ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵖⵔⵉ ⵉ ⵡⴻⵎⴱⴰⴷⴷⴻⵍ ⵏ ⵜⵜⴻⵊⵕⵉⴱⴰⵜ ⴳⴰⵔ ⴰⴽⴽ ⵡⵉⴷ ⵜⴻⵔⵣⴰ ⵜⴻⵎⵙⴰⵍⵜ ⵏ ⵜⵖⴻⵍⵍⵉⵙⵜ ⵏ ⵢⴻⴱⵔⵉⴷⴻⵏ
ⵍⴷⵣⴰⵢⴻⵔ ⵜⴰⵎⴰⵏⴻⵖⵜ- ⴳⵔⴻⵏ-ⴷ ⵜⵉⵖⵔⵉ ⵢⴻⵎⵜⵜⴻⴽⴽⵉⵢⴻⵏ ⴷⴻⴳ ⵓⵙⴰⵔⴰⴳ ⵏ « ⵓⵃⴻⵣⵣⴻⴱ ⴷ ⵜⵖⴻⵍⵍⵉⵙⵜ ⵏ ⵢⴻⴱⵔⵉⴷⴻⵏ ⴷⴻⴳ ⵡⵓⵍ ⵏ ⵜⴻⵕⵎⵉⵙⵜ », ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⴰⴽⴽⴻⵏ ⴰⴷ ⴷ-ⵢⵉⵍⵉ ⵡⴻⵎⴱⴰⴷⴷⴻⵍ ⵏ ⵜⵜⴻⵊⵕⵉⴱⴰⵜ ⴳⴰⵔ ⴰⴽⴽ ⵡⵉⴷ ⵜⴻⵔⵣⴰ ⵜⴻⵎⵙⴰⵍⵜ ⵏ ⵜⵖⴻⵍⵍⵉⵙⵜ ⵏ ⵢⴻⴱⵔⵉⴷⴻⵏ ⴰⴽⴽⴻⵏ ⴰⴷ ⵏⴻⵇⵙⴻⵏ ⵢⵉⵙⴻⵀⵡⴰ (ⵃⴰⵡⴰⴷⵉⵜ) ⵏ ⵡⴻⴱⵔⵉⴷ.
ⵃⴻⵜⵜⴻⵜⴻⵏ-ⴷ ⵢⴻⵎⵜⵜⴻⴽⴽⵉⵢⴻⵏ ⴷⴻⴳ ⵡⴻⵎⵢⴰⴳⴻⵔ-ⴰ ⴷⴰⴽⴽⴻⵏ ⵢⴻⵙⵙⴻⴼⴽ « ⴰⴷ ⴷ-ⵢⵉⵍⵉ ⵓⵙⵙⵓⴳⴳⴻⵜ ⴷ ⵓⵙⵙⴻⵊⵀⴻⴷ ⵏ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⴷ ⵡⴰⴽⴽ ⵡⵉⴷ ⵜⴻⵔⵣⴰ ⵜⴻⵎⵙⴰⵍⵜ ⴷ ⵢⴻⵛⵔⵉⴽⴻⵏ ⵉ ⵓⵜⵜⴻⴽⴽⵉ ⴷⴻⴳ ⵡⴻⵙⵃⵓⵍⴼⵓ ⵉ ⵓⵙⵙⴻⵏⵇⴻⵙ ⵏ ⵢⵉⵙⴻⵀⵡⴰ ⵏ ⵡⴻⴱⵔⵉⴷ », ⴰⵎ ⵡⴰⴽⴽⴻⵏ ⴰⵢ ⴷ-ⵡⴻⴽⴽⴷⴻⵏ ⵖⴻⴼ « ⵓⵙⵙⵉⵍⴻⵖ (ⵜⴰⴽⵡⵉⵏ) ⵏ ⵢⵉⵏⴻⵀⵀⴰⵕⴻⵏ ⵉ ⵓⵙⵙⴻⵍⵀⵓ ⵏ ⴹⴹⴱⴰⵢⴻⵄ-ⵏⵙⴻⵏ ⴷⴻⴳ ⵡⴻⴱⵔⵉⴷ ⴷ ⵓⵙⵙⴻⵃⵕⴻⵙ ⵖⴻⴼ ⵓⵙⵙⴻⴼⵇⴻⴷ ⴰⵜⵡⵉⵍⴰⵏ ⵏ ⵜⴽⴻⵕⵕⵓⵙⵉⵏ ⴷ ⵢⵉⴽⴰⵎⵢⵓⵏⴻⵏ ».
ⵢⴻⵙⵎⴻⴽⵜⵉ-ⴷ ⵓⵏⴻⵎⵀⴰⵍ ⵏ ⵡⴰⵎⵎⴰⵙ ⴰⵖⴻⵍⵏⴰⵡ ⵏ ⵜⵖⴻⵍⵍⵉⵙⵜ ⴷ ⵓⵃⴻⵣⵣⴻⴱ ⴷⴻⴳ ⵢⴻⴱⵔⵉⴷⴻⵏ (ⵛⵏⵒⵙⵔ), ⴰⵀⵎⴻⴷ ⵏⴰⵉⵜ ⴻⵍ ⵀⵧⵛⵉⵏⴻ, ⵙ ⴷⴷⵓⵕ ⵏ ⵡⴰⵎⵎⴰⵙ-ⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵖⴻⵍⵍⵉⵙⵜ ⵏ ⵢⴻⴱⵔⵉⴷⴻⵏ ⵙ ⵓⵙⵙⴻⵃⴱⵉⴱⴻⵔ ⵏ « ⵓⵇⴰⴷⴻⵔ ⵓⵃⵕⵉⵙ ⴷ ⵓⵙⵙⴻⴼⵄⴻⵍ ⵏ ⵍⵇⴰⵏⵓⵏ, ⴰⵙⵙⴻⵍⵀⵓ ⵏ ⵜⴻⴳⵏⵉⵜ ⵏ ⵢⴻⴱⵔⵉⴷⴻⵏ ⴷ ⵡⴻⴹⵎⴰⵏ ⵏ ⵜⵎⴰⵛⵉⵏⵉⵏ ⵢⴻⵙⵙⴻⴼⵇⴰⴷⴻⵏ ⵎⴰ ⵎⵢⴻⵣⴳⴻⵏⵜ-ⴷ ⵜⴽⴻⵕⵕⵓⵙⵉⵏ ⴷ-ⵢⴻⵜⵜⵡⴰⴵⵡⴻⵏ ⴷ ⵢⵉⵍⵓⴳⴰⵏ ⵉⴳⵔⴰⵖⵍⴰⵏⴻⵏ ».
ⵏⵏⵉⴳ ⵡⴰⵢⴰ, ⵉⴳⴻⵔ-ⴷ ⵜⵉⵖⵔⵉ ⵎⴰⵙⵙ ⵏⴰⵉⵜ ⴻⵍ ⵀⵧⵛⵉⵏⴻ ⵖⴻⴼ « ⵓⵄⴰⵡⴻⴷ ⵏ ⵜⵎⵓⵖⵍⵉ ⴷⴻⴳ ⵡⴰⵀⵉⵍⴻⵏ ⵏ ⵓⵙⵙⵉⵍⴻⵖ ⵙ ⵡⴻⴹⴼⴰⵔ ⵏ ⵜⴰⵔⵔⴰⵢⵉⵏ (ⵎⴰⵏⴰⵀⵉⴵ) ⵜⵉⵜⵔⴰⵔⵉⵏ ⴷ ⵜⵜⴰⵡⵉⵍⴰⵜ ⵉⵎⴰⵢⵏⵓⵜⴻⵏ ⵉ ⵓⵜⵜⴻⴽⴽⵉ ⴷⴻⴳ ⵓⵙⵙⴻⵏⵇⴻⵙ ⵏ ⵢⵉⵙⴻⵀⵡⴰ ⵏ ⵡⴻⴱⵔⵉⴷ », ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵖⴻⴼ « ⵡⴰⵣⴰⵍ ⴰⵢ ⵢⴻⵙⵄⴰ ⵡⴻⵎⵛⵉⵡⴻⵕ ⴷ ⵓⵙⵙⴻⵎⵢⵓⴷⴷⴻⵙ (ⵜⴰⵏⵙⵉⵇ) ⴳⴰⵔ ⴰⴽⴽ ⵡⵉⴷ ⵜⴻⵔⵣⴰ ⵜⴻⵎⵙⴰⵍⵜ ⵉ ⵡⴻⵃⵔⴰⵣ ⵏ ⵎⴻⴷⴷⴻⵏ ⵙⴻⴳ ⵢⵉⵙⴻⵀⵡⴰ ⵉⵡⴻⵄⵕⴰⵏⴻⵏ ».
