰⵙⴻⵏⴼⴰⵔ-ⴰ ⴰⴷ ⵢⴻⵜⵜⵡⴻⴱⵏⵓ ⴷⴻⴳ ⵡⴻⵎⴽⴰⵏ ⵏ ⵢⵉⵡⴻⵜ ⵏ ⵍⵍⵓⵣⵉⵏ ⵜⴰⵇⴱⵓⵔⵜ ⴷⴻⴳ ⵜⴻⵎⵏⴰⴹⵜ ⵜⴰⵎⴳⵓⵔⴰⵏⵜ ⵏ ⵣⵣⴻⵄⵕⵓⵕⴰ. ⵍⵍⵓⵣⵉⵏ-ⴰ ⵜⴰⵇⴱⵓⵔⵜ ⵜⴻⴹⴹⴻⴼ ⵜⴰⵊⵓⵎⵎⴰ ⵏ 24 ⵏ ⵢⵉⵇⴻⵟⵟⴰⵔⴻⵏ ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴷⵊⴰⵎⴻⵍⴻⴷⴷⵉⵏⴻ ⵜⴰⵎⴰⵏⵜⵉⵜ ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ ⵢⴻⴱⴷⴰ ⵢⴰⴳⵉ ⵓⵅⴻⴷⴷⵉⵎ ⵉ ⵓⵀⴻⵢⵢⵉ ⵏ ⵡⴻⵎⴽⴰⵏ-ⴰ.

ⵍⵍⵓⵣⵉⵏ-ⴰ ⴰⴷ ⴷ-ⵜⴻⵜⵜⵡⴰⵙⵙⴻⴱⴷⴻⴷ ⵙ ⵍⵇⴰⵏⵓⵏ-ⵏⵏⵉ ⵏ ⵜⵉⵛⵛⵓⵔⴽⴰ ⵏ 51/49 ⵏ ⵕⴰⵙⴻⵍⵎⴰⵍ ⵢⴻⵔⵏⵓ ⴰⴷ ⵜⵓⵖⴰⵍ ⴰⴷ ⴷ-ⵜⴻⵙⵙⵓⴼⴼⵓⵖ 100.000 ⵏ ⵜⴽⴻⵕⵕⵓⵙⵉⵏ ⵉ ⵓⵙⴻⴳⴳⴰⵙ ⵖⴻⴼ ⵍⴻⵃⵙⴰⴱ ⵏ ⵓⵏⴻⵙⴽⵉⵏ (ⵄⴰⵔⴹ) ⴰⵢ ⴷ-ⵉⵇⴻⴷⴷⴻⵎ ⵓⵏⴻⵙⵎⴰⵍ ⵏ ⵓⵙⴻⵏⴼⴰⵔ, ⵎⴰⵀⵉⴻⴷⴷⵉⵏⴻ ⵜⴰⵀⴽⵧⵓⵜ, ⴷⴻⴳ ⵜⵉⵀⴻⵔⵜ.

ⴰⵙⵎⵉ ⴰⴷ ⵜⴻⴱⴷⵓ ⵍⵍⵓⵣⵉⵏ-ⴰ ⴰⵅⴻⴷⴷⵉⵎ, ⴰⴷ ⵜⴻⵙⵙⴻⵅⴷⴻⵎ 400 ⵏ ⵢⵉⵅⴻⴷⴷⴰⵎⴻⵏ, ⵙⴰⴽⴽⵉⵏ, ⴰⴷ ⵢⴻⵔⵏⵓ ⵡⴻⵎⴹⴰⵏ-ⴰ (ⵄⴰⴷⴰⴷ) ⴰⵔⵎⴰ ⵢⴻⵡⵡⴻⴹ ⵖⴻⵔ 1.500 ⵏ ⵢⵉⵅⴻⴷⴷⴰⵎⴻⵏ.

ⵍⵍⵓⵣⵉⵏ-ⴰ ⴰⴷ ⴷ-ⵜⴻⵍⵀⵓ, ⴷⴻⴳ ⵜⴰⵣⵡⴰⵔⴰ, ⵙ ⵓⵕⴻⴽⴽⴻⴱ ⴽⴰⵏ ⵏ ⵜⴽⴻⵕⵕⵓⵙⵉⵏ, ⵙⴰⴽⴽⵉⵏ ⴰⴷ ⵜⴻⴱⴷⵓ ⴰⴷ ⵜⴻⵜⵜⵡⴻⴽⴽⵉⵍ ⴰⵖⵔⴰⴼ (ⵜⴰⵚⵏⵉⵄ) ⵏ ⵜⵛⴻⵇⵇⵓⴼⵉⵏ ⵏ ⵜⴽⴻⵕⵕⵓⵙⵉⵏ ⵉ ⵜⴻⵕⵎⵉⵙⵉⵏ ⵜⵉⴷⵣⴰⵢⵔⵉⵢⵉⵏ ⵏⵉⴹⴻⵏ ⴰⴽⴽⴻⵏ ⴰⴷ ⵢⴰⵡⴻⴹ ⵓⵏⵏⵓⵎⵎⴻⴷ-ⵏⵏⴻⵙ (ⵉⵏⴷⵉⵎⴰⴵ) ⵖⴻⵔ 30%, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⴻⵜⵜⵡⴰⵅⴻⴱⴱⴻⵔ.

ⵜⴰⵡⵉⵍⴰⵢⵜ ⵏ ⵜⵉⵀⴻⵔⵜ ⵜⴻⵙⵄⴰ ⵢⴰⴳⵉ ⵍⵍⵓⵣⵉⵏ ⵏ ⵜⴽⴻⵕⵕⵓⵙⵉⵏ ⵜⵉⵎⴳⵓⵔⴰⵏⵉⵏ ⴷ ⵍⵍⵓⵣⵉⵏ ⵏⵉⴹⴻⵏ ⵏ ⵜⴽⴻⵕⵕⵓⵙⵉⵏ ⵏ ⵎⴻⵔⵛⴻⴷⴻⵙ-ⴱⴻⵏⵣ.